افطار نايل موتورز التاسع لعام 2016 بنادى المقاولون العرب

[Karim_Monir]

كل عام وانتم بخير و رمضان كريم علينا وعليكم
زى ما متعودين كل سنة نفطر مع بعض كلنا باسرنا واولادنا
ان شاء الله السنة دى افطار نايل موتورز هيكون يوم الجمعة 24/6/2016
فى مطعم الخواجة بحديقة الشاى بنادى المقاولون العرب
المطعم اخترناه علي كورنيش عالي باصص من فوق الجبل. شايف نص القاهرة

عشان يكون في هوا حلو وفيو يطل علي مصر من فوق مش مكتوم زي السنه اللي فاتت

الجنينة واسعة والأطفال ح يلعبو براحتهم وجنبنا مسجدين للصلاة ودورات مياه


ان شاء الله الجو بكون كويس و الاولاد الصغيرين بيتبسطوا ويلعبوا
والكبار بيتجمعو ويقضوا وقت لطيف

بالنسبة للفطار
اللى حاب يجيب الفطار معاه هيدفع بس للمطعم 10 جنيه مقابل القاعدة ( ويبقا دش بارتى زى ما عملنا السنة اللى فاتت )
واللى حابب يفطر فى المطعم الوجبة ميكس جريل ب 55 للفرد
تتكون من
2 قطعة كباب + 2 كفتة + ربع فرخة + بطاطس + رز + سلطة + عيش + مشروب رمضانى





اللى هييجى دش بارتى مش محتاج يحجز
لكن اللى هييجى يفطر هناك لازم يبلغنى ويحجز عشان نبلغ المطعم بالعدد



فعندنا لحد يوم الخميس 23/6/2015 عشان نحجز بدفع الفلوس واعرف معايا عدد كام
ايداع الفلوس هايكون في حسابي
7366575192
البنك الاهلي القطري
كريم سراج منير
او فودافون كاش وهيكون المبلغ 60 جنيه (55 وجبة + 5 رسوم تحويل وسحب )
01063025620

وبعد التحويل هتبعت مسج بالاسم والمبلغ والعدد

منتظرينكم كلكم ان شاء الله
وكل عام وانتم بخير

ومتنسوش مسابقة نايل موتورز اللى هيتوزع جوايزها فى فطار الجمعة ان شاء الله

http://www.nilemotors.net/Nile/489311-a.html#post3876083195

تم مد الحجز ليوم الخميس بناءا على طلب الاعضاء

شوية صور من افطار السنة اللى فاتت

[Dr.Solom]

كل سنة وانت طيب ياكريم ومتجمعين على خير دايما

[Salamonti]

طب انا ماجيتش معاكم إفطار قبل كدة وحابب آجي المرادي لكن ماعرفش تفاصيل..
دخول النادي بيكون ازاي لأني غير مشترك فيه؟
بكام رسم الدخول للفرد؟
المكان فين بالظبط؟
فيه دخول للعربيات ولا لأ؟ بكام دخول السيارة؟
ولو مفيش دخول للسيارة هل فيه باركينج خاص بالنادي يكون أمان وعليه حراسة؟
بكام الباركينج؟

[lena jo]

كل عام و انتم لله اقرب و بخير. الموضوع ده مهم زي ال event . يعني الافضل حتي يعرف الكل، الموضوع يكون الدخول له اجباري قبل دخول المنتدي حتي يراه الجميع.

[Samah AbdAllah]

طب انا ماجيتش معاكم إفطار قبل كدة وحابب آجي المرادي لكن ماعرفش تفاصيل..
دخول النادي بيكون ازاي لأني غير مشترك فيه؟
بكام رسم الدخول للفرد؟
المكان فين بالظبط؟
فيه دخول للعربيات ولا لأ؟ بكام دخول السيارة؟
ولو مفيش دخول للسيارة هل فيه باركينج خاص بالنادي يكون أمان وعليه حراسة؟
بكام الباركينج؟

الدخول بالعربيات عادى و الدخول بيكون بتكت فى حدود 10 جنيه للفرد
المكان جوة النادى فى حديقة الشاى
أسهل طريقة انك تيجي من كوبري اكتوبر لغاية اخره عند مدينة نصر
هتلاقي 3 نزلات
شمال ويمين وطوالي
تنزل النزلة اليمين وتأخذ أول يوتيرن شمال ح تلاقي النادي على يمينك بعد ما تعمل يو تيرن ب 200 متر بعد المطب الصناعي علطول


دخول النادي من البوابة الرئيسية بطريق النصر بجوار نادي السكة الحديد
تدخل البوابة وتمشي طوالي مع الطريق لمسافة حوالي 600 متر
لغاية ما تلاقي شارع يمين اللي باين في اول صورة
تركن العربية ح تلاقي الكفتيريا على يمينك زي ماهو باين في الصورة الثانية وجنبها حديقة كبيرة

[أحمد عبد الكري]

مشكورين .. لكن هذا اليوم أنا معزوم فى البحيرة عن نسايبى وطبعا الحكومة عندى فى البيت لن تقبل بالاعتذار .. إن شاء الله العام القادم نكون مع بعض ونتعرف على الناس المحترمة اللى معانا ..

[gomaro2]

شكرا للدعوة الكريمة

[إبراهيم شوقي]

كل عام وانتم بخير و رمضان كريم و اتمنى لكم يوم جميل

[AlGazar2]

كل سنة و انت طيب يا كريم و اهل المنتدى كلهم بخير

كنت خاسس انا رمضان الى فات و الله و اكلتى ضعيفة

[juba8]

كل سنة وانت طيب

[Mahmoud Naguib]

انا معنديش مشكلة ف اي حاجة غير اني مش عندي عربية وجاي من الرحاب
فياريت لو حد رايح من الرحاب او التجمع يقولي نتقابل ف مكان ونروح سوا ان شاء الله
دي اول مرة ليا وان شاء الله مش آخر مرة

[asherif1177]

كل عام وجميع أعضاء المنتدى بخير ورمضان كريم

[mustafavet]

اوك كويس

[akmm]

كل عام وانتم بخير .................... ودايما افضل واكبر منتدى .

[elking60309]

كل سنة وانت طيب