اجيب تكييف كام حصان

[wmz]

الاوضة محتاجة بحساب الوحدات الحرارية btu

هتحتاج حوالى
11500 وحدة حرارية

4.28* 3.78 *2.77 * 250

طول * عرض * ارتفاع السقف * 250

( 250 عدد الوحدات الحرارية التى يحتاجها المتر المكعب )

يعنى انا محتاج 1.5 حصان (12000 وحدة حرارية )
لكن انا ادامى 2.25 حصان تقريبا بنفس سعر ال 1.5 ( 18000 وحدة حرارية )
الاثنين شارب العربى

يعنى تقريبا مفيش فرق فلوس


انا اساسا مش بشغل التكييف على اقل من 25 ( من 27 الى 25 ) مش اقل من كده


السؤال ايهم افضل فى استهلاك الكهرباء؟ والفرق لصالح مين ؟ وهل الفرق ده كبير ولا لأ
طبعا ال 2.25 بيستهلك اكتر (2 كيلو وات/ساعة ) مقابل (1.3 كيلو وات/ ساعة ل 1.5 )
لكن فى المقابل ال 2.25 هيشتغل وقت اقل وهيفصل بسرعة بينما ال 1.5 هيشتغل وقت اكبر قبل ما يفصل ( يعنى الفرق فى استهلاك ال 2.5 هيتعوض فى قلة فترة تشغيله )

السؤال المهم الى مش عارف إجابته هو ايه وضع كمية التيار الى فى بداية التشعيل Starting current مع ال 2.25 لانه اكيد الاثنين هيشتغلو عدد مرات متساوبة ( فترة التشغيل هى الى هتقل لكن عدد مرات التشغيل على مدار اليوم هتكون ثابنة للاثنين ) هو ده الى اعتقد انه ممكن يفرق فهل هيفرق كتير

[A_H_M_A_D]

رأيي هات الكبير افضل ، انا اشتريت القدرة الاقل وندمت بعد كدة ، وبعدين الغرفة عندك مساحتها ١٦ متر مربع ، يعني ١.٥ حصان قليل عليها ، هات ٢.٢٥ طبعا عشان الايام اللي الحرارة فيها بتعدي ال ٤٠

[ahmedwagdy03]

1.5 حصان مناسب جدا لغرفة 16 م مربع لكن 2.25 حصان يعطى إمكانية أكبر لنقل التكييف و الإستفادة به فى مساحة أوسع .

الحمل فى بداية التشغيل بيزيد حوالى 20% و ممكن تحسب ده ببساطة إنك تشوف البورد اللى على الضاغط مكتوب عليها حمل التشغيل كام .

[salam100100]

لو حضرتك اخر دور او الغرفه غربيه لو الواجهه بتاعت الغرفه زجاج بمساحه كبيره هات ال2.25 حصان

تقريبا الحصان بيكفى 10 متر مربع- دى طريقه الحساب السريعه
بالنسبه للكهرباء- ال1.5 حصان اكيد اقل من ال2.25 حصان حتى لو اشتغل فتره اطول

انا عندى الاثنين فى غرفتين نفس المساحه- ال1.5 حصان احسن وقت النوم عشان صوته اخف وصوت تدفقه الهواء اقلل من ال2.25 حصان

[wmz]

شكرا لاهتمام حضراتكم وجزاكم الله خيرا