استفسار عن الhdmi

[punisher]

عندي تلفزيون ال جي وفيه ١ يو اسط بي و ٢ اتش دي ام اي

دلوقتي انا عندي مشكله ...

الاتنين ال hdmi عندي .. واحد موصل فيه الرسيفر والتاني موصل فيه كروم كاست ..

انا محتاج اوصل xbox .. وكده مفيش اي مدخل hdmi اوصل بيه ..

ما الحل ؟؟؟؟

التلفزيون متعلق ع الحيطه ف مستحيل اني اقعد افك الكابلات كل شويه ...

عايز طريقه بحيث يكون عندي ٣ مداخل hdmi

[punisher]

لقيت ع راديو شاك حاجه بتحول من usb لhdmi بس مش عارف هل دي ممكن تحل المشكله عندي

[midnightman_74]

عندي تلفزيون ال جي وفيه ١ يو اسط بي و ٢ اتش دي ام اي

دلوقتي انا عندي مشكله ...

الاتنين ال hdmi عندي .. واحد موصل فيه الرسيفر والتاني موصل فيه كروم كاست ..

انا محتاج اوصل xbox .. وكده مفيش اي مدخل hdmi اوصل بيه ..

ما الحل ؟؟؟؟

التلفزيون متعلق ع الحيطه ف مستحيل اني اقعد افك الكابلات كل شويه ...

عايز طريقه بحيث يكون عندي ٣ مداخل hdmi

الحل هنا HDMI Switcher Splitter

HDMI Switcher Splitter Box Hub W Remote Control For HDTV price, review and buy in Egypt, Amman, Zarqa | Souq.com

[ahmedshawky]

متغير التوصيل من اتجاه الجهاز
يعني فكه من الريسيفر ووصله في الاكسبوكس
لحد ما تلاقي حل

[punisher]

تب بالنسبه لل splitter انا كنت بختار من التليفزيون اي جهاز متوصل بال hdmi ممكن اشغله ... ازاي هختار الجهاز بعد تركيب ال splitter ؟؟؟

فكره توصيل الكابل لجهاز تاني كويسه بس ده لو كان الرسيفر ع المكتبه ... انا عندي الرسيفر الصغير ومتركب ورا التليفزيون ...

[midnightman_74]

الحل هنا hdmi switcher splitter

hdmi switcher splitter box hub w remote control for hdtv price, review and buy in egypt, amman, zarqa | souq.com

تب بالنسبه لل splitter انا كنت بختار من التليفزيون اي جهاز متوصل بال hdmi ممكن اشغله ... ازاي هختار الجهاز بعد تركيب ال splitter ؟؟؟

فكره توصيل الكابل لجهاز تاني كويسه بس ده لو كان الرسيفر ع المكتبه ... انا عندي الرسيفر الصغير ومتركب ورا التليفزيون ...

بيجي معاه ريموت صغير زي اللي في الصورة

http://egypt.souq.com/eg-en/hdmi-switcher-splitter-box-hub-w-remote-control-for-hdtv-7637779/i/

[Ahmed_selmy]

HDMI Splitter .....دا افضل حل وانا عاملة عندى لنفس السبب

[Salamonti]

شوف الجهاز الاسبليتر اللي في الرابط ده:
HDMI Switcher Splitter Box Hub W Remote Control For HDTV price, review and buy in Egypt, Amman, Zarqa | Souq.com

سيبك من سوق دوت كوم لأني جايب نفس الجهاز ب60 جنيه من باب اللوق..

الجهاز بيشيل 3 أجهزة مختلفة ويوصلهم على مدخل واحد في التلفزيون.. وبالتالي هايبقا عندك مدخل تاني كمان فاضي في التلفزيون لو احتاجته مستقبلا.. وممكن كمان تحط عليه اسبليتر تاني لو عندك أجهزة كتير..

بالنسبة بقا للجهاز المعروض ده عايز اقولك انه ممتاز بمعنى الكلمة وعملي جدا جدا فوق الوصف..
1- معاه ريموت لو عايز تحول بين الاجهزة.
2- لو الريموت ضايع ممكن تحول بين الاجهزة عن طريق زرار في الجهاز نفسه..
3- هو فيه مكان لجاك كهربا بس ماعرفش ده بتاع ايه لأنه مش جاي معاه ادابتر وبيشتغل من غير كهربا أساسا لأنه بياخد الباور بتاعه من التلفزيون عن طريق فتحة الاتش دي نفسها..
4- ودي أهم حاجة بقا ان الجهاز فيه ميزة التحويل التلقائي بين الاجهزة.. يعني فلنفترض انك موصل عليه رسيفر وبلاي ستيشن ولاب توب.. حضرتك قاعد بتتفرج ع الدش ومشغل خرج الريسيفر حاليا.. أول ما تشغل البلاي ستيشن هايقوم اوتوماتيك قالب الاختيار على البورت بتاعة البلاي ستيشن.. ولو طفيت البلاي ستيشن هايقوم راجع تاني ع الرسيفر لوحده :D

شوف انا جربت انواع كتيرة من الاسبليتر وكنت باتخنق منهم كلهم لحد ما جبت النوع ده عشان خاصية التحويل الاوتوماتيكي دي.. لا بتخليك محتاج ريموت ولا تستخدم الزرار اللي فيه نهائيا..
الجهاز اللي بتشغله بيجيب صورته اوتوماتيك.. تطفيه يقوم راجع على صورة اللي قبله اوتوماتك برضه.. اشتريه وانت مغمض وتوكل على الله

[Elawany13]

الى صاحب الموضوع الكروم كاست عملى ؟

[punisher]

الكروم كاست لو حضرتك بتحب تتفرج علي فيديوهات اون لاين من علي you tube مثلا ف بيكون ممتع جدا ... چ

لو بتحب الافلام عندك netflix او ممكن اي موقع للافلام تخلي الفيلم يتعرض علي شاشه التليفزيون عن طريق chrome او برنامج web video cast

بيدعم برنامج tunein radio ف ممكن تعمل كاست للتليفزيون

غير كده انك ممكن من الموبايل تعمل cast screen وبالطريقه دي اي حاجه بتعملها علي الموبايل هتلاقيها قدامك علي التليفزيون

عيوبه :

محتاج نت يكون سريع ... يعني ٢ ميجا +
لو هتشغل فيديو موجود علي الموبايل هيكون بطئ اوي ف التحميل ... يعني ملل بصراحه

بصراحه لو netflix كان بينزل الافلام الجديده اول ب اول ... كان يبقي بالنسبالي صعب اني استغني عنه لان ميزه netflix انه علي قد سرعه النت بتكون جوده الصوره ... يعني مفيش حاجه اسمها الفيديو تستناه يحمل

انا معرفش تمنه كام ف مصر بس هو عملي جدا لاي حد معندهوش تليفزيون سمارت

اهم نقطه بقي ... لازم ان الموبايل او الكمبيوتر اللي هتعمل منه كاست يكون متوصل بنفس الشبكه اللي الكروم كاست متوصل بيها .... غير كده مش هتعرف تعمل كاست.