مهندس مدني و عاوز اهاجر

[eng/muhamad]

السلام عليكم
الموضوع باين من عنوانه
انا مهندس مدني خريج 2011 يعني خبره 5 سنين تقريبا
منهم سنتين و كام شهر في دوله خليجيه و دي الخبرة الوحيدة المثبته ورقيا يعني معايا بيها شهاده خبرة موثقه
متزوج و عندي بنت عمرها 6 شهور
عاوز اهاجر اي دوله
اسيا
استراليا
كندا
امريكا
اوروبا
اي مكان و عاوز اعرف انسب مكان لمهنتي ايه
اسهل الطرق ايه و التكلفه تقريبا كام
محدش يعرف ظروف غيره فرجاء الكلام بتاع البلد دي احسن من غيرها و بلدك و الكلام ده مالوش لازمه
رجاء اللي عنده معلومه ميبخلش بيها

[wawamoha]

شوف نيوزلاندا ...زو هاتدعيلي

[eng/muhamad]

اي مكان بس حد يحط رجلي علي بدايه الطريق

[أحمد كمال]

اقدر اساعدك للهجرة لاستراليا .....

[dongol123]

الهجرة مش الحل....اعرف ناس كتير هاجرت و رجعت او عايزة ترجع لانها مش عارفة تعيش في بلد المهجر

اختلاف الثقافة و العادات حاجة مش سهلة خصوصا لو هتعيش هناك بقية عمرك

[khaled_sabry]

الهجرة مش الحل....اعرف ناس كتير هاجرت و رجعت او عايزة ترجع لانها مش عارفة تعيش في بلد المهجر

اختلاف الثقافة و العادات حاجة مش سهلة خصوصا لو هتعيش هناك بقية عمرك

الكلام ده قديم اوى على فكره
الهجره زمان كانت بسبب تحسين الوضع وساعتها اقولك كلامك مظبوط
لكن دلوقتى بقى الهجره علشان تقدر تعيش اصلا - البلد دلوقتى بقيت فى النازل و الاسعار بتغلى كل يوم اكتر - انا واحد من الناس اللى عاوز اهاجر و من الاسباب الرئيسيه هى انى خلاص مابقتشى قادر على مصاريف مدارس الاولاد و المدارس الحكوميه مابتدرسشى اساسا و المدارس التجريبى ماتقدرشى تدخلها الا بواسطه - بره التعليم الاساسى مجانى اساسا

[just4cadbury]

اقدر اساعدك للهجرة لاستراليا .....

استاذ احمد ما تعمل حضرتك موضوع مبسط شارح فيه كيفية الهجرة لدول محددة وتقييمك للافضل فيهم وطبعا كله هيبقي عن طريق شركتك

[dongol123]

الكلام ده قديم اوى على فكره
الهجره زمان كانت بسبب تحسين الوضع وساعتها اقولك كلامك مظبوط
لكن دلوقتى بقى الهجره علشان تقدر تعيش اصلا - البلد دلوقتى بقيت فى النازل و الاسعار بتغلى كل يوم اكتر - انا واحد من الناس اللى عاوز اهاجر و من الاسباب الرئيسيه هى انى خلاص مابقتشى قادر على مصاريف مدارس الاولاد و المدارس الحكوميه مابتدرسشى اساسا و المدارس التجريبى ماتقدرشى تدخلها الا بواسطه - بره التعليم الاساسى مجانى اساسا

أنا متأكد ان كل اللي عايز يهاجر باصص للهجرة من نظرة اقتصادية بتحتة زي حضرتك بالظبط و ده اللي مخلي كل الناس مش شايفة الثمن اللي هيدفع في المقابل.
علي العموم انا قلت رايي و من شيم بني ادم انه لا يتعظ بمن سبقة و لازم ينزل البحر علشان يعرف انه ممكن يغرق

[melouk1]

توكل على الله و أرض الله واسعة
أعرف ناس معاهم ملايين و مش تعبانين في مصر و سافرو و عاشو بره
البلد يا بهوات أصبحت أقل من الدول الناميه
اللي يقدر يعيش بره مصر طبعاً يعمل ده
هيعيش حياه كريمه
و ولاده هيعيشو في جو صحي
والدين بره موجود بقوه و التدين بره في كل العالم و المراكز الاسلاميه منتشره بقوه
محدش ليه حجه
واللي توحشه بلده ٤ او ٥ ساعات سفر و ينزل يعرف النعمه اللي فيها بره
وقبل متسافر إسأل مجرب و عايش بره
متسألش حد بيتفرج على اليوتيوب او سافرله يومين ورجع
ده القرار المناسب في الوقت المناسب فعلاً

