الصحة النفسية للشخصية الزملكاوية

[fiatto]

سؤال فى دماغى من زمان رجع تانى يزن عليا بعد ماتش الاسماعيلى , هو ليه الإصرار غير الطبيعى من جمهور الزمالك على تشجيع فريق خاسر ومنهار ومليان مشاكل ومن تراجع للآخر ؟ بل والإصرار والمكابرة وحتى الهجوم على اى حد يشكك فى كفاءة وفاعلية الزمالك !!
ياعينى انا حاسس ان الصحة النفسية لمشجعى الزمالك بايظة خالص وبتتلكك على ريحة انتصار ولو حتى من فريق آخر على الفريق المنافس ( الأهلى )

ربنا ينصرهم من باب التغيير

[KoDaK_Gti]

رغم انى مليش اوى فى الكورة بس فعلا كلامك صح
تلاقيهم علطول بيتغلبوا
والاهلى يقعد يكسب يكسب ومتسمعلهمش حس
واول لما الاهلى يخسر تلاقيهم طلعوا وبيتكلموا
يالا معلش هيخفوا ان شاء الله ويبقوا اهلاوية

[abouelmaggd]

اول ما ابتدوا الماتش بشتيمة فى الاهلى و الاسماعيلى ده اللى كان متوقع :)

[Hossam_Hassan]

يا شباب، ياريت نبعد عن المواضيع اللى ممكن تسبب مشاحنات احنا فى غنى عنها.

[abouelmaggd]

يا شباب، ياريت نبعد عن المواضيع اللى ممكن تسبب مشاحنات احنا فى غنى عنها.

ايوه بلاش احسن :)

[fiatto]

يا شباب، ياريت نبعد عن المواضيع اللى ممكن تسبب مشاحنات احنا فى غنى عنها.

وليه مشاحنات دى دردشة طريفة بين الأعضاء زى ماتقول كل واحد بيناكف فى التانى بشكل طريف وبيبقى فيه جو جميل من تعليقات مشجعى كل نادى , بيبقى موضوع حلو لو ليك واحد صاحبك زملكاوى او اهلاوى وفريقه يتغلب تتصل بيه او تقابله وتقعدوا تتكلموا شوية , فى الأول والآخر دى كورة واحنا بنحب نطلع شوية من المواضيع الجد اوى احيانا باننا نضحك مع بعض شوية مش نضحك على بعض ونسبب زعل بين الناس .

[EZABY]

يا شباب، ياريت نبعد عن المواضيع اللى ممكن تسبب مشاحنات احنا فى غنى عنها.

+1

ولو ضروري نتكلم يبقى كل واحد يتكلم عن فرقته

زملكااااااااااااااااااااوي مهمااااااااااااااااااااا حصل

[fiatto]

+1

ولو ضروري نتكلم يبقى كل واحد يتكلم عن فرقته

زملكااااااااااااااااااااوي مهمااااااااااااااااااااا حصل

اولا قلبى معاك فى ماتش النهردة , ومعلش اللى جى احسن .
لو كل واحد اتكلم عن فرقته جو الضحك الجميل اللى بيحصل بينا فى مواضيع الكورة يحصل ازاى ؟ والله انا باضحك من قلبى لما بلاقى اخواتنا الأعضاء مشجعى الناديين كل واحد بيناكف فى التانى ويهزر معاه , بس معتقدش ان الأمور ممكن توصل لحد زعل والكلام ده , احنا ناس كبيرة وبنحترم بعض بس شوية هزار لايضر :laugh2:

ومن اسبوع كان أحد الأعضاء اللى دمهم خفيف عمل موضوع عن الهزيمة المنكرة للأهلى ومعظمنا علق تعليقات طريفة وكان الجو العام للحوار خفيف , فياسيدى سيبنا برضو نعمل موضوع صغير كدة عن هزيمة الزمالك ونخرج شوية مع بعض من اى حاجة مضايقانا فى الشغل او الحياة بصفة عامة .
ولو لقينا الناس ابتدت تاخد الموضوع جد وتضايق بعض , خلاص نقفل الموضوع
وعلى فكرة انا هسمى موقف مشجعى الزمالك من تمسكهم بفريقهم حتى النهاية بالولاء الزملكاوى وهبقى اضرب بيه المثل فى الاخلاص زى الكرم الحاتمى يبقى الولاء الزملكاوى

