حد جرب عفش من عند Oflemo

[hamada2u2000]

السلام عليكم
اولا انا عندى معرض للموبيليا ومجموعة ورش للتصنيع و التشطيب
ثانيا وده المهم عمر ما فى اى حد هايتنازل عن المتانه لان الشعب المصرى بطبعه بيحب يجيب حاجه وينساها ( حاجه العمر )
ثالثا الشغل التركى اللى غرق مصر مش خشب كله اخشاب مصنعه ومضغوطه وكلنا عارفين الخشب المضغوط معمول من ايه ( نشارة خشب )
رابعا السعر للشغل التركى وده انا شفه بنفسى بيبدأ من 500 دولار لغرفة النوم وبالتالى الاسعار الموجوده فى مصر للغرف دى كلها مبالغ فيها بطريقة عشوائية لعدم وجود رقابه وعدم وجود وعى من المشترى المصرى الذى ينبهر بالشكل وينسى المضمون

ولذلك فالحلول المتاحه امام حضرتك وامام المقبلين على شراء العفش سواء للتجديد او لبدء حياة زوجية هى
1 _ الشراء من هذه المحلات وده انا ما انصحش بيه
2 _ عموله ( حضرتك بتدخل على النت تختار ما تشتهيه نفسك وبعدين تطلب تنفيذه ) عند اى حد انت تثق فيه ودايما تتابعه وتشوف عمل ايه
ولو فيه اى استفسار بخصوص الموبيليا انا فى الخدمه

[lonedoctor]

مع احترامى الشديد للاراء المطروحة ولكن
ليس معنى انه خشب صناعى انه سئ ولكن خشب تم معاملته بطريقة خاصة لصناعة الموبيليا ومنتشر فى كل دول العالم
ثقافة مصر المتعلقة بالعمر كله لا تعنينى ولا تستهوينى واراها فاشلة وهذا رايي الشخصى لا الزم به احد وغالبا ساقوم بتغيير العفش كله فى مدة اقصاها 7 سنوات
شركة ايكيا تعطيك ضمان حقيقي 25 سنة على المنتجات
الشغل البلدى ازواقه مبتذلة لا ترقى الى المستوى المودرن بحال
وفى النهاية العين وما ترى والقلب وما يهوى

[DreAmO]

متابع
علشان عايز اجيب سرير ودولاب ومكتب وجزامة (إستخدام فرد واحد)

[Mahmoud Naguib]

انا صدمت بصراحة من الآراء وشايف انه فعلا في ثقافة غريبة دخلتها المتاجر الجديدة دي علينا

أولا .. الشغل العمولة بتختاره انت وبتختار شكله ونوع الخشب اللي هيتعمل بيه يعني ممكن يبقى مودرن وممكن يبقى كلاسيك

ثانيا .. اي معنى ان يكون سعر ترابيزة متعملش 200ج ف ايكيا 2000ج وهي هي نفس الترابيزة
واي معنى ان يكون حامل وعليه سبوت ب 800ج وبره ب 100ج !!
اللي بتعمله آيكيا وان اند اوت واشلي وقبنوري انهم بيهتموا جدا بالتسويق مقابل الجودة والسعر المبالغ فيه مقابل العرض الجيد لمنتجاتهم
وحتة الضمان دي مستحيل مثلا حد هيشتري الحاجة وبعد سنتين يحصل فيها مشكلة ويفكر يرجعها بيجيب نجار ويظبطهاله وخلاص

المشكلة برضه ف حاجة تانية
ان اغلب الناس اللي بتسيب المتاجر دي وبتروح تعمل عمولة مبيبقاش معاها فلوس ولا ربع الكلام ده
بس لو حد معاه نص الاسعر بتاعة المتاجر دي بس وخد صور من التصميمات وراح ورشة كبيره تعملهوله بالظبط زي ما ف الصور بس يدوي وبجودة خشب اعلى هيعمله حاجات تفوق خياله شخصيا
اكتر من واحد اعرفهم عملوا القصة دي ووفروا فوق نص سعر العفش لو كانوا جابوه من ايكيا
وبالنسبة للناس اللي حابة تغير بعد 7 سنين !
الحاجة مش هتترمي هتبيعها وهتبقى بحالة ممتازة كمان

