لو عايز تأجر شقة ,اية الضمانات اللي ممكن تاخدها ؟

[rockana9112007]

سؤالى بصراحة لو عندك شقة عاوز تاجرها وانتا مش ساكن قريب منها يعني مش رايح جاي عليها ومش هتعرف تراعيها ,اية اللي يضمنلك ان اللي مأجرها منك ميبلطجش ويقعدلك فيها من غير مايدفع ايجار .

هل في ورق بيتاخد كضمان غير العقد اللي بينك وبينو ,زي ايصال امانة او شيكات

يعني في الدول الخليجية بتاخد من المستأجر شيكات بعدد شهور الايجار بتاريخ الدفع مقدم ,كل اول شهر بتحط الشيك في البنك ,لو حسابو مفيهوش رصيد ,هو بيلبس في الحيط وش .طبعا النظام دة مش موجود في مصر .طب اية البديل ؟؟؟

ياريت الاعضاء المحترمين تقولنا علي تجاربهم الواقعية

[Elawany13]

لازم تسأل على المستأجر وتتأكد انه شخصيه محترمه
لإن فى مصر مفيش قانون ولا ضمانات لأى حاجه
إلا لو كنت من اصحاب البلد محدش هيقدر يكح معاك

[الفجر]

الايجار فى مصر ..............ز لقد سئلت عن كبير كبير كبير جداااااااااااااااااااااااااااااااااااا

شوف ياباشا انا احد ضخايا الموضوع دة الايجار الجديد لدرجة وصلت الى الجنون من المستاجرين الظلمة

اولا لازم تعمل عققد موثق فى الشهر العقارى لا يزيد عن سنيتن لو 3 سنين ممكن المستاجر ياخد قرض من البنك بضمان محل الاقامة وتروح حضرتك ورا الشمس ودة اللى حصل معايا ولازم توثق العقد فى الشهر العقارى قبل اى شئ

ثانيا

تؤجر المكان وصل امانة وعلية بصمة المستاجر بقيمة الشقة او المحل كاملة

يعنى مثال قيمة الشقة مليون جنية تخلية يكتب على نفسة وصل امانة بمليون جنية

اخيرا لو معملتش الخطوات دى ممكن تقعد من سنيتن الى 3 سنين لطرد المستاجر وانا والدى رحمة الله كان بيوجر للنا من غير ضمانات وفى الاخر الافندىىى الى كان قاعد فى المحل قعد 3 سنين عشان اعرف اطردة بحكم المحكمة والواد عمل طعون واستئانف فى عدة محاكم ومن محكمة الى دائرة محكمة اخرى خلال 3 سنين دول شوفت الويل كلة من المستاجر الىل كان بيجيب بنات كمان المحل ونجس المحل وعلى عينك يا تاجر ومكنش حد عارف يعمل لية حاجة

واظطررت انى احطارش مبيدات حشرية ذات رائحة نفاذة ككل اسبوع عشان اقرفة واطفح المجارى علية

وفى الاخر اخد منى حق توضيب المحل اللى وضبة عشان يطلع ويسيب المكان +وكمان اتنازلت لية عن حق ايجار سنتين كامليين + كهربا عدادا متاخرة بمبلغ فوق الالفين جنية لان البية قسط الكهربا على نفسة بدون استئذان منى وكان قاعد ليل نهار فى تكييف على قفايا انا + قسط بنك بضمان المحل 3 الاف جنية والمحكمة رفضت تسليم المحل لية الا بعد دفع 3 الاف جنية قيمة القرض اللى اصلا مش بتاعى ههههههههههههههههههههههههههههههههههه وفى الاخر انا برضة الى دفعتهم

يعنى طلعت من ايجار المحل بخسارة فادحة دة غير اتعاب 3 محامين ووجع قلب ودوشة

قابتسم اخيرا فانت مؤجر فى مصر

[Karim Alaa]

حضرتك عايز تقول ان كل ده حصل بعقد ايجار قديم مش بيجدد تلقائيا ؟؟ يعنى مش مكتوب فى العقد يجدد من تلقاء نفسه ما لم يعترض احد الطرفين ؟

[أحمد كمال]

يعنى مثال قيمة الشقة مليون جنية تخلية يكتب على نفسة وصل امانة بمليون جنية

تف على قبري لو حد رضي يستأجر شقة و يمضي غلى نفسه وصل امانة ب 10 جنيه حتى !!

[amro1965]

انا برضه عانيت كثيرا من بعض المستأجرين
المهم
نصيحتى ليك كالاتى
اولا
حاول تختبر المستأجر باشياء تغحيزية من خلالها تقدر تقيم المستأجر مثل انا بأخذ 3 شهور تأمين وشهر مقدم بالاضافه لمصاريف المياه والنور والغاز مع قيمه اشهر والعقد لمده سنه والله حضرتك ملتزم هنجدد الوضع مش لابد اه سنه وعدت
ثانيا
طبعا العقد الفترة تكتب حروف وليست ارقام حتى لا يتم التلاعب
ثالثا
شرط اضافى ان فى الحالات الاتية يتم دخول الشقة بأى طريقة كانت ولتحفظ على جميع المنقولات فى الشقة
ترك الشقة لمده ثلاث شهور
غلق الشفة لمده طويله بدون اخبار المالك

[Elawany13]

تف على قبري لو حد رضي يستأجر شقة و يمضي غلى نفسه وصل امانة ب 10 جنيه حتى !!

اعرف واحد مش بيأجر الا بوصل امانه علي بياض عليه بصمة المستأجر... وعنده عماره مأجرها كده

[ahmedwagdy03]

ايهما أقوى وصل الأمانة و لا شيك بنكي

[أحمد كمال]

اعرف واحد مش بيأجر الا بوصل امانه علي بياض عليه بصمة المستأجر... وعنده عماره مأجرها كده

لا مؤاخذة مع احترامي

المستاجرين اللي تقبل بكده تبقى ناس ساذجة