جديد 2016 قبل موسم الصيف: تكييف sharp ولا lg

[egytamer]

انا كمان في نفس الحيرة طول عمري في الشركات والمواقع الصحراوية بشتغل بالكارير وممتاز بصراحة بس معرفشي اخبارو مع الكهرباء اية
دلوقتي شايف اعلانات للسامسونج والهيتاشي والباناسونيك ومواصفات جميلة وسعر معقول بس بصراحة خايف من الصيانة وقطع الغيار
كمان لو حد جرب التكيف الي بالانفرتر يقلنا لاني بسمع انو بيوفر لحد 30% من الكهرباء
اخيرا لو حد يعرف شركة كويسة وبتقسط ياريت يقلنا عليها لان مصرية جروب كاتبة اسعار علي الويب سايت مختلفة عن الواقع

[mk3]

ملحوظه
ال جى المستورد بح

[Mohamed_Hamid]

انا لسه مركب الهيتاشي اعتمادا على اسم هيتاشي اليابانيه وهيتاشي اصلا بتصنع الكومبريسور لماركات تانيه كتير
المكيف شايفه ممتاز وهادي وبيبرد بسرعه لكن لسه طبعا لم يوضع تحت الاختبار الحقيقي ومعرفش الكومبريسور ياباني ولا صيني الحقيقه
وسعره كان ممتاز 3600 ج من اسبوعين وريفيرت بارد وساخن
الجري gree برده بيقولوا في الخليج انه ممتاز واعتمادي
ال ال جي عليه شكاوي كتير في الخليج
الترين الامريكي كمان بقى بيتصنع في الصين

مبروك عليك ربنا يبارك لك

ممكن اعرف حضرتك جبته كام حصان ومنين؟

[salam100100]

انا مجرب كارير 1.5 حصان وشارب 1.5 حصان فى غرقتين نقس المساحه والموقع (تكيفات اسبليت)

كارير بقاله 5 سنين (جبته ب2900 جنيه) بيشتغل تقريبا 16 ساعه فاليوم لمده شهرين
مشتكتش منه فى حاجه وملاحظ انه مش بيعلى الفاتوره (لحد الصيف اللى فات)
بنظف الفيلتر 3 مرات فالصيف عشان الريحه

الشارب بدون بلازما جبته من سنه (تقريبا 4000 جنيه), مشغلتوش كتير فمش هقدر احكم عليه كاعتماديه- لسه منظفت الفيلتر بتاعه


الشارب احسن فى:
1- الصوت
2- المحافظه على درجه حراره الغرفه على الدرجه المطلوبه

هشرح قصدى ايه
الكارير وانا نايم بيشتغل فتره ويفصل, وانا نايم بابتدى احس ان الجو ابتدا يحرر, اول مبحس بده التكييف يرجهع يشتغل تانى

الشارب بردو بحس ان الجو بيحرر سنه لكن اقل من الكارير

انا فى حيره ,عايز اجيب تكييف 1.5 حصان شباك ومحتار مابين شارب وكارير
وغالبا هجيب شارب الفرق 200 جنيه
حد جرب شارب 1.5 حصان يقلى عامل معاه ايه؟

[lonedoctor]

اعتقد انه دة فرق فى حساسية الترموستات بالنسبة للحرارة والتثبيت للوحدة الخارجية بالنسبة للصوت لانه انا عندى 2 كارير قوة 1.5 وواحد 3 حسان والاتنين 1.5 بينهم فرق صوت بسبب الوحدة الخارجية اقرب للى صوته عالى من الشباك وليها اثر اهتزاز فى الحائط من الاخر بالرغم من انهم نفس القوة والماركة
الكارير مروحته وقوة دفع الهواء اقوى بالمقارنة للانواع الاخر من نفس القوة
وده كلام المهندس اللى ركبه لى من سنوات وكان عنده معظم الانواع اللى فى السوق وبالمناسبة الغرفة عندى 16 متر وكان كلام المهندس لو هتركب شارب لازم 2 وربع حصان ولو كارير يمشى 1 ونص
عموما انا متابع ارائكم لانى باجهز الفيلا عندى اليومين دول وهاشترى مكيفات واكيد الامور اتغيرت وجودة المنتجات ممكن تكون اختلفت اليومين دول عن زمان
محتاجين احد الاعضاء المحترمين اللى جرب سامسونج او ال جى يعطينا خبرته وتجربته معاه
تقبل تحياتى

[dede_dodo88]

كده بنسبة كبيرة الكفة تميل لصالح كاريير..
السؤال بقى, أجيب منين ؟ كاريير نفسهم وللا موزع ؟..

