حكم شراء من خارج مصر بسعر رخيص ثم البيع

[egyboy]

السلام عليكم

لى صديق متواجد فى دبى وبينزل مصر على طول

فبيفكر انه يشترى موبايل او اتنين فى كل مرة ينزل فيهم مصر

طبعا فرق الموبايل ممكن يوصل الف جنيه لما يبيعه فى مصر

هل ده حلال ولا حرام ؟؟

كمان فكرة تحويل العملات للاستفادة من الفارق ؟؟

[أحمد كمال]

حرام ليه؟ دي تجارة ..... بيشتري و يبيع بمكسب .....

[mk3]

مش عارف اما كل حاجه الناس بتسأل على حكمها ده تشدد ولا تسهل...دى تجاره مش محتاجه

[egyboy]

الفكرة يا شباب الواحد بيحاول على قد ما يقدر يعمل الحاجة الصح اللى مفيش فيها خلاف
لكن دايما بنسمع هنا ولا هنا ان ده حرام وده حلال
فالسؤال علشان الامور تتضح ..الواحد بيحكم عقله لكن مش دايما العقل لوحده هو الدليل
شكرا لردكم

[ehabouf]

علشان تعرف اجابة السؤال اسأله حايجمركهكم والا حايهربهم من الجمارك

[egyboy]

هو هيجيب موبايل واحد فقط كل مرة مش اكتر
معتقدش انه هيدفع جمارك على موبايل واحد ؟
حتى لو بتاع الجمارك شاف الموبايل مقفول ؟

[ehabouf]

القانون بيسمح بموابيل واحد وكاميرا واحده ونوت بوك واحد للإستخدام الشخصي يعني لازم يكون مفتوح ومستعمل لو مأمور الجمرك عداه وهو مقفول يبقى جدعنه منه بالمخالفه للقانون

[egyboy]

طيب ولو العلبة اتفتحت وعدى
وبرضه اتباع ؟

[ehabouf]

الله اعلم استفتي قلبك
لو انا حاعتبر التجارة في اي حاجة متهربة من الجمارك حرام

[h_shahin]

تسعة أعشار الربح فى التجارة
طالما الرجل هيستخدم حقه القانونى فى الإعفاء الشخصى اللى بتسمح بيه الجمارك بدون تحايل على الدولة أو مخالفة القانون يبقى مفيهوش مشكلة إن شاء الله

[h_shahin]

تسعة أعشار الرزق فى التجارة
طالما الرجل هيستخدم حقه القانونى فى الإعفاء الشخصى اللى بتسمح بيه الجمارك بدون تحايل على الدولة أو مخالفة القانون يبقى مفيهوش مشكلة إن شاء الله

[egyboy]

تمام جزاكم الله خيرا
بما انه كده كده مسموح ليه موبايل واحد
ولو باعه فى مصر دى حاجة ترجعله طالما الجمارك بتسمح بموبايل واحد
شكرا ليكم