مخاطر الاستثمار العقاري

[sherif Anton]

هل اصبح الاستثمار العقاري مخاطرة كبري في ظل الظروف الراهنة والأزمة العالمية ونقص السيولة؟

يعني النهارده وانا بأقرأ جريدة الوسيط بتاريخ اليوم 28 نوفمبر 2008 لاحظت ان فيه اعلانات اصحابها بيبيعوا بالخسارة

يعني ده واحد مش عايز اي اوفر (يعني مش عايز اي مكسب فوق الفلوس اللي دفعها على الرغم من انه كده بيخسر لانه لو كان استثمر الفلوس دي في اي حاجة (حطها في البنك مثلا) كانت هترجعله بنسبة ربح)

ومش بس كده ده عنده استعداد كمان يساهم في رسوم تغيير العقد

http://www2.0zz0.com/2008/11/28/20/430408352.jpg

وده كان واحد عنده استعداد يبيع بالخسارة

http://www2.0zz0.com/2008/11/28/20/496750586.jpg

ده غير اني لاحظت ان السعار تراجعت في التجمع الي حوالي 1950 جنيه للمتر بعد ماكانت وصلت لأرقام اعلى من كده...

ياتري نقص السيولة والناس محتاجة فلوس فتبيع ؟؟؟؟

ياتري الطلب قل ؟ ياتري ازمة البورصة لها تأثير على السوق؟

أدخل قول رأيك ....

[hh]

هو طبعا فيه حالة ركود في السوق عشان اللي عايز يشتري مستني الاسعار تنزل, بس بصفة عامة مدينتي بالذات وضع خاص, لأن الناس خايفة عشان قضية هشام طلعت مصطفى و مش عارفين مستقبل المشروع ايه. خصوصا ان فيه محاميين بيطعنوا في قانونية العقد بتاع تخصيص الارض بتاعت المشروع.

[elassar2010]

بصراحة انا مش عارف ممكن يكون الناس دى عندها ظروف ممكن يكونوا خسروا فى البورصة مثلا
لان الشقق الى انا اعرفها نزلت 5الاف فقط فى الحدود دى انما النزول الى حضرتك حطوة انا ملحظتوش فى المحيط الى اعرفة يعنى اعرف ابراج كاملة الشركة منزلتش 1جنية الى نزل الناس العادية

[hanystar]

هو طبعا فيه حالة ركود في السوق عشان اللي عايز يشتري مستني الاسعار تنزل, بس بصفة عامة مدينتي بالذات وضع خاص, لأن الناس خايفة عشان قضية هشام طلعت مصطفى و مش عارفين مستقبل المشروع ايه. خصوصا ان فيه محاميين بيطعنوا في قانونية العقد بتاع تخصيص الارض بتاعت المشروع.

+10000000000

[Abdelrahman]

على فكره أنا حاجز في مدينتي 96 متر مربع على 17 سنه ...ومن كام يوم رحت وسألت شخص في المبيعات وعرفت ان نظام 17 سنه ده خلاص اتقفل وبقى النظام على عشر سنوات بس وطبعا السعر زاد عن نظام ال 17 سنه.

نظام 17 سنه ......اجمالي ثمن الشقه 562000
نظام 10 سنوات....اجمالي ثمن الشقه 578000
تقريبا

يعني بالعكس

طبعا ده لا يمنع وجود بعض الاعلانات والتي من وجهة نظري اعتقد ان اصحابها في ضيقه شديده
او خايفين

سوق العقارات بصفه عامه فيه ركود
بس صدقني الاسعار لسه عاليه
لم الاحظ تغيير قوي في الاسعار

[TICOXX]

على فكره أنا حاجز في مدينتي 96 متر مربع على 17 سنه ...ومن كام يوم رحت وسألت شخص في المبيعات وعرفت ان نظام 17 سنه ده خلاص اتقفل وبقى النظام على عشر سنوات بس وطبعا السعر زاد عن نظام ال 17 سنه.

نظام 17 سنه ......اجمالي ثمن الشقه 562000
نظام 10 سنوات....اجمالي ثمن الشقه 578000
تقريبا

يعني بالعكس

طبعا ده لا يمنع وجود بعض الاعلانات والتي من وجهة نظري اعتقد ان اصحابها في ضيقه شديده
او خايفين

سوق العقارات بصفه عامه فيه ركود
بس صدقني الاسعار لسه عاليه
لم الاحظ تغيير قوي في الاسعار

معايا نفس الشقة ال96 متر بحري على حديقة و تهيألي ان موضوع انتهاء نظام ال17 سنة ده هبرفع من سعر شققنا و هيخليها اسهل و اكسب في البيع اذا فكرنا نبيع مثلا على اول السنة ممكن نطلب فيها اوفر معقول...ولا ايه؟؟

[Abdelrahman]

Ticoxx
ان شاء الله ...ما تستعجلش ...على فكره الي منزل الاعلانات دي زي ما قلت قبل كده ...واحد مزنوق جدا..او واحد خايف برضه جدا

مثلا أنا اتصلت بواحد منزل اعلانه في الوسيط على نفس المساحه 96 وعلى 17 سنه
المهم لقيته شاري 8 شقق.....تخيل 8 شقق
علشان كان فاكر ان الاسعار هاتضرب قوي قوي...طبعا ولله الحمد على كل شئ
حصلت الازمه الماليه العالميه ..وحالة الركود الاقتصادي ...بالاضافه لقصة طلعت مصطفى

فطبعا الراجل مزنوق جدا ...وهو وغيره كتير ...وعايل يبيع ان شاء الله بنفس الثمن او حتى باخساره

أنا كمان كنت بفكر ابيع وخصوصا اني برضه في مكان مميز ...نصبر احسن...مش هانخسر حاجه
وخصوصا ان الاقساط معقوله

والله المستعان

[TICOXX]

يعني استنى على السنة الجديدة ؟؟؟
عموما اهلا لا بتاكل ولا بتشرب و هعرف اسندها شوية كمان و ربنا يسهل

[ahmedbasto]

اشمعني يعني الناس بتبيع بخسارة عندكم في مصر والأسعار في طنطا زي ما هيا بل زادت كمان وكمان والأراضي بأسعار خيالية بطنطا ايه رايك بقي المتر المربع للشقة عندنا في طنطا دلوقتي مش بيقل عن 2000 جنيه ؟

[Miss_Pharma]

بمناسبة الموضوع ده .. لسه النهاردة قارية اعلان في جريدة كويتية عن شقة متشطبة لوكس في الزيتون في طومنباي 250 متر مطلوب فيها 25 الف دينار .. يعني نص مليون ..

طبعا تحفة .. ده انا قبل مسافر على طول فاكرة ان اقل سعر في المنطقة دي على المحارة يتراوح من 2500 ل 3500 المتر .. مابالكم بقى متر المتشطب 2000 بس ..
لو معايا فلوس مكنتش سبتها ..
بس البورصة بقى منها لله ..