[imnotim]

كندا الأنسب لك خصوصا الاولية للمتزوجين كندا احسن ليه ؟ دخلك هيبقى كويس انت مهندس ثانيا هناك بيحترموا بعض جدا بس ليها شروط لازم امتحان لغة تجتازه الامتحان اعلى من التويفل انا ناسي اسمه بس الهجره مش سهله في ملايين مقدمين للهجرة نسبة قليلة منهم بتتقبل خاصة حملة الدكتوراة مثلا المهم لو نويت اتعامل مع مكتب موثوق فيه لا ينصب عليك ولو هتهاجر لاستراليا استراليا حلوه برده بس تبقى عارف انت رايح هناك تشتغل ايه بالظبط؟ وممكن تهاجر وتكمل دراستك ودي احسن على ما اظن

[imnotim]

اقدر اساعدك للهجرة لاستراليا .....

ممكن طريقة للتحدث والتواصل مع حضرتك ؟؟؟

[Karim Alaa]

انا مش مع الهجره بس مع الاستاذ khaled_sabry فى موضوع المدارس فى البلاد دى لا عالى نافع ولا واطى نافع و التجريبى الى كنا بنقول اهخو هو و القومى بقى واسطه و قرف كل ده و انا لسه مخلفتش اساسا بس الموضوع بقى مقرف بجد

[dongol123]

توكل على الله و أرض الله واسعة
أعرف ناس معاهم ملايين و مش تعبانين في مصر و سافرو و عاشو بره
البلد يا بهوات أصبحت أقل من الدول الناميه
اللي يقدر يعيش بره مصر طبعاً يعمل ده
هيعيش حياه كريمه
و ولاده هيعيشو في جو صحي
والدين بره موجود بقوه و التدين بره في كل العالم و المراكز الاسلاميه منتشره بقوه
محدش ليه حجه
واللي توحشه بلده ٤ او ٥ ساعات سفر و ينزل يعرف النعمه اللي فيها بره
وقبل متسافر إسأل مجرب و عايش بره
متسألش حد بيتفرج على اليوتيوب او سافرله يومين ورجع
ده القرار المناسب في الوقت المناسب فعلاً

حضرتك اتهمتني اني بتفرج علي اليوتيوب او سافرت يومين و رجعت علشان كده لا اصلح للنصيحة
عدد الدول اللي انا سافرتها لحد الان هي 17 دولة و مش كل دولة بقعد فيها يومين زي ما انت قلت
لو حضرتك تحب انا ممكن اعملك لستة باسماء الدول اللي سافرتها علشان تصدق

[eng/muhamad]

الهجرة مش الحل....اعرف ناس كتير هاجرت و رجعت او عايزة ترجع لانها مش عارفة تعيش في بلد المهجر

اختلاف الثقافة و العادات حاجة مش سهلة خصوصا لو هتعيش هناك بقية عمرك

الكلام ده قديم اوى على فكره
الهجره زمان كانت بسبب تحسين الوضع وساعتها اقولك كلامك مظبوط
لكن دلوقتى بقى الهجره علشان تقدر تعيش اصلا - البلد دلوقتى بقيت فى النازل و الاسعار بتغلى كل يوم اكتر - انا واحد من الناس اللى عاوز اهاجر و من الاسباب الرئيسيه هى انى خلاص مابقتشى قادر على مصاريف مدارس الاولاد و المدارس الحكوميه مابتدرسشى اساسا و المدارس التجريبى ماتقدرشى تدخلها الا بواسطه - بره التعليم الاساسى مجانى اساسا

أنا متأكد ان كل اللي عايز يهاجر باصص للهجرة من نظرة اقتصادية بتحتة زي حضرتك بالظبط و ده اللي مخلي كل الناس مش شايفة الثمن اللي هيدفع في المقابل.
علي العموم انا قلت رايي و من شيم بني ادم انه لا يتعظ بمن سبقة و لازم ينزل البحر علشان يعرف انه ممكن يغرق

انا مش مع الهجره بس مع الاستاذ khaled_sabry فى موضوع المدارس فى البلاد دى لا عالى نافع ولا واطى نافع و التجريبى الى كنا بنقول اهخو هو و القومى بقى واسطه و قرف كل ده و انا لسه مخلفتش اساسا بس الموضوع بقى مقرف بجد

انا مش عاوز اهاجر عشان وضع اقتصادي و احوش فلوس و الحوارات دي
انا لو هعيش هناك كويس من غير ادخار جنيه واحد موافق

[eng/muhamad]

اقدر اساعدك للهجرة لاستراليا .....

يارييييت يا استاذ احمد