وبعدين في نقطة
ولاد بلدك الصنايعية فيهم ناس جدعان وراهم كوم لحم ولما تعمل عندهم هيسترزقوا وهتكسب ثواب كبير على كدة
احسن ما تروح تشتري من متاجر اصحابها مش من بلدك وهما من غيرك حتى معاهم مليارات

[lonedoctor]

اكيد لو الاقى حد يعمل العفش عمولة ونفس الديزين ونص السعر ايدى على كتفك
دلنى عليهم اكون من الشاكرين
انا عايش برة مصر من 15 سنة ومااعرفش نجارين

[lonedoctor]

عملت بحث على الاثاث المصنع محليا مثل محلات بيلا كازا ومحل اخر لديه مصنع اثاث مشهور اظن اسمه رسلان وللاسف الموديلات سيئة ولا تناسب الذوق الرفيع على الاقل بالنسبة لى ولا يمكن اتحمل هذا المنظر القبيح فى بيتى وبالمناسبة احد هذه المحلات حكم عليه بغرامة من قبل حماية المستهلك لسوء المنتجات ولكن لن احدد الاسم منعا للتشهير
للاخ الفاضل inceptor الذى كان يسال نصيحة اخيرة لاننا غيرنا الخطة بعد نقاش ودراسة
افضل غرف النوم والسفرة فى in and out بلا منازع والباقى من ايكيا وعلى هذا استقرت النية فى الشراء

[lonedoctor]

متشكر جدا لحضرتك وجزاك الله خيرا ، رغم انى احيانا اجد المعارض الجاهزة مثل alfemo افضل حيث ان الغرفة تبقى عارفها من اولها لاخرها كدة ايكيا حتجمع بس شكرا لك وجزاك الله خيرا

تم شراء غرفة نوم وسفرة وترابيزة وكراسى اوت دور للجنينة اليوم من محل ان اند اوت الفرع الرئيسى فى المهندسين
تحفة والاسعار جميلة وفى تخفيضات
اذا تحب تفاصيل نتواصل على الخاص

[ahmedwagdy03]

شوف اخى الفاضل انا كنت باتكلم مع المدام الان فى الموضوع ده فنبهتنى لشركة ايكيا وانهم عندهم حاجات جميلة جدا صناعة اوروبى وعليها ضمان 25 سنة والتوصيل والتركيب لغاية بيتك
الاجمل انه كل حاجة تتخيلها هناك من الابرة للصاروخ وتباع منفردة
ادخل الموقع وسجل وجمع كل ما تحتاجه فى اوردر وشوف كام التكلفة الاجمالية وروح راجع اللى اشتريته فى الحقيقة عجبك اشترى وتوكل على الله
احنا نوينا على كدة
تقبل تحياتى

عفوا أيكيا تصميم سويدي صناعة صينية

[ahmedwagdy03]

السلام عليكم
اولا انا عندى معرض للموبيليا ومجموعة ورش للتصنيع و التشطيب
ثانيا وده المهم عمر ما فى اى حد هايتنازل عن المتانه لان الشعب المصرى بطبعه بيحب يجيب حاجه وينساها ( حاجه العمر )
ثالثا الشغل التركى اللى غرق مصر مش خشب كله اخشاب مصنعه ومضغوطه وكلنا عارفين الخشب المضغوط معمول من ايه ( نشارة خشب )
رابعا السعر للشغل التركى وده انا شفه بنفسى بيبدأ من 500 دولار لغرفة النوم وبالتالى الاسعار الموجوده فى مصر للغرف دى كلها مبالغ فيها بطريقة عشوائية لعدم وجود رقابه وعدم وجود وعى من المشترى المصرى الذى ينبهر بالشكل وينسى المضمون

ولذلك فالحلول المتاحه امام حضرتك وامام المقبلين على شراء العفش سواء للتجديد او لبدء حياة زوجية هى
1 _ الشراء من هذه المحلات وده انا ما انصحش بيه
2 _ عموله ( حضرتك بتدخل على النت تختار ما تشتهيه نفسك وبعدين تطلب تنفيذه ) عند اى حد انت تثق فيه ودايما تتابعه وتشوف عمل ايه
ولو فيه اى استفسار بخصوص الموبيليا انا فى الخدمه

