كلاكيت عاشر مرة ، خفض الجنيه ، وارفع الفائدة

[hilal]

رغم بساطة المعادلة ، إلا أن الحل غير واضح للبعض

قيمة الواردات 65 مليار دولار (مصروفات) .... وقيمة الصادرات 25 مليار دولار (إيرادات)

سؤال: ماهي الحلول؟ ....
الاجابة: تخفيض الواردات ، أوزيادة الانتاج والصادرات

سؤال: هل يمكن حل المشكلة من خلال السياسات النقدية .... يعني نلعب في أسعار الصرف والفائدة
الاجابة: مستحيل السياسة النقدية مجرد عامل مساعد للسياسة الاقتصادية

سؤال: ممكن توضيح الكلام؟
إذا كنت عاوز تحل المشكلة لازم تزود الانتاج والاستثمار والصادرات (كده سياسة اقتصادية)
المفروض يتم تخفيض سعر الفائدة لتشجيع المشروعات على الاقتراض والاستثمار (كده سياسة نقدية)

سؤال: ما هي النتيجة المتوقعة لرفع سعر الفائدة ؟
كده انت بتحارب الاستثمار بدل ما تشجعه ، وكمان بتعمل حالة ركود في الاسواق لانك زودت تكلفة الاقتراض
يعني إذا كنت بتشتري سيارة أو ثلاجة بالتقسيط ، فالتكلفة زادت على المستهلك لأنها زادت على المستثمر

[hugan]

مفيش فايده

[ali ashraf]

سياسة الاقتصاد و اقتصاد سياسى

كلاكيت للمرة الالف المناخ السياسى طارد للاستثمار و طارد لرؤوس الاموال و بدلا من الاستثمار وجذب الاموال , الدولة لا تجيد سوى قوانين الجباية و تطفيش المستثمرين باعتبار انهم لصوص و عاوزين يكسبوا

[lonedoctor]

فين الاخ بتاع خلاص وهنلم الدولارات الى فى السوق وعنسيطير على كل حاجة
تبا للخونة والمزايدين
والكلام الكبير ده
اليات وسنن الاقتصاد معروفة من تشجيع الاستثمار وتنمية الصناعة الوطنية وتصدير سلع بجودة عالية يقبلها العالم غير كده حركات التخفيض والارتفاع ومنع السحب من البنوك وشهادات الاستحمار كله فكلام فاضى
ربنا يصلح الحال الصورة قاتمة جدا

[amrelsha3er]

وبعدين ياجماعه معنى كده ان الدولار شويه وهيطلع تانى!؟
طالما الحكومه معتمده على سعر الفائده تطلعو وتنزلو؟!

[رحالة]

ايش فهمكوا انتو
دي خطة من البنك المركزي
بكرة ينزلوا ١٠ مليار دولار
وبعدها ينزلوا ب ٢٠ مليار دولار
لحد مايوصل الدولار ٣ جنيه
وساعتها اللي معاه دولار يبله ويشرب ميته

*خبير اقتصادي من منازلهم

[hilal]

فين الاخ بتاع خلاص وهنلم الدولارات الى فى السوق وعنسيطير على كل حاجة
تبا للخونة والمزايدين

الخطأ مش عيب ، ولكن العيب ان يتكلم بعجرفة وغطرسة ووراه اتنين تلاتة بيطبلوا على أي كلام