تعديل على فيلتر مياه 5 مراحل

[salam100100]

عندى فيلتر مياه 5 مراحل ro بمضخه وتنك
المضخه باظت- فلغيت مسار المياه اللى داخل للطرمبه وال ro
يعنى حاليا مسار المياه بتدخل على اول ثلاث مراحل و يطلع يدخل يتخزن فى التنك ويطلع من التنك يدخل المرحله الخامسه (شمعه جوز الهند) وبعد كدا على الحنفيه

طعم المياه مختلفش- يعنى مش قادر امييز الفرق
هو طبعا ال ro بينزع الاملاح ودا ضرورى لكن محستش بفرق

ملخص
اى فيلتر 3 مراحل ممكن تركبله تنك تخزن فيه ميه ومتحتاجش مضخه وميمبرين ro
التنك اعتقد 12 ليتر

دا تعديل مؤقت الى ان اغير الطرمبه

[sayedmatrix]

مش عارف الهدف من الموضوع ايه ، بس انت نفسك قلت الممبرين مهم لحفظ توازن الاملاح في المياه ، الطعم مش مقياس علي فكرة لان المعادن الثقيلة ممكن متحسش بطعمها في التركيزات المنخفضة. او جايز المياه في منطقتك كويسة اساسا ، عموما الفلتر اصبح من الاساسيات للاسف وليس من الكماليات

[salam100100]

الهدف من الموضوع:
1- ايضافه معلومه ان ممكن تخزن مياه فى تنك لو عندك فيلتر 3 مراحل فقط.
2- فى الحاله بتاعتى لما الطرمبه باظت, موقفتش استخدام الفيلتر- وجدت حل بديل مؤقت الى حل المشكله

كانت كل معلوماتى واللى اتقالى ان التنك بينزل لل5 و 6 و 7 مراحل فقط ومحتاج طرمبه عشان تملاه.

[yaserbasha2000]

التانك بينزل للفلتر ro لان خرج الميمبران بيكون بطئ جدا و ساعات تنقيط (في اخر عمر الميم بران) فبتكون محتاج خزان يسعفك و يتملي براحته.
لكن الفلتر ال 3 مراحل خرجه بيكون كويس فمش بيحتاج تخزين و كمان لو عملت خزان لازم تضيف مرحله كلور بعده لقتل اي بكتيريا في الخزان

[salam100100]

التانك بينزل للفلتر ro لان خرج الميمبران بيكون بطئ جدا و ساعات تنقيط (في اخر عمر الميم بران) فبتكون محتاج خزان يسعفك و يتملي براحته.
لكن الفلتر ال 3 مراحل خرجه بيكون كويس فمش بيحتاج تخزين و كمان لو عملت خزان لازم تضيف مرحله كلور بعده لقتل اي بكتيريا في الخزان

انا معاك-عشان كدا انا حاطط الشمعه بتاعت جوز الهند ما بين التنك والحنفيه
الميزه بتاعت التنك انك عندك مياه متفلتره متخزنه عند انقطاع المياه

ضغط المياه بتاع الحكومه كويس جدا بيقدر يملى الخزان فى اقل من 10 دقائق