قصة انسان فاشل

[Bassem Youssef]

العيب مش فيك يا صديقي

حتي لو كان معاك فلوس تعمل مشروع

كنت هتقابل مليون عقبه اثناء تأسيس المشروع و لازم تصبح علي فلان و علان عشان امورك تمشي

حاليا فرص نجاح اي مشروع ضئيله في ظل الانهيار الاقتصادي اللي بنعيشه حاليا

افضل حل انك تشوف عمل خارج مصر

ربنا يوفق الجميع

[svneleven]

مبدأيا سيادتك مش فاشل البلد هي اللي فاشلة.
ال 2000 جنيه قليل جد لازم تشوف شغل تاني لان حضرتك اقل واجب تاخد 5000 جنيه علي اساس خبرتك.
الرزق جزئين. جزء بيجيلك لحد عندك حتي لو قاعد في البيت و جزء لازم تسعي و تجري وراه عشان يجيلك. اوعي تبطل سعي.
مش عيب تروح ل زميلك لو علاقتك بيه كويسه و تشتغل معاه و تكبر انت كمان.
ربنا يقويك و يوفقك و افتكر بردو ان صحتك انت وولادك و زوجتك رزق كبير جدا لازم تحمد ربنا عليه.

[banzai]

انا محبط احباط محترم من الى بيخلى الناس تكرة الحياة ويجيلها امراض الدنيا

لكن لما ابص الاقى واحد معرفة كان معايا فى الدراسة وكان فاشل وابوة طلعة وشغلة فى ورشة قماش الاقية معدى قدام بيتى ب bmw وشارى ارض معدية ال 500 الف ومكملش 28 سنة وبقا عندة مصنع

كلنا هذا الرجل و موضوع الرزق ده شىء بايد ربنا سبحانه و تعالى فقط
انا لحد انهرده كنت حاطط فى توقيعى صورة عربيه رغم انى كنت حاططها اعجابا بالتكنولوجيا و القوه اللى فيها
اعمالا بقول الحق : و لا يحيطون بشىء من علمه الا بما شاء
و الاقتباس بتاعك ده انا قولته كتيييييير اوى قبل كده و لولا فضل من الله و رحمه كان زمانى لسه بقوله
شوف يا زعيم
ربنا سبحانه و تعالى فى كتابه العزيز يقول
قَد تَّبَيَّنَ الرُّشْدُ مِنَ الْغَيِّ ۚ فَمَن يَكْفُرْ بِالطَّاغُوتِ وَيُؤْمِن بِاللَّهِ فَقَدِ اسْتَمْسَكَ بِالْعُرْوَةِ الْوُثْقَىٰ لَا انفِصَامَ لَهَا ۗ وَاللَّهُ سَمِيعٌ عَلِيمٌ
لا تجعل قرينك يتحكم فيك فهو مكتوب عليه الخلود فى النار و انت عدوه اللدود لانك السبب فى خلوده فى النار
كلما غضبت و ضاق صدرك و ابتعدت عن الله كان الشيطان من الفاكهين الضاحكين لم لا و هو يقودك و يتحكم فى ارادتك رغما عنك اللى انت بتقوله دلوقتى اقسم بالله العظيم من قرينك هو يعطيك الفكره و انت ان لم
ترفضها انقدت لها اياك و الطاغوت و الطاغوت هنا هو اى شىء يلهيك عن التسليم بامر الله و يشغلك عن الولاء له و عبادته
احنا مخلوقات ميكروسكوبيه للخالق عز و جل و لو شاء الله ان يؤمن جميع من فى الارض فأمره نافذ
لكن هيهات ثم هيهات الموضوع مش سهل و قرينك و باقى الشياطين لن يتركوك
طيب هو ليه ربنا حط لكل واحد قرين ؟ ببساطه شديده ممكن واحد يطلع عينه 50 سنه شغل و كفاح علشان يأكل عياله و يجوزهم , لكن فى الجنه كل شىء مباح و ببلاش بدون مقابل فمن الغنى ؟ من الكريم ؟
ربنا بيقول فى كتابه العزيز كنوع من السخريه من الانسان
وَضَرَبَ لَنَا مَثَلًا وَنَسِيَ خَلْقَهُ ۖ قَالَ مَن يُحْيِي الْعِظَامَ وَهِيَ رَمِيمٌ
يا زعيم لو كانت الدنيا تساوى عند الله جناح بعوضه ما سقى الله فيها كافرا شربة ماء

اذكر نفسى و اياك بذكر الله و حمده و الثناء عليه و قرائة آية الكرسى و اعلم ان الظلم ظلمات يوم القيامه
و خلى بالك اكبر اسلحة الطاغوت فى العصر الحديث هو التلفاز و ده سلاح نووى له ربنا يهدينا جميعا اللهم امين

[ahmedwagdy03]

محدش قالك أو علمك إن الرزق ( اللى هو مش فلوس بس ) مش بإيدك و لا بإيد أى حد

إرض بما قسم الله لك و حاول أن تسعى للأفضل و إذا لم تجد فإعلم أن لك رزق فى وقت معلوم لن يأخذه غيرك

[hany121]

انا بصراحه بأحيي الناس اللي اتكلمت في الموضوع من الناحيه الدينيه ووضحت ان الرزق بيد الله وانه مش مال فقط .. في ناس كتير معاها المال وبتتمني رزق تاني ومش لاقياه زي الصحه او راحة البال او الزريه او الزوجه الصالحه ... تاني بقولك اسعي وخد بالاسباب وسيب الرزق علي الرزاق الكريم سبحانه وتعالي ولو عملت ده ولم تحصل علي المال اللي بتتمناه فاعرف انك اخدت نصيبك من الرزق من ابواب تانيه غير باب المال...

