ما هو هدفك في الحياة

[ghost11]

كل واحد فينا ليه هدف في حياته عايز يحققه

يا ريت كل واحد يقولنا علي هدفه وخلوني انا في الاخر

[mody112]

تصدق السؤال يبان انه سهل وعادي لكن لما تفكر فيه هتلاقيه صعب جدا .
هو الواحد هدفه بيتغير من فترة للتانية يعني ايام المدرسة بيبقى الهدف اننا نخلص منها وبعدين الجامعه بيقي نفسنا نخلصها برضه عشان نطلع للحياة العملية والاحلام الوردية والشغل اللى مستنينا والفلوس اللى هتتهافت علينا بمجرد ما بنخلص ولما نصطدم بالواقع كل ده بيتغير وبعدين بنرتبط ويبقى هدفنا نجيب شقة ونتجوز ونخلف وكده وبعد كده بيبقى الهدف انك تعلم اولادك فى مدارس كويسة ( وطبعا بالنسبة لاسعار دلوقتى ده بقى هدف وصعب جدا تحقيقه ) ولو جالك وقت تفكر فى نفسك هتقول نفسي فى حتة عربية محندقة كده وبعدين شقة اكبر شوية وبعدين تدخل على الدروس الخصوصية اللى بقت من حضانة دلوقتى وهلم جر الى الثانوية وبعدها الجامعة وبعدين العيال تقعد سنين متشتغلش وانت بتصرف عليهم وبعدين العيال عاوزة تتجوز وانت لازم هتساعدهم وبعدين العيال اتجوزت وخلفت واللى زهقان من مراته وجاى يقعد عندك واللى متخانقه مع جوزها وجيالك بعيالها واللى واللى واللى وفى الاخر بايباي كمبوره ويقرو لك الفاتحه .
ايه بقى هو الهدف ان الواحد لما يبقى وحيد يكون معاه عمل صالح يؤنسه .

[amro1965]

الهدف قد يختلف من انسان لاخر
والهدف ليس الاول ولن يكون الاخر بالنسبه للانسان
لكن اهم هدف يجب الوصول اليه هو رضاء المولى عز وجل عنك
وعندما يرضى عنك الله سوف يهون عليك عناء الوصول الى باقى الاهداف
اما عدم رضاء المولى عز وجل عنك والعياذ بالله سوف تظل تلهث وتعانى مر المعاناه ولن تحصل الى ماقدره الله لك
واذا اردت ان ترضى الله يجب اتباع مرضات الله وان تتجنب الاتى
عدم اكل المال الحرام حتى ولو كان قليلا لا يستهان به
عدم المشى فيما يعصى الله
عدم قول الزور وشهاده الزور
عدم رضاء الوالدين
عدم رضاء المتكبرين والمنافقين
وغيرة كثر

[melouk1]

الهدف من الحياة إنك تفهم كويس جداً إنك مش ضامن تقرا الرد على رأيك اللي بتكتبه ..
عشان كده لازم تشوف عملت ايه يحسن خاتمتك
عملت ايه ينور قبرك اللي ممكن تروحه كمان ساعات
يعني تعامل ربنا و تشوفه قصاد عينك في كل خطوة
عشان لما ملك الموت يقولك الآن .. تبقى كسبت و نجحت و رحت لراحة أبدية لا توصف و لا تعقل بعقلنا المحدود الآن ..

[ghost11]

ردود رائعة وفي انتظار باقي الاعضاء

[gade2]

اشتغل فى مكان كبير ذو عائد مادى معقول للعيشه وفيه فرصه للترقى العادل وبعيد عن الحرام

[ghost11]

اشتغل فى مكان كبير ذو عائد مادى معقول للعيشه وفيه فرصه للترقى العادل وبعيد عن الحرام

ده المفروض حق ليك وليا ولكل شخص بيعيش في دولة محترمة

منهم لله اللي وصلونا لكده حتي ابسط حقوقنا محرومين منها