[melouk1]

شارب عندي في الدورالأخير ١ و نص في عز موجة الحر الصيف اللي فات اللي وصلت خمسين كنت بتلج من التكيف في الأوضه و بعمله كتير على ٢٥ !!!!
شارب محترم و كفاية صوته الهادي اللي ينيمك لو لسه صاحي :))

[رحال122]

اشتريت امس مكيف توشيبا دايموند 1.5 حصان بارد فقط
توشيبا - Diamond 7in1 | تكييفي

علماً بأن المكيف صناعه تايلندية


ياتري المكيف جيد في دفع الهواء والتبريد وهل القطع صينى وخصوصا الكباس

ولكم تحياتي

[ahmedwagdy03]

طيب نقول بسم الله

.. لمدة 20 سنة ماضية .. كانت تكيفات شارب عبارة عن كباسات مليزى .. تجميع مصرى
تغير الوضع من سنة ونص اصبع الكباس صينى تجميع مصرى ودا توفيرا للنفافات من قبل الشركة ... يوجد العديد من الشكوى من تكيفات شارب حاليا بسبب سوء التصنيع الى بنتكلم فية .. بنلاحظ حاجتين

الحاجة الاولانية ان الى بيشكر فى التكيف حاليا .. الى عندة تكيف شارب من زمان وفاكر انة لسة قوى زى زمان
الحاجة التانية . ان بردة فى ناس محظوظة جدااا بيروحو يشترو تكيف شارب ويقع نصيبهم فى تكيف مركون من زمان عند البائع وبالتالى التكيف هيبقا كويس جدااا
ملحوظة اخيرة . لما تتصل بالمصنع التصنيع تصنيع اية هيقلك مليزى وهيكذبو .. باختصار المصنع دلوقتى بيبيع على سمعتة القديمة وخلاص ومبقاش فى اهتمام اطلاقا بالمنتج





نيجى بقا لباقى التكيفات ... الافضل حاليا وبجدارة lg >>> الاسباب

1- صناعة كورى تجميع سعودى ودا الى بينزل الخليج ومصر .... صناعة كورى تجميع كورى ودا بينزل بردة مصر بس غالى جداا وشكلة شيك جداا والمسمى بتاعة ارت كول

2- نظرا لان الكباس موجة للخليج فهمو مصمم انة يستحمل درجات الحرارة بتاعت الجو الخارجية
3- سعرة اعلى لاننا بنستوردة من الكويت والسعودية وغيرها من دول الخليج
4- عن تجربة .. الهوا الصادر منة مش بيتعب معرفش لية ولا اية السبب.. الهوا بيبقا بارد بس مش بيلسع الجلد زى بقيت التكيفات



نيجى لتكيفات اخرى .. فى انواع شغالة مش وحشة بس صينتها واسمها مش كبار فى السوق زى جرى . هيتاشى وغيرهم


الملخص خليك فى المضمون lg >>> وكيلة الى انا اعرفة وبتعامل معاة فى المهندسين اسمة ماكس تريد بس اعتقد سعرة غالى شوية لانة الوكيل الرسمى

بعد إذنك فى نقطة محتاج أفهمها

جميع المكيفات فى الخليج بتشتغل على 60 هرتز و متنفعش تشتغل فى مصر لإن عندنا التيار 50 هرتز

يبقى إزاى بتتصدر لمصر

[egytamer]

اشتريت امس مكيف توشيبا دايموند 1.5 حصان بارد فقط
توشيبا - diamond 7in1 | تكييفي

علماً بأن المكيف صناعه تايلندية


ياتري المكيف جيد في دفع الهواء والتبريد وهل القطع صينى وخصوصا الكباس

ولكم تحياتي

ياريت تقلنا جبتو منين وبكام وهل الجهاز بضمان العربي برضو ولا ملهوش علاقة بية وهندوخ علي الضمان وقطع الغيار

