ازاى استخرج اذن سفر وانا طالب ارجوكم :)

[LedOoshka]

ارجوكم انا عندى سفر يوم 19 الشهر ده وانا طالب فى سنة أولى معهد سياحة وفنادق
والمفروض اسافر ايطاليا سياحة لمدة 4 أيام ... فا فى ناس قالتلى لازم يكون معاك اذن سفر عشان اقدر اسافر من المطار .. أرجوكم فيدونى اعمل ايه عشان استخرج اذن السفر ده ؟!
انا لسه فى سنة أولى سياحة وفنادق وعندى 22 سنة !
ارجوكم اللى عنده معلومه يفيدنى عشان انا خايف السفريه تروح عليا

[LedOoshka]

فى الاخوة ارجوكم السفر هيضيع عليا اعمل ايه :(

[M.Radwan]

هتجيب شهادة قيد من الكلية عندك وبعدين تطلع على منطقة التجنيد حلمية الزيتون ومعاك بطاقتك
بس احتمال يرخمو عليك عشان مش في أجازة نصف السنة أو آخر السنة..والله أعلم

[YahiaAshraf]

انا لسه مسافر من قريب هتحتاج تصور اول صفحتين فى الباسبور + صورة للتاشيره انما الباسبور نفسه محدش هيبص فيه هناك

بحكم انى لسه طالب جامعى هقولك انا عملت ايه مع العلم انى من اسكندريه :-

- روحت على الكليه وطلبت افاده اقدمها لمكتب التجنيد بان متاجل تجنيدى لانى لسه طالب
- روحت لمنطقة التجنيد وكان معايا الباسبور والبطاقة والافاده
- كان فيه طابورين واحد لمكتب تصوير والتانى بتاخد منه حاجه اسمها بون وهناك طلع انك لازم تصور اول صفحتين فى الباسبور + التاشيرة والبطاقه بتاعتك تصورها 3 نسخ ودى غلطة عمرى انى مصورتهومش قبل ما اروح لانى وقفت 3 ساعات فى طابور علشان اصور الحاجات دى بس فانت ريح نفسك وصورهم وخليك جاهز
- بعد اما صورة روحت للطابور التانى كل اللى انا عملته انى اديتله افاده تاجيل التجنيد بتاعتى اللى انا جبتها من الكليه وقولتله عايز اطلع تصريح سفر وادانى البون ( فايل فيه كام ورقه كده )
- لما تخلص من الطابور اللى انت جبت منه البون ده هتروح لشباك تصريح السفر هتديهم الفايل اللى انت اخدته ده + الاوراق اللى انت صورتها وهيسالك مسافر فين وبس
- بعد اما تسلمه الاوراق كلها هيقولك نص ساعه وهتستلمها

تصريح السفر لما هتسافر مش هياخدوه منك فى المطار هما هيشوفوه بس لانى سافرت ورجعت بيه ومعايا اهو محدش اخده


انا علشان اطلع التصريح قعدت نص يوم كامل بالظبط رغم انى كنت رايح من بدرى جد

[LedOoshka]

انا لسه مسافر من قريب هتحتاج تصور اول صفحتين فى الباسبور + صورة للتاشيره انما الباسبور نفسه محدش هيبص فيه هناك

بحكم انى لسه طالب جامعى هقولك انا عملت ايه مع العلم انى من اسكندريه :-

- روحت على الكليه وطلبت افاده اقدمها لمكتب التجنيد بان متاجل تجنيدى لانى لسه طالب
- روحت لمنطقة التجنيد وكان معايا الباسبور والبطاقة والافاده
- كان فيه طابورين واحد لمكتب تصوير والتانى بتاخد منه حاجه اسمها بون وهناك طلع انك لازم تصور اول صفحتين فى الباسبور + التاشيرة والبطاقه بتاعتك تصورها 3 نسخ ودى غلطة عمرى انى مصورتهومش قبل ما اروح لانى وقفت 3 ساعات فى طابور علشان اصور الحاجات دى بس فانت ريح نفسك وصورهم وخليك جاهز
- بعد اما صورة روحت للطابور التانى كل اللى انا عملته انى اديتله افاده تاجيل التجنيد بتاعتى اللى انا جبتها من الكليه وقولتله عايز اطلع تصريح سفر وادانى البون ( فايل فيه كام ورقه كده )
- لما تخلص من الطابور اللى انت جبت منه البون ده هتروح لشباك تصريح السفر هتديهم الفايل اللى انت اخدته ده + الاوراق اللى انت صورتها وهيسالك مسافر فين وبس
- بعد اما تسلمه الاوراق كلها هيقولك نص ساعه وهتستلمها

تصريح السفر لما هتسافر مش هياخدوه منك فى المطار هما هيشوفوه بس لانى سافرت ورجعت بيه ومعايا اهو محدش اخده


انا علشان اطلع التصريح قعدت نص يوم كامل بالظبط رغم انى كنت رايح من بدرى جد

اخى شكراً ليك جداً ع المعلومات دى .. بس هل انت سافرت وقت الدراسه صح ؟! ولا كانت اجازة نص السنة !! وياريت لو ينفع تبعتلى رقم حضرتك اتصل بيك اخد من وقتك اقل من دقيقتين لانى محتار و كل حاجه اتحجزت ومش عارف اعمل ايه وللعلم انا من اسكندرية .

[LedOoshka]

محتار و كل حاجه اتحجزت ومش عارف اعمل ايه

[Karim Alaa]

ولا حد هيرخم عليك و لا بتاع معاك التاشيره ؟ هتاخد اثبات قيد من الكليه و تطلع على منطقه التجنيد معاك باسبورك و تاشيرتك و تاخد الاذن

[LedOoshka]

ولا حد هيرخم عليك و لا بتاع معاك التاشيره ؟ هتاخد اثبات قيد من الكليه و تطلع على منطقه التجنيد معاك باسبورك و تاشيرتك و تاخد الاذن

اثبات القيد بخلي الكليه تكتب فيه ايه وهل بيكتبولي مدة الاجازه ف اثبات القيد

[Karim Alaa]

لا مش هيكتبولك مده الاجازه و شؤون الطلبه عارفين هيكتبو فى ايه فهمهم انه لتصريح السفر و صور الورق و التاشيره و اطلع خلص ورفك

[LedOoshka]

فى حد سافر سياحة ايام الدراسه قبل كده ؟!