استشاره عاجلة من الاعضاء الكرام

[arom4]

السلام عليكم يا اجدع ناس
انا في مشكلة وكرب عظيم
عندي حتة ارض ملك اخويا متغرب وشقى عمره حطه فيها ..للاسف انضحك علينا واشتريناها في حي سكني جديد وفيه مجموعة بلطجية مترصدين الاراضي ال لسه متبنتش وبعد 6 سنين عرضناها للبيع لكنهم كل ما يجي مشتري يطفشوه باشاعة ان لهم 17 متر ف الارض من قديم وان معاهم ورق قديم والمشتري يخاف من المشاكل ويطفش .. حد عنده فكره ايه الحل في الوضع السيء ده؟ يعني ورقنا سليم وفيها تسلسل ملكية لكن اشاعات البلطجية دول بتطفش الناس .. اعمل ايه ؟ وشكرا جزيلا مقدما لكل ال هيرد علي..

[mohamedzaki74]

السلام عليكم يا اجدع ناس
انا في مشكلة وكرب عظيم
عندي حتة ارض ملك اخويا متغرب وشقى عمره حطه فيها ..للاسف انضحك علينا واشتريناها في حي سكني جديد وفيه مجموعة بلطجية مترصدين الاراضي ال لسه متبنتش وبعد 6 سنين عرضناها للبيع لكنهم كل ما يجي مشتري يطفشوه باشاعة ان لهم 17 متر ف الارض من قديم وان معاهم ورق قديم والمشتري يخاف من المشاكل ويطفش .. حد عنده فكره ايه الحل في الوضع السيء ده؟ يعني ورقنا سليم وفيها تسلسل ملكية لكن اشاعات البلطجية دول بتطفش الناس .. اعمل ايه ؟ وشكرا جزيلا مقدما لكل ال هيرد علي..

هي وضع يد و لا من هيئة المجتمعات العمرانية؟

[svneleven]

الحل الوحيد تتفاهم معاهم. كل منطقة ليها كبير زي العرباوية اللي في كل مكان. شوف حد يوصلهم و يتفق معاهم او يبعدهم عنك.

[Bassem Youssef]

هما بيعملوا كده عشان ياخدوا قرشين

[ahmedshawky]

السلام عليكم
للاسف انت مضطر تتفاهم معاهم وتدفعلهم فلوس
الحل التاني انك تشوف مين التاجر الكبير هناك وتبيعله الارض بس برضه هتخسر فلوس
الحل الثالث انك تبني الارض
ده من وجهه نظري واكيد انت اكتر واحد يعرف المناسب

[رامي مصطفى]

الحل الوحيد تتفاهم معاهم. كل منطقة ليها كبير زي العرباوية اللي في كل مكان. شوف حد يوصلهم و يتفق معاهم او يبعدهم عنك.

متفقمع حضرتك في الكلام بس معلش في تكمله للجمله
زي العرباويه (الحراميه) اللي .....
الحل انك تتفاهم مع الزباله دول وتراضيهم بالفلوس هما اصلا مستنين كده لأنه عارف انه مش هياخد الارض هياخد فلوس بلطجه (بس حاول تكلمهم عن طريق حد بلاش منك مباشره علشان لو شافوك طيب كده وغلبان هيستغلوا فلازم حد معرفتهم).
ربنا يعينك وما تحملش هم الأشكال دي في كل حته تعال العاشر من رمضان وشوف

[arom4]

هي وضع يد و لا من هيئة المجتمعات العمرانية؟

[overline]لا ده ولا ده يا فندم دي اشتريناها من ناس بعقود وف الورق القديم سجل عيني وعملنالها صحة توقيع ..[/overline]

[arom4]

الحل الوحيد تتفاهم معاهم. كل منطقة ليها كبير زي العرباوية اللي في كل مكان. شوف حد يوصلهم و يتفق معاهم او يبعدهم عنك.

ربنا يسهل ..شكرا ع الاهتمام

[arom4]

بجد منهم لله ..ناس بلا ضمير عايشين ع الاذى ... شكرا لك...باسم يوسف

[arom4]

السلام عليكم
للاسف انت مضطر تتفاهم معاهم وتدفعلهم فلوس
الحل التاني انك تشوف مين التاجر الكبير هناك وتبيعله الارض بس برضه هتخسر فلوس
الحل الثالث انك تبني الارض
ده من وجهه نظري واكيد انت اكتر واحد يعرف المناسب

عليكم السلام... ربنا يسهل وشكرا ع الرد ..

[arom4]

متفقمع حضرتك في الكلام بس معلش في تكمله للجمله
زي العرباويه (الحراميه) اللي .....
الحل انك تتفاهم مع الزباله دول وتراضيهم بالفلوس هما اصلا مستنين كده لأنه عارف انه مش هياخد الارض هياخد فلوس بلطجه (بس حاول تكلمهم عن طريق حد بلاش منك مباشره علشان لو شافوك طيب كده وغلبان هيستغلوا فلازم حد معرفتهم).
ربنا يعينك وما تحملش هم الأشكال دي في كل حته تعال العاشر من رمضان وشوف

ربنا يقدرنا عليهم ومتشكر لحضراتكم جدا ربنا يفرج كروبنا جميعا يارب ..

[S O P H O S]

ربنا يقدرك عليهم
لكن التفاهم معاهم ممكن يطمعوا اكتر والخوف ياخدوا فلوس
ومفيش حاجة تتغير

[walidzakzok]

ابنيها وبيعها شقق