سكان التجمع - اجراءات تسجيل شقة

[egyboy]

السلام عليكم

صديق لى بيشترى شقة فى التجمع

ايه الاجراءات اللى مفروض تضمن حقه ؟

ازاى يتاكد اولا ان كل الاوراق والارض والمشاكل دى


وازاى ينقل كل حاجة باسمه من عداد كهرباء لملكية الشقة بشكل قانونى ونهائى

هل محتاج محامى ولا ممكن يخلص كل حاجة

علشان واحد صاحبنا تانى اشترى شقه وصاحب الشقة باعها مرتين رغم كان معاه عقد
زى فيلم شحاتة ابو كف كده :)

[egyboy]

ياريت الرد للاهمية يا شباب

وكمان عايز اعرف لو صاحب الشقة عامل توكيل لواحد اللى هو صاحبى هيشترى منه

ازاى يتاكد انه فعلا معاه توكيل والكلام ده

[mohamedzaki74]

ياريت الرد للاهمية يا شباب

وكمان عايز اعرف لو صاحب الشقة عامل توكيل لواحد اللى هو صاحبى هيشترى منه

ازاى يتاكد انه فعلا معاه توكيل والكلام ده

مش ممكن تعرف اذا صدر عليها توكيلات و لا لا
افضل ان يكون صاحب الشقة هو صاحب الارض
اسال عن البائع
لا يوجد ما يضمن 100% عدم النصب

[egyboy]

ولا حتى لو روحت الشهر العقارى وسئلت ؟

[mohamedzaki74]

ولا حتى لو روحت الشهر العقارى وسئلت ؟

لو الشقة مسجلة
لكن معظم عقارات التجمع غير مسجلة
المكان الوحيد المفروض تروحه جهاز التجمع
و ده بتسال على من صاحب الارض
و هل عليها مخالفات
و اطلب من صاحب الشقة يتنازلك عن حصتها في الارض في الجهاز

[egyboy]

تمام جدا
ربنا يكرم

[hugan]

بتروح الجهاز اول حاجه
نشوف عليها مخالفات من عدمه
وتطمن ان مفيش عليها اقساط
لانه مش هاتقدر يعملك تنازل في الكهرباء والمياه الا لو مخلصه اقساط والجهاز استلم علشان اوصل مرافق دايمه
ثاني شيء المالك يعمل عقد وكاله مش توكيل في الشهر العقاري

[egyboy]

هو الشقة خلصانة ومتشطبة والمالك عامل توكيل لواحد قريبه

طيب ايه الفرق ؟ الوكالة دى اتاكد ازاى منها

وانه فعلا ليه الحق يبيع منتفاجئش بعد كده ان المالك ميعرفش حاجة مثلا

[hugan]

هو الشقة خلصانة ومتشطبة والمالك عامل توكيل لواحد قريبه

طيب ايه الفرق ؟ الوكالة دى اتاكد ازاى منها

وانه فعلا ليه الحق يبيع منتفاجئش بعد كده ان المالك ميعرفش حاجة مثلا

المالك عامل توكيل لواحد قريبه
تخوف شويه
الافضل و الامن
اشتري من المالك مباشره
انا اشتريت في الشروق عن طريق توكيل من المالك الاخوه
واجبرت المالك الاصلي يعملي توكيل مباشره منه
عقد الوكاله بيكون من المالك مش وسيط
ولازم حضور الطرفين
المالك والمشتري
وهو اقوي من التوكيل ولا يلغي بوفاه احد الطرفين زي التوكيل
الموضوع مش سهل وطرق النصب كتير خاصه ان المبلغ اكيد مش قليل

[egyboy]

جزاك الله خيرا على التوضيح

طيب هى الفكرة ان المالك الرئيسى مسافر بره مصر واللى معاه التوكيل واحد قريبه هنا بيبيع ليه

طيب هو المفروض مش الجهاز يبقى عنده خلفية عن الكلام ده

بمعنى انى لما هشترى اكيج هيحصل تنازل عن العداد والكلام ده ويتسجل فى الجهاز

يبقى الجهاز هو الضامن الوحيد ولا برضه فى مشكلة

[hugan]

الشقه اهالي ولا تابعه لبنك الا سكان

[egyboy]

لا اهالى
هنشترى على طول منه

[hugan]

لا اهالى
هنشترى على طول منه

يبقي المالك الاصلي يعمل توكيل مباشره للمشتري
ويتبعت بالبريد
ثاني شيء اوصل للشركه اللي بنت و باعت المالك الاصلي
واعرف ظروف الشركه ايه واجراءات التنازل لاءن الشركه هي المفترض تنهي بقيه واجراءات تنازل المياه وال كهرباء
ثلاث شيء اوصل شركه المياه وال كهرباء واعرف ايه الاوراق المطلوب لنقل العدادات باشم للمشتري الجديد
خلاف سؤال الاول في الجهاز عن ظروف القطعه ومخالفتها

معلش الموضوع مش سهل وهايحتاح تستيف اوراق
علشان تائمن نفسك

[egyboy]

بارك الله فيك
ربنا يكرمك ويجازيك خيرا على مساعدتك
شكرا شكرا جزيلا