استفسار بخصوص عقد تمليك لشقة ورث

[emadalzouk]

السلام عليكم ورحمة الله و بركاته

لو سمحتم عايز اسجل الشقة اللى انا فيها باسمى فى الشهر العقارى هية ورث عن ابى و فى بيت العيلة ومفيش اى نزاع وكله بالتراضى

ايه هية الخطوات اللى ممكن اعملها علشان اعمل عقد للشقة مسجل باسمى فى الشهر العقارى علشان الشقة كدة على المشاع

[mero100]

اولا : اعلام الوراثه .

ثانيا : بموجب اعلان الوراثه .. حيتنازل ليك الوارثين عن نصيبهم في الشقه .

ثالثا : حتكمل باقي اجراءات التسجيل في الشهر العقاري حسب الاجراءات .. و هيه طويله و بتاخد وقت شويه .

اهم شيء بالنسبالك : اول خطوتين .

و بالتوفيق ان شاء الله .

[Karim Alaa]

اولا لازم الارض تكون مشهره و فى رخصه بناء او الشقه مشهره اصلا و فى عقد شهر عقارى لو مفيش و الارض مش مشهره شهر عقارى من الاول يبقى مفيش تسجيل شهر عقارى

[emadalzouk]

اولا : اعلام الوراثه .

ثانيا : بموجب اعلان الوراثه .. حيتنازل ليك الوارثين عن نصيبهم في الشقه .

ثالثا : حتكمل باقي اجراءات التسجيل في الشهر العقاري حسب الاجراءات .. و هيه طويله و بتاخد وقت شويه .

اهم شيء بالنسبالك : اول خطوتين .

و بالتوفيق ان شاء الله .

اسف يا جماعة على التاخير فى الرد لظروف رمضان و الصيام و كل سنة و انتم طيبين

انا الوالد متوفى من حوالى 30 سنة و الوالدة من حوالى 12 سنة هل ممكن اعمل اعلان الوارثة عادى دلوقتى ولا فى مشاكل ولو فى حد من اخواتى معترض على عمل العقد هل فى مشكلة انى اعمل اعلان وراثة ولا لا

[emadalzouk]

اولا لازم الارض تكون مشهره و فى رخصه بناء او الشقه مشهره اصلا و فى عقد شهر عقارى لو مفيش و الارض مش مشهره شهر عقارى من الاول يبقى مفيش تسجيل شهر عقارى

اسف على التاخير فى الرد لظروف رمضان و الصيام و كل سنة و انتم طيبين

لو الارض مش مشهرة لانى اول مرة اخد بالى من المووضوع ده ايه الحل وغلبا مفيش رخصة بناء ده بيت من البيوت القديمة فى منطقة شعبية عادية

يبقى ازاى اعمل عقد للشقة موثق علشان لو حبيت اجرها او خلافه

فايه الحل فى الحالة دى لو الارض مش مرخصة ياريت الافادة للضرورة

[Karim Alaa]

دعوى صحه توقيع و فقط لا يوجد شىءاخر تسطيع فعله طالما لا يوجد رقم شهر عقارى من البدايه

[emadalzouk]

دعوى صحه توقيع و فقط لا يوجد شىءاخر تسطيع فعله طالما لا يوجد رقم شهر عقارى من البدايه

يعنى اجيب عقد واملاه و امضى اخوتى عليه واعمل صحة توقيع و خلاص و بكدة يبقى ضامن حقى فى الشقة

[Karim Alaa]

اه و الافضل تبقى حضورى بحضور اخواتك للاقرار بصحه التوقيع و كده محدش يقدر يرجع فى توقيعه و تبقى ضمنت حقك

[emadalzouk]

اه و الافضل تبقى حضورى بحضور اخواتك للاقرار بصحه التوقيع و كده محدش يقدر يرجع فى توقيعه و تبقى ضمنت حقك

تمام يا غالى و شكرا لحضرتك
وكل سنة و انت بخير

[emadalzouk]

سؤال يا غالى لو حد او بعض اخوتى امتنعو عن التوقيع على عقد الشقة اللى عايز اعمله لخوفهم مثلا انى ابيع الشقة بالعقد اواجارها لان هما مش عايزين حد غريب يدخل البيت

ممكن اعمل ايه تانى يضمن حقى وحق اولادى فى الشقة بعد كدة ؟

[Karim Alaa]

لا مفيش يا باشا هو انت تمشيها ودى مبينك و مبنيهم ان يبقى فى عقد و انك مش هتبيع ولا تاجر و خلاص عايز تضمن حقك و حق اولادك لازم عقد و صحه توقيع و تنقل اى عداد فيها باسمك

[emadalzouk]

لا مفيش يا باشا هو انت تمشيها ودى مبينك و مبنيهم ان يبقى فى عقد و انك مش هتبيع ولا تاجر و خلاص عايز تضمن حقك و حق اولادك لازم عقد و صحه توقيع و تنقل اى عداد فيها باسمك

عداد الغاز من اول ما اتعمل من سنتين باسمى و الكهرباء من يجى 12 سنة باسمى وكنت عاملهم بعقود ايجار سورى كدة

[emadalzouk]

اه و الافضل تبقى حضورى بحضور اخواتك للاقرار بصحه التوقيع و كده محدش يقدر يرجع فى توقيعه و تبقى ضمنت حقك

دلوقتى انا ليا اخوات من امى ثلاثة رجال واخوات من ام تانية بنتين و رجالين - اللى من ام تانية ممتنعين على عمل عقود منفصلة و بيقولو الوضع يبقى على ما هو عليه طبعا خوفا من انى ابيع الشقة او اجارها

اما اخوات من امى فلا يوجد مانع لديهم من عمل العقوم فما الحل و هل من الممكن ا يمضى ليا اخوتى من امى فقط على العقود واثقهم و صحة توقيع ولا كدة ممكن حد يعملنا مشكلة بعد كدة ؟

[Yousef Fadl]

اولا لابد من عمل عقد قسمه وليس عقد بيع ،ثانيا توقيع الورثه بالكامل علي عقد القسمه ،ثالثا القيام بعمل اعلام وراثه للوالد والوالده مره واحده ويجوز في اي وقت عمل اعلام الوراثه ،رابعا الافضل لك رفع دعوي صحه توقيع علي عقد القسمه ،ويمكن رفع دعوي صحه ونفاذ عقد القسمه طالما الكل موافق ووقع علي عقد القسمه ولا يوجد نزاع ،ولكن
دعوي صحه ونفاذ دعوي مكلفه ومرهقه جدا