استفسار بخصوص شيكات

[hazem.hassan]

السلام عليكم ورحمه الله وبركاته
كل عام وحضراتكم بخير

كنت مأجر شقه وحاليا سلمتها وليا تأمين 7000 جنيه عند صاحب الشقه
الراجل بيقول انه مذنوق حاليا ومعهوش فلوس وهيدينى شيك بالمبلغ بس مش هيتصرف الا بعد سنتين
لو قدر يصرفلى فى الفلوس قبل كده هيدهالى ...لو مقدرش خلاص هصرف الشيك بعد سنتين

سؤالى حاليا ...لو هو فعلا ادانى الشيك وكنت تاريخه بعد سنتين ..هل يقدر يخلينى ماصرفش بعد السنتين باى طريقه ...يعنى مثلا يوقف حسابه فى البنك او يبلغ ان الشيك مسروق مثلا او يقدر يعمل اى حاجه فيما بعد يخلينى بعد السنتين مقدرش اصرف الشيك.؟؟؟

طيب سؤال تانى ...انا حاليا ماسلمتوش عقد الايجار بس اديته مفتاح الشقه بس نظرا لظروف سفر كان عندى وهو كان عايز يسكن الشقه وكده.....ايه اللى اقدر اعمله بعقد الايجار بحيث اضمن برضه حقى

ياريت اصحاب الخبره يفيدونى وجزاكم الله خيرا

[dede_dodo88]

الشيك التزام قانوني يلزم الساحب بالدفع و اي سبب يحصل يعوق وفاء الشيك فيحق ليك الرجوع عليه بالقانون..

[wawamoha]

ده راجل بيستهبل اساسا ..........
ماكنتش سيبتلو الشقه الا لما تاخد فلوسك .او تخلص قيمتها ...........
سنيت علشان يرجعلك التامين ؟؟؟؟
طب هو مسكن الشقه وواخد تامين من الساكن الجديد .كان اداهولك

اعوذ بالله

[hazem.hassan]

الشيك التزام قانوني يلزم الساحب بالدفع و اي سبب يحصل يعوق وفاء الشيك فيحق ليك الرجوع عليه بالقانون..

اشكرك على الرد

[hazem.hassan]

ده راجل بيستهبل اساسا ..........
ماكنتش سيبتلو الشقه الا لما تاخد فلوسك .او تخلص قيمتها ...........
سنيت علشان يرجعلك التامين ؟؟؟؟
طب هو مسكن الشقه وواخد تامين من الساكن الجديد .كان اداهولك

اعوذ بالله

السمه الاساسيه فى الناس كلها الاستهبال....
انا قولت بلاش اعمل مشكله
طب اقولك على حاجه تفقع المراره زياده ..انا اللى جايبله زبون وخد الشقه بعدى

انا مش هاسيب حقى واعرف اخده ازاى بس بشوف ايه الطرق القانونيه علشان اخد احتياطى كويس واخد كامل حقى بدون مشاكل ولو حتى الموضوع هيطول شويه ..بس اضمن حقى فى جيبى وييجى ان شاء الله بعد 5 سنين

[أبو صلاح]

لو انت قابل بالشيك خليه يجيبلك صحة توقيع على الشيك بحيث انك تضمن عدم وجود اي تلاعب في التوقيع
الشيك مايقدرش يلغيه الا بمحضر شرطة ووجود المستفيد للاقرار بالموافقة على الالغاء او فقده من طرفك
لو تقدر تخلي الشيك مفتوح اي بدون تسطير يعنى عدم وجود خطين متوازيين في الشيك يبقى افضل لان ده بيضمنلك انك نقدر تقدمه للبنك في اي وقت حنى لو تاربخ الشيك بعد سنتين ولو خدت عليه رفض تقدر تاخد اجراءاتك القانونية

[hazem.hassan]

لو انت قابل بالشيك خليه يجيبلك صحة توقيع على الشيك بحيث انك تضمن عدم وجود اي تلاعب في التوقيع
الشيك مايقدرش يلغيه الا بمحضر شرطة ووجود المستفيد للاقرار بالموافقة على الالغاء او فقده من طرفك
لو تقدر تخلي الشيك مفتوح اي بدون تسطير يعنى عدم وجود خطين متوازيين في الشيك يبقى افضل لان ده بيضمنلك انك نقدر تقدمه للبنك في اي وقت حنى لو تاربخ الشيك بعد سنتين ولو خدت عليه رفض تقدر تاخد اجراءاتك القانونية

اعتقد موضوع صحه التوقيع دى صعبه شويه .....انا هاخد منه الشيك بالعافيه

[طارق _عبد السلام]

لو الشيك مسطر عليه سطرين لازم تقدمه فى الميعاد المحدد للشيك

لكن لو بدون تسطير ممكن يتقدم فى اى وقت ........لكن لانك ارتضيت بالحل ده لازم تنفذه

[أبو صلاح]

اعتقد موضوع صحه التوقيع دى صعبه شويه .....انا هاخد منه الشيك بالعافيه

على فكرة صحة التوقيع مبتاخدش 3 دقائق في البنك واي فرع تابع ليه
او على الاقل يوقع الشيك ادامك