مشكله جنحه من غير ماعرف

[hugan]

السلام عليكم
انا كنت في مرور الاميريه اليوم بارخص موتوسيكل
فوجىت وانا باعمل الاستعلام الامني ان عليا جنحه غير مفهومه من ٢٠٠٥ وهي التدخل الوظيفي مع اني مش موظف ولا ليا علاقه بالدوله نهاءي
الشيء الغريب الاخر ان رخصت عربيتي من سته اشهر وعملت الاستعلام ومكانش في حاجه طب ازاي.
وايه الحل في المشكله دي

[wawamoha]

????
اعتقد فيه ناس في الداخليه بتشيل الكلام ده بفلوس .......
واضح انها حاجه مرميه .........
لو عندك فيش و تشبيه معمول ..ممكن يساعدك انك تخلص الموضوع

[hugan]

????
اعتقد فيه ناس في الداخليه بتشيل الكلام ده بفلوس .......
واضح انها حاجه مرميه .........
لو عندك فيش و تشبيه معمول ..ممكن يساعدك انك تخلص الموضوع

طب انا لو روحت اعمل فيش هاتطلع الجنحه في الفيش و يتقبص عليا ولا ايه

[Yousef Fadl]

اعرف رقم القضيه واستخرج صوره منها وهتعرف انها تخصك ام لا. وهذه القضيه سقطت بالتقادم ،لمرور اكثر من ثلاث سنوات

[hugan]

اعرف رقم القضيه واستخرج صوره منها وهتعرف انها تخصك ام لا. وهذه القضيه سقطت بالتقادم ،لمرور اكثر من ثلاث سنوات

واحد هناك قالي كده
الجنحه بتسقط بعد مرور ثلاث سنوات

[wawamoha]

ماهو ده اللي بقوله .......انهم مشيلينهالك علشان يخلصوا منها ...........
اضمن حاجه انك تطلع فيش و تشبيه و تشوف الوضع ايه لو فيه حاجه شوف بقى السبب ايه و القضيه دي عل مين و انت طرف فيها و للا لا .... و هكذا

ما عتقدش ان الفيش و التشبيه هاينتظروك تنفيذ الاحكام علان يقبض عليك
و طلعه من العباسيه حتى و لا اي مكان تاني .........

[Karim Alaa]

من 2005 سقطت اصلا و محدش هيقبض عليك هتبقى شويه اجراءات اى محامى يعملهالك و طبعا غيابى يعنى حكم ساقط و غيابى و لا ليه اى تلاتين لزمه شوف محامى يخلصلك الموضوع بسقوط الدعوى و خلاص

[tasaka]

شوف محامى .. فقط يعرف تفاصيل الموضوع ده و تفاصيل القضيه .. بدون اجراءات قانونيه .. يعنى ودى

و بعد كده شوف انت عايز تتصرف ازاى

[hugan]

السلام عليكم
اخر التطورات مبدئيا اللهم ان صائم
امناء شرطه مباخث المرور. عباره عن بهايم وان كنا بنظلم البهايم لاءن البهيمه بتفهم وتعرف تروح كل يوم من البيت للغيط
القضيه طالعه باسم ثلاثي
القض التدخل الوظيفي
العنوان انا رقم ٦ القضيه ١٤
امين الشرطه مصمم ان انا
مفيش رقم قومي بس هو انت مفيش غير
ياعم انا رقم ٦ القضيه رقم ١٤
مش مهم
طب مش في رقم قومي لاء مفيش
طب مش في اسم رباعي لاء هو انت
النهايه سالت واحد في محكمه التجمع قريبي
قالي ان قضيه التدخل الوظيفي بتتعامل لبتوع الكارته اللي بيحصلوها في الشارع الفرده يعني
المشكله اني لازم امشي في القضيه لاءن البلد ماشيه بالاشتباه

[tasaka]

ان شاء الله تعدى على خير

اسأل محامى و اثنين ( موش من اللى عايز يأخذ قضايا و بس ) .. و شوف الرأى ايه

و بعدين استخير و اتخذ قرار .. و تابع المحامى كويس ان كنت حا تعمل حاجه رسمى

[dr_haitham79]

ربنا يعينك وتخلص الحكاية على خير ان شاء الله
كلها مكفرات ذنوب ورفع درجات عند ربنا ان شاء الله.

[Elawany13]

ده ايه وجع الدماغ ده !!!
ربنا يعينك ويعديهالك على خير

[رامي مصطفى]

ربنا يعينك وتخلص ع طول

[assaf]

ربنا يعينك ويسهلك امرك

[yaserbasha2000]

ربنا يستر ... موضوع الاستعلام ده قالقني شخصيا

فيه زميل ليا رايح يرخص عربيه زيرو و مبسوط ... ندهه امين شرطه في المرور و قال له كلم الباشا... لقاهم بيقولوا له ان عليه 5 احكام كل حكم بشهر حبس 5 قواضي مش عارف ايه ... و هوب سحبوا موبايله و كلبشوه و رحلوه لولا ان كان معاه واحد قريبه بيخلص معاه الترخيص مكانش حد عرف انه اتقبض عليه اصلا .

بعد ما راح القسم و قريبه شاف محامي لقوا قضايا محدش يعرف عنها حاجه بنفس اسمه الثلاثي و عنوان (مفيش رقم شارع او بيت)

القضايا طلعت ضرائب عقاريه.... اتاري زميلي ده جاله وصل عوايد عقاريه عن شقته بمبلغ 400جنيه و دوحر شويه مع الموظف فالباشا معجبهوش عمله 5 محاضر عدم سداد و طبعا عنوان مبهم فمفيش اخطارات و لا كلام من ده.

طبعا اتبهدل و قضي يوم بليله في الحجز علي ما المحامي عمل معارضه و خرجه .

فربنا يستر من القضاء المستخبي