عاوز خبراتكم فى شراء العفش مودرن وسعر وجودة مضمونين فين؟

[inceptor]

ازيكم يا اعضاء المنتدى انا كنت عاوز اشترى عفش بس يكون مودرن كويس لان ف مودرن تلاقيه جايب على كلاسيكى، والاسعار بقت طالعة اووى والواحد الميزانية برضه محدودة فياريت تقولوولى اجيب منين ويكون مضمون لان الغش كتير برضه

يعنى لو ف دمياط قولولى عند مين بالظبط؟
لو ف القاهرة عندمين؟
لان بشوف معارض ف مدينة نصر زى افندينا ورسلان بيقولوا ان الخشبmdf معمول بقشرة وكلام من ده والاعمدة والكراسى خشب زان رومانى احمر ايه رايكم ف النوع ده من الخشب؟فى انتظار خبراتكم

[Ladawy]

اختار من النت الرسومات اللى انت عاوزها ...
و نعمل خشبنا سوا هنا فى دمياط عند ابو واحد صاحبى :)
..
كدا كدا ابو صاحبى دا هايكرمنى بإذن الله ، و برضه اضمن لك سعر ارخص & جودة خشب ممتازة ..
=====
ممكن اسألهولك حتى على الاسعار و الدنيا ماشية ازاى ...
***********************
لو عاوز انت اللى تشترى ،، و تلم الليلة ، يبقى ابعد عن المعارض .. هاتشوف نجار ثقة و ينزل معاك ، تشتروا خشب ابيض .. و هو يتابع تشطيبه ،، بس الكلام دا محتاج صبر و طولة بال شوية و قبل دا كله انك تلاقى النجار الثقة
.
أو تشترى من ورش صغيرة ، هايبقى سعرها ارخص كتير

انا حاولت اقولك الكتالوج اللى هاتمشى عليه ، لكن اسماء و اماكن ،، صراحة ماعرفش .. لإنى على الرغم من انى من دمياط ، لكن ما اتعاملتش فى حاجات ليها علاقة بالاثاث خالص :)

[rotanamasoud]

متابع

[inceptor]

شكرا ليك وعلى ردك انا شايفان موضوع التفصيل حوار كبيير ياريت لو تسائلى النجار عن معارض جودة كويسة وسعرها كويس مودرن يبقى كتر خيرك وياريت لو حد تانى يفدنا

[Dr_Smart]

لو هتشتري من القاهرة وعايز عفش مودرن بجد خد فكرة في ikea هو غالي بس مش بكتير عن المعارض

وفيه مول اثاث في شارع النادي الاهلي في مدينة نصر بس مش فاكر اسم المول

وشارع مكرم عبيد فيه معارض كتير

فيه معرض اسمه قصر عرابي في اخر جسر السويس قبل ماتدخل طريق الاسماعيليه ده انا اشتريت منه العفش بتاعي وعنده حاجات مودرن تحفه وخشبه مضمون واسعاره كويسه

بالتوفيق

[Dr_Smart]

بس لازم اي حد بيفكر في المودرن يروح ikea فيه كل ماتتمناه وحتى لو استغليت اسعاره هتاخد فكره كويسه عن الافكار والموديلات المختلفه

[Dr_Smart]

اه افتكرت المول اللي في شارع النادي الاهلي اسمه furniture town وواحد قريبي اشترى من هناك حاجات ماشاء الله كويسه واسعاره معقوله بيقول زي دمياط لانه اتفرج هناك برضو

[inceptor]

ربنا يخليك شكرا ليك طيب انا عاوز اسالك حاجة الخشب المودرن بيبقي mdfو القوائم زان احمر مش كدة؟ طب ده هو اللى انت اشتريته واستحمل معاك؟
مافيش حاجة ف دمياط لان كل دول ف قاهرة

[Mohamed_Hamid]

يا جماعة ايكيا تاخدوا منه أفكار بس لكن شراء لأ لأنه مش خشب زان بيبقى mdf لأت الاجانب بيستعملوا الأوضة سنة ولا اتنين ويرموها مش زى نظامنا يعنى :)

أحسن حاجة دمياط... فيه واحد هناك اسمه حامد العراقى تقريبا عنده شغل مودرن جاهز بس ممقدرش أضمن الجودة اخبارها ايه فلازم نجار تمام معاك او تعمل عمولة عند حد بيكون بيعرف يشتغل مودرن وتشوف شغله عامل ازاى فى المودرن وتجيب صور وتخليه يعمل زيها.

[inceptor]

يا جماعة ايكيا تاخدوا منه أفكار بس لكن شراء لأ لأنه مش خشب زان بيبقى mdf لأت الاجانب بيستعملوا الأوضة سنة ولا اتنين ويرموها مش زى نظامنا يعنى :)

أحسن حاجة دمياط... فيه واحد هناك اسمه حامد العراقى تقريبا عنده شغل مودرن جاهز بس ممقدرش أضمن الجودة اخبارها ايه فلازم نجار تمام معاك او تعمل عمولة عند حد بيكون بيعرف يشتغل مودرن وتشوف شغله عامل ازاى فى المودرن وتجيب صور وتخليه يعمل زيها.

شكرا لردك بس انا عاوز اعرف حاجة دلوقتى الخشب mdf بيقولوا العواميد خشب زان احمر، ولو سفرة الكراسى خشب زان احمر رومانى طيب ايه دلوقتى اللى ممكن ميستحملش فى الMDF?

[DreAmO]

انا رأي الجاهز أفضل .. لأن العموله ممكن يبقى خشب على كيفك .. لكن تقفيل ومظهر سىء
ومايطلعش على مزاجك في الأخر .. وغصب عنك هتاخده لأنك دفعت تمنه .. دة غير انك هتصبر وتابع وتناهد وتقلق .. الخ

بخصوص إيكيا .. انا مستغرب ان الناس بتقولك تاخد منهم افكار بس ماتشتريش لأن الخشب mdf
وكأن حاجتهم ورق كرتون ماتتحملش

حضرتك ادخل موقعهم وشوف الاسعار عامله ايه .. اسعار فلكية

مش معقول ترابيزة في حجم الطبلية البلدي ب 3000 جنيه .. هاخدها علشان هتترمي بعد سنتين او خامتها مش محملة واي كلام !

اكيد الاسعار الفلكيه دي يقابلها خامه وستايل وضمان ودقة تقفيل ودهان محترم وحجات كتير .

[inceptor]

انا معاك فعلا خصوصا كمان ان معاها ضمان خمس سنين وفى عشرة مش فاهم الكلام ده ليه؟ mdf فى الارفف بس الاعمدة والكراسى خشب زان يبقى كدة اعتقد مفهاش ضرر ولا ايه المهم المكان المضمون وسعر معقول برضه
ياريت حد يدلنى ع اماكن سعره معقول ومضمونة زى ايكا كدة بس اققل شوية