مش صح الكلام ده . مستحيل أقتنع إن التطور الحديث و التكنولوجي و مراقبة الجودة و العلم يعطي منتج أقل جودة من المنتج التقليدي اليدوي الذى لم يتطور منذ عشرات السنين و إلا كان معنى هذا الكلام أن السيارة موديل 1950 أفضل من موديل 2016 .
الفكرة سيادتك أنك لا تقارن كوكب مصر التعيس بباقى العالم . فى كل الدنيا يحرص المصنع على تصنيع أفضل المنتجات و يحرص المستورد على تقديم أفضل السلع و أفضل الخدمات لإنها شعوب تحترم مواطنيها و تؤمن أن المكسب يأتي من عودة المستهلك لنفس التاجر عدة مرات بناء على الثقة . أما فى مصر فحدث ولا حرج طالما تسيطر على التاجر نظرية خد من الزبون اللى تقدر عليه و إن شاء الله عن أهله ما رجع تاني و بتطبيق هذه النظرية نجد المستورد يذهب للصين و يطلب منهم منتج بأسواء الخامات ليقوم ببيعه بسعر منافس يلهف بيه اللى يقدر عليه و بعدين يستورد حاجة تاني ( وصلت إنى لقيت أبواب خشب صيني تباع فى الأسكندرية عبارة عن تجاليد mdf و بينهما حشو ورق كرتون . والله حصلت فى أسكندرية علشان محدش يقول أنى أبالغ ) . علشان كدة تسمع دايما النصايح اللى تقولك إعمل العفش عمولة على إيدك أحسن من الجاهز . علما أيضا إن الورش و الشغل المحلي لا يخلو من النصب و الغش و مستحيل أصدق أن فى جو يتنفس كل من فيه بالفساد و الغش يظل فيه أهل حرفة متمسكين بالأمانة و الشرف (إلا من رحم الله ) .أسمع (لم أجرب )أن فى دمياط نفسها بيغشوا الخشب و يستعملوا خشب أحمر بتاع المراكب فى صناعة الموبيليا و يبيعوا على إنه خشب غالي

[lonedoctor]

عفوا أيكيا تصميم سويدي صناعة صينية

احييك اخى الكريم على تعليقك
صراحة هذه المعلومات انا حصلت عليها عن طريق الاهل فى مصر لانى اعيش خارج مصر
لكن عموما هذا لا يعيب المنتج
ايكيا شركة عالمية وليها مستوى جودة عالى مهما كان مكان التصنيع
تقبل تحياتى

[lonedoctor]

إيكيا IKEA

شركة عالمية متخصصة في صناعة الأثاث. و تنتج و تبيع الأثاث المنزلي الجاهز والإكسسوارات المنزلية وتجهيزات المطابخ و دورات المياه في محلاتها للتجزئة المنتشرة حول العالم. تعتبر إيكيا أكبر شركة منتجة للأثاث في العالم حيث تنتشر فروعها فيأكثر من38 دولة من بينها الكويت والإمارات العربية المتحدة والمملكة العربية السعودية. وقد أسس إيكيا السويدي انجفار كامبراد عام 1943 في جنوب السويد ويمتلكها الآن و يديرها بالمشاركة مع مجموعة هولندية. و اسم إيكيا هو اختصار لاسمه وإسم المزرعة التي تأست بها الشركة عند إذن. ويكمن سبب نجاح إيكيا في رخص سعر منتجاتها العالية الجودة وسهولة تجميعها ونقلها. وتضم الشركة أكثر من 127 ألف موظف، وتحقق عائداَ سنوياَ يفوق 23 مليار سنوياً. ويقع أكبر متجر للشركة في منطقة كونجين كرفا جنوب غرب ستكهولم، حيث تزيد مساحته عن 55 ألف متر مربع. وتعتبر مجلة fortune الشركة كأحد أفضل المؤسسات من ناحية ضمان حقوق العاملين ولا سيما النساء

[ahmedwagdy03]

احييك اخى الكريم على تعليقك
صراحة هذه المعلومات انا حصلت عليها عن طريق الاهل فى مصر لانى اعيش خارج مصر
لكن عموما هذا لا يعيب المنتج
ايكيا شركة عالمية وليها مستوى جودة عالى مهما كان مكان التصنيع
تقبل تحياتى

إيكيا شركة محترمة جدا و أنا شاري حاجات كتيرة منهم للبيت من إيكيا السعودية قبل تشغيل فرع مصر . و كون إن الصناعة صيني لا يعيب المنتج طالما الجودة مقبولة .

الصناعات الصينية راقية جدا و على جودة عالية لكن للأسف الوكلاء فى مصر ينتقون الزبالة