[egyption2012]

تجربتي جيدة مع تكييف lg اتنين وربع حصان
اشتريته الصيف الماضي
لكن لم اقارنه مع غيره من الماركات الأخرى التي قد تكون متفوقة عليه او لا
لكن صوته ملحوظ في الوحدة الخارجية
بالإضافة لحجمها وزنها الكبير بالمقارنة مع وحدات الماركات الأخرى زي شارب

[رحال122]

مكيفات توشيبا بضمان ميراكو كاريير

ياريت تقلنا جبتو منين وبكام وهل الجهاز بضمان العربي برضو ولا ملهوش علاقة بية وهندوخ علي الضمان وقطع الغيار

مكيفات توشيبا فقط وكيلها ميراكو كاريير وده موقعهم
Miraco Carrier Co.



ضمان خمس سنوات علي الكمبروسر وسنة علي الجهاز بالكامل
جميع موديلات الاجهزة مستوردة من تايلند
1.5 حصان قبل شهرين 4200 جنية شامل التركيب قبل ارتفاع الدولار
قطع الغيار متوفرة وموجوده لانها نفس القطع بتاع كاريير وتوشيبا وميديا ال وكيلهم ميراكو
فيه شراكة ما بين شركة توشيبا وكاريير وعاملين مصنع في تايلند

المكيفات متوفره علي الموقع ده والاسعار الجديدة هنا
بحث | تكييفي

[رحال122]

إزيكم يا شباب

قررت أشتري تكييف جديد إن شاء الله قبل موسم الصيف (اللي غالباً هيكون قالب على جو الخليج) ربنا يستر :c_laugh[1]:

تقريباً والله أعلم بسبب موضوع الدولار والتخبط في سعره، السوق تقريباً متعطش بشكل مش طبيعي من معظم الأجهزة الكهربية وخصوصاً التكييف علشان ينزلوا بيها على موسم الصيف على طول والسعر يزيد وفيه محلات كبيرة جداً ومشهورة إنسحب منها المنتجات اللي كانت متوفرة من أسبوعين بس.

بما إني مهندس، بحب جداً قبل ما أقرر الشرا إني اقرى التفاصيل الفنية والمانيوالز وأشوف الآراء، غالبا بيكون في الموبايلات والكمبيوتر والإلكترونيات، لكن لما جات عند التكييف، الموضوع بقى مربك جداً.

مواصفات الغرفة المطلوب ليها التكييف: 3*3 متر (27 متر مكعب تقريباً) والواجهة غربي في دور أخير 11، يعني في الصيف الشمس من 1 الضهر للمغرب في البيت ( ربنا ما يوريكم :c_laugh[1]: )

خلاصة البحث

بعد ما قريت هنا كتير آراء الناس على التكييفات وأفضلها من حيث تحمل الحرارة العالية والصوت وقوة التبريد والكفاءة، البحث اختصر في ماركتين: شارب sharp و إل جي lg.

وحسب حجم الغرفة فالأنسب 1.5 حصان وأنا ناوي إن شاء الله أجيبه سخن بارد لأن الشتاء بيكون فريزر بمعنى الكلمة ويكون فيه خاصية تبريد-تدفئة سريعة (تربو) ونظام تنقية هوا (بلازما).

الموديلات المتوفرة في الأسواق حالياً حسب المواصفات المطلوبة:

شارب sharp: تكييف شارب 1.5 حصان إسبليت بارد - ساخن بريميم بلاس ay-ap12rhe
إل جي lg: تكييف 1.5 حصان إسبليت بارد - ساخن - جيت كوول gs-h126e5u3

تقريباً الموديلين سعرهم قريب من بعض (يزيد أو يقل في حدود 200-300 جنيه)

المزايا المشتركة
الموديلين فيهم كل المميزات المشتركة زي (التربو، البلازما، الريش swings بتتحرك اوتوماتيك في كل الإتجاهات، شاشة ديجيتال وسعة تبريد 12000 وحدة حرارية للتبريد و13300 للتسخين).