نصيحه ما تمشيش ورا سكة تعليق قلة الدخل علي فشل البلد.. البلد ملهاش دخل في الموضوع ده ولازم تبقي عارف ان لو البلد بكل مسئوليها ومواطنيها مستقصدينك شخصيا مش هيقدروا يمنعوا عنك رزق ربنا كاتبهولك.. الفاشل هو الفكر العقيم اللي بيرمي كل حاجه علي البلد .. شوف التعليم الجامعي والشهاده اللي انت حصلت عليها بتكلف كام في امريكا وفي مصر كلفتك كام؟ احنا للاسف اتربينا غلط . اتعودنا انه لازم يبقي في حد متعلقين في رقبته . الطالب لحد ما يتخرج من الجامعه اهله ملتزمين بكل مصاريفه (اكل- شرب-لبس-فسح-موبايل-الخ) وبعد ما يتخرج يتعنتظ علي الشغل ويستعيب يشتغل اي شغلانه مؤقته ويقف علي باب الحكومه يقولها عينيني في شغلانه من اللي بيروحوا يمضوا فيها ويقعدوا علي القهوه ومفيش مانع ياخد من اهله 20 ولا 30 الف جنيه رشوه يدفعهم لمسئول في وزاره ولا مصلحه علشان يتعين في وظيفه ب 300 جنيه ويستني ابوه لما يطلع علي المعاش يديلوا جزء من مكافئة نهاية الخدمه علشان يشتري شقه ... زي لما بنشوف الايام ده حملة الماجستير والدكتوراه بيتظاهروا علشان الحكومه تعينهم . بالذمه في كده؟! يعني تعبت وذاكرت وعايز تتعين في الحكومه بعد ما بقيت دكتور؟ هتاخد كام في الحكومه ولو انت فعلا كفؤ هتاخد كام في القطاع الخاص؟؟ شوف في المقابل الشاب الامريكي مين اللي بيصرف علي تعليمه؟ هو اللي بيشتغل علشان يوفر مصاريف الجامعه اللي بمبالغ طائله علشان كده بيطلع معتمد علي نفسه مش مستني اب يعلمه ولا حكومه تعينه.. وطبعا مش كل المصريين اتربوا بالشكل ده ومش كلهم متواكلين لكن اغلبهم للاسف...

لما يبقي قدامك نموذج لاتنين خريجي تجاره واحد متدلع وابوه بيصرف عليه وواحد شايل مسئولية عيله وبيشتغل ويذاكر وتلاقي بعد التخرج اللي كان بيشتغل مع الدراسه تقديره اعلي.. ده يعرفنا ان تحمل المسئوليه من الصغر بيطلع رجاله..

لما الشخص المدلع يرفض شغل (مش قد المقام) ويجري ورا وظيفه حكوميه ب 1200 جنيه بالواسطه وتلاقي التاني بيشتغل في سوبر ماركت من السلاسل الكبيره ويوفر فلوس ياخد بيها دبلومة cma وياخدها فعلا ..وعن طريق عميل بالسوبر ماركت تجيله وظيفه في شركه دوليه ليها فرع في مصر بميلغ اكتر من 10 الاف جنيه في الشهر كبدايه تعرف ان الله لا يضيع اجر من احسن عملا وان السعي علي الرزق احد اسباب الحصول عليه وان الله سبحانه وتعالي بيسبب الاسباب وان البلد ملهاش علاقه بفشل او نجاح حد ...

[tkamal]

لو هنتكلم عن النجاح المالى فى الحياه وهو ليس كل النجاح فى الحياه
85 % من النجاح المالى يعتمد على صفاتك وقدراتك الشخصيه
15 يعتمد على الشهادات والعلم

عشان كده ممكن تلاقى واحد جاهل بمهنى الكلمه من علم وشهادات ولكن عنده امبراطور فى المال
والعكس ممكن تلاقى دكتور جامعه فى اعلى الشهادات وعايش بمستوى دخل عادى جدا


لو عايز نجاح مالى اشتغل اكتر على نسبه 85% يعنى امانياتك وذكاءك وقدرتم على استخراج فرص للنجاح
وطبعا لا تهمل 15%

[juba8]

بلاش تبص لغيرك

[S O P H O S]

المشكلة مش فيك
الموضوع رزق اولا وثانيا توقيت وعاوز صبر

[أبو إياد]

القليل خير من العدم

[Muhammad Ahmad]

الحمدُ لله

فَكر قَرر إستخير توكل هذا ما فى الأمر

ما تحتاجهُ فقط أخى العزيز هو نيه صادقه مع الله

أن يُلهمك الله لشىء وإن كان يسير والا تنسى حق اللهُ عليك فيه

كأنها شَراكه بينك وبين الله وأن يستعملك اللهُ فيها أتمنى أن يكون وصلك مُرادِ

[mk3]

عايز تجيب فلوس تشتغل الصبح مهندس ززتاخد 2200 وتنزل بعد الشغل تشتغل فى اوبر معاك عربيه هتسيب الهندسه..مش معاك عربيه تشتغل مع عربيه واحد وبرضه يمكن تسيب الهندسه....خش على جروب اوبر هتلاقى دكاتره ومهندسين شغالين فى اوبر....مصر اختلفت يا صاحبى..الدولار داخل على 12 جنيه