عايز محفظه حلوه

[hussein]

ياريت لو حد يعرف حد بيبيع محافظ حلوه او حوافظ كارنيهات يقولي من اين
وبلاش الاونلاين

[حمادة الاسمر]

أحمد حسنين ، محمد حسنين - مكتب إستيراد ساعات فرست كوبى و أكسسورات اعتقد اسمها بلغارى و محافظ جلد ماركات عالمية موجود فى المبنى الادارى لجراج العتبة الدور الرابع اسال الامن تحت و هما هيتصرفوا


محل shoot فى الملحق التجارى لرمسيس هيلتون " المول " المحل برة مش جوة المول محل جلود و عندة حاجات حلوة لكن مش ماركات

[melouk1]

بكام الأول حدد في لحد ٥٠٠٠ جنيه

[dr.mero90]

انا معايا محفظه كاتربيلر بقالها 5 سنين معايا و زى الفل كنت جايبها ب300 ريال ههههههههه لو تحب تاخدها ما تغلاش علي حضرتك يا فندم اتفضلها

[رامي مصطفى]

انا معايا محفظه كاتربيلر بقالها 5 سنين معايا و زى الفل كنت جايبها ب300 ريال ههههههههه لو تحب تاخدها ما تغلاش علي حضرتك يا فندم اتفضلها

والله العظيم معايا محفظه من 16 سنه سنه 2000 والله جوز اختي مرشد سياحي كان معلقها من واحد سائح وانا بدوري علقتها منه الى الان والله في جيبي وزي الفل بتقفل بكلبسه الكلبسه بس فكت من المحفظه
حاجة بره محترمه والله

[A_H_M_A_D]

بص هاقولك على نوع ممتاز وسعره معقول جدا بجيبه بقالي سنين وكل سنتين اجدد واجيب واحدة جديدة وكلها جلد طبيعي ١٠٠٪

حضرتك روح اي فرع ل choice ليهم فروع كتير واسأل عن محافظ seven k هاتلاقي تشكيلة كبيرة والاسعار في حدود ١٢٥ جنيه ، انا لسه جايب واحدة جديدة من اسبوعين من فرع المهندسين

[mk3]

منتجات جلد صناعه مصريه ممتازه حزام ومحافظ ....انا اشتريت منه حافظه كارنيهات ممتازه واسعار محليه
ابو عبد الله للحزام
ش البستان التحرير

[Salamonti]

في الحقيقة انا بحب اشتري المنتج المصري لما الاقيه متوفر بجودة عالية وباستحرم ساعتها اشتري مستورد..

بالنسبة للمحافظ والأحزمة والجزم الجلد باشتري من الجباس حقيقي بانبهر من جودة منتجاتهم وماببقاش مصدق انها مصرية..
ليه فرع في المهندسين في أول شارع وادي النيل من شارع جامعة الدول وليه فرع تاني في مدينة نصر في شارع محمد حسين هيكل في المنطقة السادسة وأكيد ليه فروع تانية بس دول اللي اعرفهم :)

خد جيبتلك دول من جوجل :D

الفروع

المحور المركزى - ميدان الحرية,داخل سيتى سكيب مول السادس من اكتوبر, الجيزة المحور المركزى,داخل دولفين لاند مول - الدور الاول - محل 2 السادس من اكتوبر, الجيزة 11 ش 26 يوليو,قريب من سفارة غانا المهندسين, الجيزة 319 ش الاهرام الهرم, الجيزة القطعة A - ش التسعين - مركز المدينة,داخل القطامية داون تاون مول القاهرة الجديدة, القاهرة القطعة 68/67 - - مركز خدمات التجمع الخامس,داخل سفن ستارز مول القاهرة الجديدة, القاهرة ش 250 ميدان المعادى جراند مول,داخل المعادى جراند مول - الدور 4 المعادى, القاهرة 1 ش النصر,اسفل مصر القديمة للصرافة المعادى, القاهرة المرحلة الثالثة,داخل رحاب مول 2 - محل رقم 44 مدينة الرحاب, القاهرة 9 ش البطراوى متفرع من ش عباس العقاد,داخل جنينة مول مدينة نصر, القاهرة 20 ش محمد حسين هيكل,بجوار اديداس مدينة نصر, القاهرة مربع 1258ف - طريق الاوتوستراد,داخل صن سيتى مول مصر الجديدة, القاهرة