[calipha3]

الحمد لله ربنا تاب علينا من الكلام ده

[fiatto]

مش عارف ليه عندى احساس ان معظم الزملكاوية نفسهم يبقوا أهلاوية ويحسوا بالفرحة شوية بس كبريائهم مانعهم

واضح ان هزيمة أمس واجعة الزملكاوية أوى ومحدش من اخواتنا الأهلاوية عاوز يتكلم حفاظا على مشاعرهم , ماشى وانا هقفل بقى فى الموضوع ده عشان مبقاش مثير للقلاقل بين شطرى الأمة الكروية هههههه

وربنا يصلح أحوالكم ونشوفكم يارب كده فى اليابان أمام مانشستر زى الأهلى .

[Ahmed Samy]

مش عارف !!!!

شامم شياط

[Hossam_Hassan]

ماشى وانا هقفل بقى فى الموضوع ده عشان مبقاش مثير للقلاقل .

احسن حاجة تعملها

[mohamed]

لا الامر ميوصلش للصحة النفسية ولا حاجة انا كزملكاوى بقى عادى بشجع الزمالك زى ما فيه لحد دلوقتى ناس بتشجع الترسانة والاوليمبى والاتحاد وغيرها من الاندية اللى ملهاش امل فى اى حاجة مبقاش شرط نفوز ببطولة بقى التشجيع عبارة عن انتماء لا اكثر ولا اقل كسبنا الماتش ماشى مكسبناش ماشى واهى ماشية اما ان حد يغير ويبقى اهلاوى فده مش موجود ومينفعش

[aliabutaleb]

سؤال فى دماغى من زمان رجع تانى يزن عليا بعد ماتش الاسماعيلى , هو ليه الإصرار غير الطبيعى من جمهور الزمالك على تشجيع فريق خاسر ومنهار ومليان مشاكل ومن تراجع للآخر ؟

ربنا ينصرهم من باب التغيير

ربنا يستحيب لدعائك :)
اما عن الرد على سؤالك اللي حاسس انه شاغل بال أهلاوية كتير فالرد عليه مفيش أبلغ من اللي كتبه وليد آدم في موقع فيلجول بانقله هنا بالحرف

اعلم اننى بكتابتى لهذا المقال سوف افتح ابواباً من النيران على نفسى ولكن للأسف فقد صار هذا الامر يؤرقنى ويتعبنى وحاولت كثيرا ان اقنع نفسى اننى مازالت احب - او على الاقل اكره - النادى الأهلى إلا اننى فشلت مرات عده فى هذا وصرت اتمنى هزيمة الاهلى - وهذا لا يحدث طبعا - فى اى مباراه محليه وصراحة لا أهتم ولا أتابع مبارايات الأهلى الأفريقية

الأهلى ليس مصر ومصر ليست الأهلى

اولا

يجب ان نعرف جميعا ان الأهلى ليس مصر ومصر ليست الأهلى … نعم النادى الاهلى يلعب أفريقيا بإسم مصر ويقال له الاهلى المصرى ولكنه حين يفوز باللقب يوضع الكأس فى دولاب إنتصارات النادى الاهلى وليس إتحاد الكرة المصرى

ثانيا

حين ينضم لاعبى الاهلى لمنتخب مصر - سواء اكانوا واحدا ام عشره - فهذا حق مصر على ابنأئها من المصريين وسواء فازوا ام خسرو افقد فاز او خسر منتخب مصر وليس المنتخب الاهلى المصرى