حسب موقع lg بيقول إنه بيتميز عن غيره بكمبريسور قاري tropical يستحمل حرارة ل54 وتحكم في الفولتية (الكهربا) نظام حماية من الجهد المنخفض والمرتفع وفلتر ثلاثي ضد الفيروسات والأتربة.

حسب موقع العربي بيقول إن تكييف sharp فيه خاصية التشغيل الهادئ (منخفض الصوت)، طول الوصلات: 4 متر، eer نسبة كفاءة الطاقة، تشغيل تلقائي بعد إنقطاع الكهرباء، فتحة خروج الهواء كبيرة وتايمر تشغيل/إيقاف نظام 12 و24 ساعة وتايمر إيقاف 5 ساعات.

موقع lg مفقتد بيانات مهمة زي طول الوصلات والصوت ونسبة كفاءة الطاقة وحجم فتحة خروج الهوا والتشغيل التلقائي والتايمر.


لكن أنا بقيت متردد لأن الكلام كتر عن مزايا وعيوب التكييفين خصوصاً إن السعر قريب من بعضه، ناس بتقول إن شارب سمعته وجودة منتجاته معادتش زي الأول وبيعتمد على سمعته السابقة وإن موديل 2.25 حصان كان بيعمل صوت طقطقة (المفروض يكونوا عالجوا دي في الموديل دا لل2.25 حصان عن سابقه) لكن الحق يتقال، مفيش سلبيات قريتها عن تكييف lg إلا كلام عن كفاءة الطاقة بتاعته e ودي تعتبر قليلة وده معناه إستهلاك أكبر للكهرباء، لكن التردد جالي بسبب إنتشار sharp بشكل أوسع عن lg وصعب جداً ألاقي تكييفات lg في المحلات والتوكيلات التجارية الكبيرة.

النقط الغامضة بالنسبة لي زي ما سبق وقولت: موقع lg مفقتد بيانات مهمة زي طول الوصلات والصوت ونسبة كفاءة الطاقة وحجم فتحة خروج الهوا والتشغيل التلقائي والتايمر. الغامض بالنسبة لي كمان محتاج أعرف خدمة ما بعد البيع، الصيانة، مين توكيل lg المسئول في حالة لا قدر الله الأعطال وسنين الضمان بالنسبة لlg وتوافر قطع الغيار لsharp وlg وسعرها بالمقارنة لبعض.

ياريت نشارك تجاربنا في التكييفين ويا سلام لو شاري قريب (موديلات جديدة من 2015) يشاركنا برأيه وياريت لو فيه معلومة ناقصة ينورنا بيها بحيث نغطي كل النقط الناقصة.

معلش طولت عليكم! :zb_sor1[1]:

أفضل منتجات شركة ال جي في مجال المكيفات موديل اسمه تيتان lg titan دا الأفضل علي الإطلاق

[amrnagar]

أنا متشكر جداً لآرائكم ومشاركتكم المتميزة والموضوع مازال مفتوح. قررت أكلم الموزعين الخاصين بLG وكان رد معظمهم التالي:

1- التكييفات هتنزل 1 أبريل (كمان 10 أيام)
2- فيه زيادة في السعر (حوالي 16% وفيه اللي لسة مسعرش)
3- أي موزع كان عنده نظام تقسيط لLG معادش يقسط بسبب الحجز المسبق وإن التوكيل بيجيب حسب الطلب

بالنسبة للعربي:

1- التوكيل نفسه أكد إن السعر هيزيد 7% من 1 أبريل.


بالنسبة لي، نفسي ألاقي موزع لأي من ال2 يقدر يخليني أقسط عليهم أو اي بنك أو أشتري بCredit Card.

بص فى عرض اسعار جامده من شارب العربى وانا اشتريت فعليا 3 حصان بلازما بارد التكيف كويس جده صوت الكباس اهدى من ال جى من وجهة نظرى خليك فى البارد افضل واستخدم دفايات فى الشتاء اى ان كان نوع التكييف الى هتستقر عليه .... العرض ليوم 31 الشهر ده .... موقع العربى الرسمى .... بالتوفيق