مشكلة وعاوزه حل ممكن نفكر مع بعض

[محمد بلال]

مشكلة وعاوزه حل ممكن نفكر مع بعض
صديقى معاه ما شاء الله اربع ابناء اصغرهم سنه ونصف وكان متفق مع مراته انه ما فيش عيال تانى مش علشان الظروف المادية لانه موضوع رزق والرزاق هو الله بس علشان هو تعب من متابعة العيال ودروس ومدارس العيال وغيره وغيره وحاسس الدنيا بقت زحمة معاه ومش قادر يستحمل مسؤلية اكتر من كده .
ومراته بردوا تعبت من كتر الخلفه وبعد اخذ الاحتياطات مراته قدر الله لها ان تحمل من شهرين وحالوا ينزلوا الجنين بس الاطباء رفضوا انهم ينزلوا الجنين وصديقى رجل متدين ومستحرم يعمل حاجه يخالف بها شرع الله بس بردوا هو مش قادر يستحمل .... ايه الحل يا جماعه

[heshom]

الحل أن يحمد الله و يشكره على عطائه و أن يقول ربنا هب لنا من أزواجنا و ذرياتنا قرة أعين و اجعلنا للمتقين اماما
لعل هذا المولود يكون أبر أولاده به عندما يكبر

[رامي مصطفى]

الحل أن يحمد الله و يشكره على عطائه و أن يقول ربنا هب لنا من أزواجنا و ذرياتنا قرة أعين و اجعلنا للمتقين اماما
لعل هذا المولود يكون أبر أولاده به عندما يكبر

ما اعتقدش فيه رد اجمل من كده
ربنا يبارك لصاحب الرد ويقتع صاحب المشكله

[tasaka]

الحل أن يحمد الله و يشكره على عطائه و أن يقول ربنا هب لنا من أزواجنا و ذرياتنا قرة أعين و اجعلنا للمتقين اماما
لعل هذا المولود يكون أبر أولاده به عندما يكبر

مفيش كلام تانى يتقال بعد كده

و كمان اعتقد بعد 40 يوم بتكون بثت فيه الروح ( غير متأكد )

و كمان لو هو خايف من المجهود .. فممكن ربنا يبتليه بمرض فى نفسه او احد اولاده او زوجته يستلزم مجهود اكبر من المجهود اللى سيبذله لرعايه المولود الجديد .. دى حاجات كلها فى علم الغيب

[mizomizomizo]

ولا تقتلوا أولادكم خشية إملاق نحن نرزقهم وإياكم إن قتلهم كان خطئا كبيرا

[melouk1]

أراد الله عز وجل هذا المولود لحكمة بالغة رغم كل الموانع البشرية ...
فيجب على هذا الرجل أن يحمد الله على نعمته التي لا يدري قيمتها الآن ..
و عسى أن تكرهو شيئاً و هو خيرٌ لكم .

[أحمد كمال]

قول له يتق الله

الاجهاض بلا سبب طبي (طبي زي خطورة على حياة الام مش مرقعة و اصل مش مستحمل) قتل للنفس

[ESO101]

الجنين كائن حي من أول لحظة الإخصاب ..
الموضوع خرج من أيديهم ..
أنصحه هوا وزوجته يروحوا يسمعوا نبضه ويتابعوا مراحل الحمل
هيلاقي نفسه أكتسب طاقة على الصبر ..

[hugan]

مفيش حل
رزق من ربنا لا يستطيع رفضه

[lancer06]

قال تعالى
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
(فَعَسَى أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً) [النساء:19

[محمد بلال]

بارك الله فيكم جميعا لقد اطلع على ما كتبتموه واقتنع ان الحل لا ياتى بمعصية الله

[samyyousef]

ربنا يعينه و يبارك له في ذريته

[tasaka]

بارك الله فيكم جميعا لقد اطلع على ما كتبتموه واقتنع ان الحل لا ياتى بمعصية الله

ان شاء الله .. اول مايشيل مولوده على ايده و يأخذه فى حضنه ..

لو جاءت له فلوس الدنيا كلها بدله .. سيرفضها و يفضل مولوده الجديد عنها

ربنا يقدره على تربيتهم جميعا و يجعلهم قره عين له و لزوجته و مصدر لسعادتهم

[Omar1001]

هو متخيل ان هو الي بيرزق !

الولد بيجي و ربنا الي بيرزقنا كلنا و الله لا حول لنا و لا قوة هو الي بيرزق وحده

خليه يحمد ربنا في غيره هيكوت علي طفل يتعبه و يطلع عينه

[إنسانة]

الاب مش بنفس اهمية الام لازم تكون متقبلة حملها والا هتدخل في اكتئاب ودا مضر جدا على الجنين