محتار بين 3 فنادق

[midoabdeen]

السلام عليكم ورحمة الله و بركاته
محتار بين 3 فنادق في شرم الشيخ لشهر العسل في اخر شهر 7
كونكورد السلام
Booking.com: منتجعات كونكورد السلام شرم الشيخ - شرم الشيخ, مصر
جولي فيل جولف
Booking.com: منتجعات ماريتيم جولى فيل جولف اند ريزورت - شرم الشيخ, مصر=
بارك ان
Booking.com: منتجع بارك إن باي راديسون شرم الشيخ - شرم الشيخ, مصر


الاسعار متقاربة وكمان الخدمات بس ايه الاحسن لشهر العسل

[ashekwalaa]

أنا شهر عسلي كان في شرم الشيخ من 6 سنين وفي شهر 7 برضه

نصيحتي : بلااااش شرم في التوقيت ده

أنا ومراتي كنا بنسيح بمعنى الكلمة ، ومش عارفين نستمتع بالخروجات

خليك في الساحل أفضل وممكن تعمل شهر عسل تكميلي في شرم على آخر السنة

[Ramy_2R]

نصيحه نقى فندق فيه أكوا بارك اقعد فيه يومين
و نقي واحد يكون استجمام و كده كمل فيه يومين او 3
و نقي واحد كمان مش لازم خمس نجوم يكون في خليج القرش عشان ال snorkeling و كده و بفرق السعر اعمل العاب مائيه و كده


انا عملت كده في شهر عسلي و انبسطت جدا
بس نصيحه الوقت ده حر جدا

[Mohamed_Hamid]

بلاش يا غالى فى شهر 7 . انا روحت الغردقة فى اخر شهر 5 وكان الجو نااار ومكنتش بخرج ال بالليل وكان برضه صهد مابالك بشهر 7 وجو شرم قريب من الغردقة كتير

[بيبو بيبو]

خليك فى كونكورد السلام أحسن ويكون إللى على البحر مش ال سبورت. جو لى فيل كان زمان دلوقتي اتبهدل ومليان مصايف شركات. أبعد عن بارك أن 4 نجوم وأكله وحش جدا وعشان تروح البيتش بتعدى الشارع عشان تروح راديسون بلو

[midoabdeen]

طيب لو حجزت ليلتين في كونكورت و أربع ليالي في فندق أربع نجوم (في فندق كويس و هتبقي كلها ارخص من أربع ليالي في كونكرت ), مش يبقى احسن ابقى قضيت 7 أيام بنفس السعر
ولا مش هيبقى فيها متعه لما أخرج من فندق خمس نجوم لاربعه

[أبو صلاح]

Booking.com: منتجعات أكوا بلو شرم الشيخ - شرم الشيخ, مصر

عهلى ضمانتى وعن تجربة بجد مش هتخرج من الفندق

[midoabdeen]

طيب والجونة اخبار الجو في الوقت دا ايه
انا مش عايز اطلع الساحل خااالص

[just4cadbury]

booking.com: منتجعات أكوا بلو شرم الشيخ - شرم الشيخ, مصر

عهلى ضمانتى وعن تجربة بجد مش هتخرج من الفندق

مؤيد جدا للاقتراح ده لسه راجع من اسبوعين ممتاز والسيرفس كويسة والاكوا مبهرة