عايزه أشترى شنطه سفر

[Macaronaa]

ازيكم يا جماعه

أنا عايزه أشترى شنطه سفر تكون ماركه كويسه وتتحمل
بس كمان عايزاها بسعر كويس
يعنى من الاخر سعرها ما يعديش الالف جنيه
و حجمها لو فى رينج ال 70 سم هيكون مناسب جدا ليا
وهل الحجم بتاع حاجه وخمسين سم ده بيكفى انه ياخد حاجات كتير؟

شوفت على الانترنت شنط ماركه سامسونايت و دلسى و اميريكان توريستر

بس محتاجه اعرف منكم ايه رينج الاسعار للماركات دى وترشحولى ماركه ايه من دول ولا فيه ماركات تانيه محترمه بتجمع بين الجوده والسعر المناسب؟

أرجو ان اللى عنده معلومه يفيدنى بيها

[dede_dodo88]

الماركات دي لو شنطة hardshell فالسعر مش هيقل عن ألفين تلاتة, بس امريكان توريستر يمكن تبقى ارخصهم, القماش هتبقى أرخص أكيد..
أنا كنت جايب واحدة hardshell من United colors كانت بحوالي ألفين و شوية و ده كان من 3 سنين, فأكيد دلوقتي الأسعار زادت عن كده..

[sayedmatrix]

كل الماركات دي فعلا ممتازه وبتيجي بضمان دولي كمان ، اغلاهم سامسونايت وارخصهم اميركان توريستر لكن كلاهما جودته كويسه ، السعر بيختلف حسب الموديل وكمان اللون.

[Macaronaa]

الماركات دي لو شنطة hardshell فالسعر مش هيقل عن ألفين تلاتة, بس امريكان توريستر يمكن تبقى ارخصهم, القماش هتبقى أرخص أكيد..
أنا كنت جايب واحدة hardshell من United colors كانت بحوالي ألفين و شوية و ده كان من 3 سنين, فأكيد دلوقتي الأسعار زادت عن كده..

شكرا للرد والاهتمام
هو انا عارفه ان فعلا الشنط غاليه زى الاسعار اللى حضرتك قولت عليها
بس أنا محتاجه شنطه تتحمل وتعيش شويه حلوين وكمان يكون سعرها مناسب

وهل United colors هو نفسه محل بينيتون؟
ولو كده يعنى ممكن اشوف فى بينيتون لو ماركه غير hardshell ممكن الاقى سعرها كويس ولا ماعندهمش غير hardshell ؟

وهشوف برضه كده امريكان توريستر بس فعلا يهمنى ان الخامه تكون كويسه مش ووتر بروف والحاجات الأى كلام دى

وشكرا مره تانيه لرد حضرتك

[Macaronaa]

كل الماركات دي فعلا ممتازه وبتيجي بضمان دولي كمان ، اغلاهم سامسونايت وارخصهم اميركان توريستر لكن كلاهما جودته كويسه ، السعر بيختلف حسب الموديل وكمان اللون.

متشكره جدا للرد والاهتمام

طيب يعنى امريكان توريستر خاماتها بتبقى مش قد كده يعنى بتكون ووتر بروف مثلا والعجل بتاع الترولى بتاعها بيكون ضعيف او اضعف شويتين من سامسونايت وعشان كده سعرها ارخص؟

وايه رأى حضرتك فى شنط دلسى؟وهل سعرها زى سامسونايت ولا ارخص ؟

شكرا مره تانيه للرد

[dede_dodo88]

شكرا للرد والاهتمام
هو انا عارفه ان فعلا الشنط غاليه زى الاسعار اللى حضرتك قولت عليها
بس أنا محتاجه شنطه تتحمل وتعيش شويه حلوين وكمان يكون سعرها مناسب

وهل United colors هو نفسه محل بينيتون؟
ولو كده يعنى ممكن اشوف فى بينيتون لو ماركه غير hardshell ممكن الاقى سعرها كويس ولا ماعندهمش غير hardshell ؟

وهشوف برضه كده امريكان توريستر بس فعلا يهمنى ان الخامه تكون كويسه مش ووتر بروف والحاجات الأى كلام دى

وشكرا مره تانيه لرد حضرتك

اه هي united colors of benetton..
Hardshell ده اللي هو جسم الشنطة بيبقى نوع بلاستيك قوي مقاوم الصدمات, الشنط القماش التقليدية سعرها ارخص اكيد..

[Shehab_gomaa]

فى ماركة أسمها 3m
أنا كنت أشتريت منها شنطة بدل كانت ب 550 جنيه من كارفور المعادى من 4 سنين
وأشتريت من نفس الماركة شنطة سفر الحجم الوسط كانت ب 400 جنيه من محل فى الدور الأرضى فى جراند مول المعادى وأنا شايف إنها ماركة كويسة وعلى قد تمنها

[أحمد كمال]

نصيحة
ال Baggage handlers في مطار القاهرة بيبهدلوا الشنط

اشتري حاجة رخيصة تأدي الغرض احسن من شارع عدلي عشان ما تحزنيش عليها لما العجلة تتكسر و لا المقبض يتخلع


انصح بالشنط القماش عشان الهارد شيل بتوزن زيادة

[melouk1]

نصيحة
ال Baggage handlers في مطار القاهرة بيبهدلوا الشنط

اشتري حاجة رخيصة تأدي الغرض احسن من شارع عدلي عشان ما تحزنيش عليها لما العجلة تتكسر و لا المقبض يتخلع


انصح بالشنط القماش عشان الهارد شيل بتوزن زيادة

مختلف مع حضرتك بسافر كل مكان من مطار القاهرة و الشنط brands كلها و جايبها من برة و محصلش إن شنطة اتبهدلت ..

[Macaronaa]

اه هي united colors of benetton..
Hardshell ده اللي هو جسم الشنطة بيبقى نوع بلاستيك قوي مقاوم الصدمات, الشنط القماش التقليدية سعرها ارخص اكيد..

متشكره جدا للرد والاهتمام

[Macaronaa]

فى ماركة أسمها 3m
أنا كنت أشتريت منها شنطة بدل كانت ب 550 جنيه من كارفور المعادى من 4 سنين
وأشتريت من نفس الماركة شنطة سفر الحجم الوسط كانت ب 400 جنيه من محل فى الدور الأرضى فى جراند مول المعادى وأنا شايف إنها ماركة كويسة وعلى قد تمنها

الف شكر لحضرتك وشكرا جزيلا للرد والاهتمام

[Macaronaa]

نصيحة
ال baggage handlers في مطار القاهرة بيبهدلوا الشنط

اشتري حاجة رخيصة تأدي الغرض احسن من شارع عدلي عشان ما تحزنيش عليها لما العجلة تتكسر و لا المقبض يتخلع


انصح بالشنط القماش عشان الهارد شيل بتوزن زيادة

فعلا ناس كتير قالت اللى حضرتك بتقوله ده بس انا محتاجه شنطه كويسه حتى لو كانت على قد السفر الداخلى و لو بالطياره تكون تنفع تتاخد جوه كابينه الطياره

ومتشكره جدا لرد حضرتك واهتمامك

[Macaronaa]

مختلف مع حضرتك بسافر كل مكان من مطار القاهرة و الشنط brands كلها و جايبها من برة و محصلش إن شنطة اتبهدلت ..

شكرا جدا لافاده حضرتك