مساعدة فى عقد شقة

[egyboy]

السلام عليكم

صديق لى بيشترى شقة فى التجمع

مكتوب فى العقد الصافى فقط للمساحة (150) متر

والاجمالى 195 متر متكتبش

ده الطبيعى ولا ايه ؟

[egyboy]

اين انتم :)

[svneleven]

الطبيعي يكتب المساحة الاجمالية اللي انت دافع تمنها عشان دي اللي هتبيع بيها بردو حسب سعر المتر. موضوع الصافي بقي سيادتك تاخد متر و تروح ترفع مقاسات الشقة و تشوف مصفية كام من اللي المالك بيبيعهولك تقارنه باللي ماشي في المنظقة فيه مناطق فيها 20 % خدمات و في مناطق 25 و كل منطقة غير التانية.

[egyboy]

طيب هى المشكلة ان العقد الاصلى والتوكيل مكتوب فيه الصافى

وبالتالى لازم التوكيل الجديد يتكتب الصافى وليس الاجمالى

[egyboy]

طيب ايه الضمانات ؟

عمل صحة توقيع مع النفاذ وايه تانى ممكن يتعمل

[svneleven]

كده ال 45 متر اللي رايحين عاملين حوالي 23% من المساحة الاجمالية اللي هي 195 متر. لو ال نسبة ديه (23%) هي اللي ماشيه في المنطقة خلاص اتوكل علي الله. تعمل توكيل بالبيع للنفس و الغير و التعامل مع كل الجهات و تكتب عقد ابتدائي و تاخد عليه صحة توقيع. بعد كده ممكن تسجل في الشهر العقاري لكن لازم يكون الارض متسجله في الشهر العقاري و الموضوع بياخد وقت و فلوس.

[mohamed_selim]

حضرتك تدفع تمن الامتار اللى فى العقد ... غير كده بيتضحك عليك .... نسبتك فى الارض هى نسبة الامتار اللى فى العقد ... مفيش حاجه اسمها نكتب الصافى بس

[egyboy]

حضرتك تدفع تمن الامتار اللى فى العقد ... غير كده بيتضحك عليك .... نسبتك فى الارض هى نسبة الامتار اللى فى العقد ... مفيش حاجه اسمها نكتب الصافى بس

هو العقد الاصلى من المالك مكتوب فيه الصافى بس
ومن ثم التوكيل نفس المساحة

وبالتالى لما هنشترى ونعمل التوكيل لازم يكون بنفس الصيغة والمحتوى

العقد مكتوب فيه 20 فى المية من مساحة الارض يعنى مذكورة

والشقة صافى 150

[mohamed_selim]

باشا ... لو فرضنا المتر ب 100 جنيه ... هو عايز ياخد تمن 190 كتر بس الصح انك بتدفع تمن المساحه اللى فى العقد ... صافى بقى ةلا بعضم المفوض ملكش فيه .... بتدفع تمن ال 150 متر بس

[egyboy]

تمام جدا شكرا ليك
بس علشان افهم اكتر
هو اللى انا فاهمه ان اى شقة بتشتريها انت بتدفع اجمالى
شقة 200 متر بتدفع تمنها وفى الاخر بيكون ليها صافى
بس اول مرة اعرف انك بتدفع الصافى بس

[elrasy]

كده ال 45 متر اللي رايحين عاملين حوالي 23% من المساحة الاجمالية اللي هي 195 متر. لو ال نسبة ديه (23%) هي اللي ماشيه في المنطقة خلاص اتوكل علي الله. تعمل توكيل بالبيع للنفس و الغير و التعامل مع كل الجهات و تكتب عقد ابتدائي و تاخد عليه صحة توقيع. بعد كده ممكن تسجل في الشهر العقاري لكن لازم يكون الارض متسجله في الشهر العقاري و الموضوع بياخد وقت و فلوس.

طيب لو الارض مش متسجلة زى اغلب اراضى العبور
هل التوكيل و العقد الابتدائى و صحة التوقيع كافى لضمان حق المشترى ؟

[mohamed_selim]

تمام جدا شكرا ليك
بس علشان افهم اكتر
هو اللى انا فاهمه ان اى شقة بتشتريها انت بتدفع اجمالى
شقة 200 متر بتدفع تمنها وفى الاخر بيكون ليها صافى
بس اول مرة اعرف انك بتدفع الصافى بس

لا انت مش بتدفع الصافى ... انت بتدفع المكتوب فى العقد غير كده يبقى ملوش لازمه
الطبيعى ان المشاحه الكليه هى اللى تتكتب فى العقد ... هو كاتب الصافى و ده شيء جديد ...
و بالمناسبه لازم تروحو تقيسو الشقه و تتاكدو ان ده فعلا مساحتها