ثالثا

بإفتراض ان واحدا من كل اثنين فى مصر يهتم او يشجع او يتابع كره القدم - وفقا لآخر إحصاء للفيفا فإن 1 من كل 25 فرد يهتم بكرة القدم - فبالتالى فإن عدد متابعى الكرة فى مصر حوالى 40 مليون وحيث ان النادى الأهلى وفقا للارقام حقق حوالى 70 % من بطولات كرة القدم فى مصر فنستطيع ان نقول ان عدد مشجعيه حوالى 70 % ايضا اى حوالى 28 مليون مصرى وذلك بإهمال مشجعى كل الاندية التى لم تحرز بطولات فى تاريخها مثل المنصورة وبلدية المحلة و اسوان و غالبا كافة اندية الاقاليم فنستطيع ان نقول ان 52 مليون مصرى لا يشجعون النادى الاهلى

كان لابد من هذه المقدمة لكى يستطع القارئ ان يفهم مايدور بداخلى و يستوعب الاسباب اللتى دفعتنى لهذا الاحساس

” انت لسه بتشجع الإتحاد ” كان ومازالت هى الكلمة التى اسمعها من كل اصدقائى وزملائى مشجعى النادى الاهلى حين اخبر احدهم اننى لن اخرج اليوم لمتابعة مباراة للإتحاد مذاعة على التليفزيون وما اندر هذه المباريات

” يابنى وفر على نفسك حرقه الدم ” الجملة الثانية التى اسمعها حين اتمسك بموقفى

” ادى كمان 3 بنط ” اسمعها دائما قبل مباراة الاهلى

” هو انتو اخر مره كسبتوا امتى ” وتتبعها ضحكة عاليه وتعقبها ضحكات ان كانت تلك مباراة الاهلى

ومهما حاولت ان اشرح لصديقى او زميلى انك حين تشجع ناديا فإن ذلك ليس له علاقه بمستوى الفريق ونتائجه وأن هناك العديد من الانديه فى اوروبا ليست متقدمة كرويا ولكن لها العديد من المشجعين و على رأسها نيوكاسل فى إنجلترا و سامبدوريا فى إيطاليا و بوخوم فى المانيا فهذه الاندية لها مشجعين بل ولها روابط مشجعين تساند الفريق وتسانده وتشاركه هزائمه وانتصاراته
ولكن لا أعرف من اين ايقن مشجعى الاهلى بان كره القدم يجب ان تكون فريق واحد ونادى واحد او ناديين على اعتبار ان بعض المشجعين المحترمين يتمنون عوده الزمالك للمنافسه مره اخرى

لماذا يحجر مشجعوا الاهلى - ولن اتطرق لإدارة النادى - على حق الاندية الاخرى فى ان تشارك وتلاعب فى الدورى ولن اقول تنافس على الدورى ولكننا نطالب فقط بالتواجد

انا اعرف اننا كل اندية الاقاليم تؤدى اداء سيئا فى الاعوام الاخيرة وخاصة الإتحاد ولكن من حقنا ان نشجع من نشاء

ان اساس الرياضة فى العالم كله هو الاحترام المتبادل للمنافسين والرياضة فى كل مكان فائز ومهزوم ولا يوجد دائما وأبدا إلا فائز واحد

فكيف يطلب منا جمهور الاهلى المحترم ان نحترمهم وهم اساسا لا يحترموننا ولا يعتبروننا منافسين من الاساس ولكنهم يرون ان مبارياتنا معهم هى مجرد تدريبات

ان لم يرتضى النادى الاهلى وجمهوره بمستوى منافسيه الذين يخسرون منه ذهابا وإيابا فليترك مصر وانديتها الضعيفة وليشارك فى الدورى الاسبانى او الايطالى او حتى الانجليزى

وحينها يستطيع الاهلى وجمهوره ان يحترم منافسيه وإلا سيفقد كثيرا بتعالى وغرور مشجعيه وسنجد فى النهائيات الافريقيه وفى إستاد القاهرة مصريون يحملون اعلام الكاميرون و نيجيريا وغانا

فالآن عرفت لماذا لا يحب جمهور الاسماعيلى النادى الاهلى

[pro_samir]

هههههههه
انا ضحكت من اسم الموضوع قبل ما افتحة حتى
مع انى مليش فى الكورة بس الموضوع محيرنى برضو