إعـــــــلان

Collapse

.

,
See more
See less

برجاء النصيحة شركة محمول عاوزه تأجر 15 متر * 15 متر من الارض الزراعية

Collapse
X
 
  • Filter
  • الوقت
  • Show
Clear All
new posts

  • برجاء النصيحة شركة محمول عاوزه تأجر 15 متر * 15 متر من الارض الزراعية

    السلم عليكم ورحمة الله وبركاته

    عندنا قطعة ارض زراعية فيها منزل لوحده فى وسط الاراضى الزراعيه غير مأهول تم بناؤه من أكثر من 35 سنة
    الأرض بنأجرها للمزارعين كل سنة وكنت بتمنى استغلالها فى نشاط آخر بجوار الزراعه عملنا توصيل كهرباء للمنزل لاستخدامه كمزرعه دواجن او ماشية أو اى نشاط آخر مناسب واتكلفنا تكاليف باهظة فى شراء اعمدة الانارة وتركيبها حتى توصيل الكهرباء الى المنزل من اقرب منطقة سكنية فيها كهرباء طبعا كل حاجه على حسابنا والدولة لا تتكلف اى شيئ

    اليوم عدى مندوب من احدى شركات المحمول عاوز يأجر 15 متر * 15 متر من الارض الزراعية لاقامة برج محمول لمدة 15 سنة بسعر 18 ألف جنيه ايجار سنوى
    مش عارف هو اختارنا احنا بالذات ليه ؟
    هل علشان اعمدة الكهرباء رايحة للارض بتاعتنا ولا علشان فيه منزل وفيه حراسة داخل المنزل للحماية من السرقة ولا ايه ؟
    ابراج المحمول بتاخد كهرباء من الشبكة ولا بيكون ليها مولدات خاصة ؟
    انا كنت بسمع مبالغ خياليه اكبر من كده بكتير لإقامة هذه الابراج ؟
    ايه رأيكم ياجماعه ؟
    أنا معنديش فكره عن الموضوع ده ومعرفش ايه الاسعار والاتفاقات بتكون ازاى ؟
    هل هذا المبلغ مناسب ولا اتفاوض معاه على مبلغ اكبر ولا ايه ؟

  • #2
    ياولاد النصابة


    حبيب قلبى انا بنت خالتى برج راكب فوقيهم .. من خمس سنين دفعين لهم فى السنة 50000 وكل سنة بيزيدو 5000 يعنى دلوقتى بقو 55000 وواخدين خطوط ان ليمتد وانترنت وهدايا كل شوية تجيلهم من الشركة

    دول نصابين خش فيهم شمال ولو ناوى ع الموضوع قولهم انا شركة تانية عرضت عليا بسعر 50000 فى السنة هيوافقو

    Comment


    • #3
      هو ليه احنا كمصريين اى حاجه بتبقى نصب ؟
      االشركه عرضت وهو له حريه القبول او الرفض يعنى عرض وطلب ومحدش اجبره واكبر دليل الراجل جاى يستشيرنا...لو فى حاله مشابهه لارض زراعيه مش عماره قوله خدوها بكام
      الانفرتر الهندى من البدايه للنهايه
      http://www.nilemotors.net/Nile/430457-a.html

      Comment


      • #4
        خد بتار الشعب

        Comment


        • #5
          انا جالي شركتين فوداون وموبينيل وعايزين سطح البيت الدور الرابع
          اول عرض لهم هما الاتنين كان 40000
          وفودافون وصلتها ل60000 وانا طلبت 100000 سنويا والعقد مش فاكر كان 10 ولا 15 سنه والزياده 10%
          بس انا عندي مخاوف من الموضوع دا لان سالت وعرفت انه له اضرار

          Comment


          • #6
            هما بياخدوا خط كهربا
            وبيركبوا مولد لو الكهربا قطعت يأمن المحطة
            وفيه تكييف بيركب برده سبليت تقريبا

            ولان السرقة للمولد والمكيف انتشر بعد الثورة
            بيجيبوا غفير لو المحطة متركبة فى ارض فاضية
            فانت كدة موفر عليهم اجر الغفير كمان
            A.Saad

            Comment


            • #7
              المبلغ قليل جداً جداً
              بالنسبة للتأثير السلبي للمحطة
              أعتقد ان التأثير بيكون أفقي مش رأسي

              يعني الموجه بتاخد مسارها بشكل افقي .. يعني الناس اللي حوالين المحطه خاصة في نفس الارتفاع
              أكثر ضرر بكتيير من اللي بيكون تحت المحطة مباشرة .
              [CENTER]سبحانك ربي .. لا اله الا انت[/CENTER]

              Comment


              • #8
                المشاركة الأصلية كتبت بواسطة 3abdo.it مشاهدة المشاركة
                ياولاد النصابة


                حبيب قلبى انا بنت خالتى برج راكب فوقيهم .. من خمس سنين دفعين لهم فى السنة 50000 وكل سنة بيزيدو 5000 يعنى دلوقتى بقو 55000 وواخدين خطوط ان ليمتد وانترنت وهدايا كل شوية تجيلهم من الشركة

                دول نصابين خش فيهم شمال ولو ناوى ع الموضوع قولهم انا شركة تانية عرضت عليا بسعر 50000 فى السنة هيوافقو
                البرج اللى بيتعمل على الارض ايجاره ارخص بكتير جدا
                عن المرفوع على مبنى سكنى

                لان مش اى حد بيوافق انه يقتل نفسه ببرج اتصلات فوق راسه

                اعرف واحد حاطط برج فوق بيته (بقاله 20 سنة تقريبا ) و بيته 7 ادوار اخر 4 فاضيين و رغم ذلك ابنه (24 سنة ) اصيب بمرض مش معروف له علاقة بالمناعة و الاعصاب .

                لكن الارض واسعة و اللى حيرفض عشرة حيقبلوا

                Comment


                • #9
                  ازاى اجيب عرض من شركة محمول لو عاوز اركب برج على مبنى عندى ؟؟؟؟
                  [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

                  Comment


                  • #10
                    يا استاذي الفاضل الناس بتهرب والشركات هي الي بتتحايل
                    ابعد عنهم لان فيه مخاطر فعلا للموضوع دا
                    متفكرش تجري وراهم

                    Comment

                    Working...
                    X