حوار مع واحد بنجلاديشي

[Dr.A.Nabil]

بالرغم من انه كان يوم ممل وحركة البيع منخفضه في الصيدليه
وقاعدين مستنيين الرزق
دخل لي واحد من ذوي الوجه الاسيوي
بشوش... وبيضحك
ودار الحوار كالاتي:
هو:من فضلك عايز دوا (,,,,,,,,,,,,,,,,) قائلا اسم الدوا
انا:اتفضل... انما حضرتك منين؟
هو: انا من بنجلاديش
انا:سياحه؟؟(بكل سذاجه)
هو:سياحه؟ كلا... ادرس في الازهر
انا:ما رأيك في مصر؟ هل اعجبتك؟
هو: نهائيا... اعد الايام المتبقيه كي اغادر منها
(كتمت غيظي وحاولت ان احافظ على هدوئي واظهر بمطهر الصيدلي الرزين)
فسألته: ما الذي لا يعجبك في مصر
-هو: هواءكم ملوث جدا... كما يؤسفني ان اقول ان مستوى الاخلاق منحدر جدا... لقد شاهدت في الميني باص خناقه بين رجل وامرأه وريتها وهي تخلع حذاؤها وتضرب بها الرجل ... لم اشاهد مثل هذا من قبل
-انا مستغربا: وماذا في ذلك؟؟؟ ايه مفيش خناقات عندكم؟
هو: وايضا ذهبت لأشتري برتقالا فباعه الرجل لي ب 20 ج للكيلو
قلتله: وايه يعني؟ مفيش عندكم حراميه
-قال لي: أردت انا اشتري هدايا تذكاريه لأهلي فذهبت الى الحسين وخان الخليلي ويا ليتني ما ذهبت...
كما ان الاطفال الصغار عندكم عندما يرونني يجرون ورائي ويشدون جلبابي..
-قلتله ضاحكا: عيال صغيره وبتضحك معاك ماتزعلش اوي كده !!!
نظر لي نظره غريبه عندما احس انه يتكلم مع واحد من نفس العينه (مصري يعني) ... ونظر في تمن علبة الدواء واعطاني النقود وهو متغاظ لأني لم اجد سببا لكرهه لمصر وان كل حاجه تمام وان هو اللي من كوكب تاني واحنا ناس مصريين
مصريين اوي

عجيب اوي الراجل ده !!!

[PRO-DRIVE]

دا حال كل الزائرين لمصر حتي من نفس المصريين القادمين من الخارج

انا بسبب لهجتي في الاول كنت بشوف بعيني كل الحاجات دي و اكتر من كدا

اكتر صفه بكرهها في اغلب فئه من المصريين انهم فاكرين نفسهم اذكي من كل خلق الله

[Abdo_Eldesokey]

يا باشا ده إذا كان إحنا كمصريين بنعد الأيام لحد ما ربنا يتوب علينا ونقدر نخلع من البلد دي

فما بالك بالراجل الطيب ده الي قدره رماه في البلد دي عشان يتعلم !!

[fiatto]

عجيب اوي الراجل ده !!!

عجيب فى ايه دى ردود حضرتك عليه هى اللى عجيبة !! كأنك مش مصرى

[fiatto]

يا باشا ده إذا كان إحنا كمصريين بنعد الأيام لحد ما ربنا يتوب علينا ونقدر نخلع من البلد دي

فما بالك بالراجل الطيب ده الي قدره رماه في البلد دي عشان يتعلم !!

تمام كده , الواحد قرف من صنف شعبنا اللى معظمه مسح الاخلاق والدين من قاموسه وحط مكانهم الفهلوة والنطاعة والسلبية

[Mido80]

المشكلة مش في مصر يا جماعة، مصر بلد ذكرت في القران وحباها الله بنعم جميلة وجو جميل جدا بس للاسف البشر هما اللي افسدوا هذة النعم...انا عايش برة مصر بقال اكتر من 4 سنين بس بردوا بحس بشوق كبير لمصر بالرغم من كل المشاكل اللي بتعرض ليها لما بانزل اجازة..بس هاقول اية بلدي،،،،

وكما قال الشاعر
نعيب زماننا والعيب فينا...وما لزماننا عيب سوانا

[waled369]

أهوه ده اللي ناقصنا كمان البنجلاديش مش عاجبهم مصر

تعالوا شوفوهم في الخليج عاملين ازاي قمة الكذب و النصب و محترفي سرقة .

أما عن النظافة الشخصية فحدث و لا حرج .......

[ehabradwan]

حتى بتاع بنجلادش
اومال لو كان اوروبي ولا امريكاني كان هيقول ايه
دول 140 مليون عايشين في بلد صغيرة جدا وعندهم امراض الدنيا !!!
يالا احنا بقينا ملقف خلاص باين علينا

[Dr.A.Nabil]

عجيب فى ايه دى ردود حضرتك عليه هى اللى عجيبة !! كأنك مش مصرى

الغرض منه الموضوع ان حتى الاخ اللي جاي من بنجلاديش شايف ان مصر وسلوكيات المصريين في الهبوط..

[pro_samir]

هههههههههه
الصراحة هلكتنى من الضحك بردودك علية

أينعم الراجل عندة حق فى كل حاجة ويمكن ربنا كرمة ان جت على قد كدة .. لكن ردودك كانت مليانة وطنية كأنك عايز تقولة مبقاش الا بنجلاديش كمان مش عاجبة مصر

[Ahmed Selim]

اللى على علم بمجال السياحة شوية هيعرف أن من كام سنة بقو ينزلوا فى كتيبات السياحة اللى الأجانب بيشتروها من بلادهم تحذير من موضوع النصب ده.....وبرضه منتشرة على منتديات سياحة على الأنترنت........أحنا السوياح سيحولنا من زمان......بس مش غلطتهم...ده حقهم بصراحة.

يعنى مثلاً لو حد راح تايلاند هيعرف أن الحاجات هناك فيها فصال ممكن يوصل ل 50% من التمن اللى بيتقالك.....يعنى هو ممكن يعتبر نوع مستتر من النصب......بس هنا بيبقى نصب علنى.

حجرين شيشة وكبايتين شاى على الفيشاوى من 5 سنين أتدفع فيهم 10 دولار بينما تمنهم للمصريين مكنش هيعدى ال 15 جم ساعتها.

[calipha3]

ههههههه كلامه صح ميه في الميه بس بنجلاديش وضعها مأساوي جدا مقارنه بمصر
و اكيد كتير قوي من المصريين نصابين ده يا مؤمن واحد كان بيزرني من القاهره للمنصوره ركب عربيه و الراجل دفعه اجره 400 جنيه شوف ازاي !