الناس اللي عندها ايفون تدخل للاهمية القصوى

[Mohamed_Hamid]

نفس المشكلة بتحصل معايا على فترات متباعدة بس بتحصل مرة واحدة فى اى وقت واى مكان
تليفونى هواوى p8
مش عارف العيب فى التليفون ولا شريحة النانو.. كنت جايبها من فودافون برضه.

[imnotim]

اللى بيتعامل مع الانترنت سواء كمبيوتر أو موبايل لازم يكون حذر
وياخد باله
انا بقالى اسبوع بحاول انقل ملفات mp3 وفيديوهات على الايفون كل محاولاتى بائت بالفشل
ومره واحده شوية ملفات mp3 اتنقلت ومعرفتش اعملها تانى لحد ما زهقت
عمال اتابع فيديوهات شرح ومقالات على الانترنت وانزل فى برامج ووجع دماغ فى حاجه تافهه جدا بتتعمل فى الاندرويد ايه التعقيد ده !!!

كل الشروحات مش هتفيدك اد كده لازم جيلبريك سبب فشلك في تنزيل اغاني ان ستيف جوبز اصلا مانع تنزيل لي برامج من مصادر مجهوله خوفا عليك وعلى امان جهازك حتى الاندرويد الضبط التلفائي سامح لك تختار تنزل من مصادر مجهوله او لا ولك حرية الاختيار لكن الاندرويد مبينصحش بها يعني على مسؤوليتك

للاسف ابل مش بتسمح بالاغاني الا بدفع فلوس على منحرها تشتري الالبوم يعني ونادرا لو حد اشترى الكل بينتظر الجيلبريك لكسر قيود ابل

[imnotim]

كلام صح

بس هل انت عندك شك .. ان جميع انظمه التشغيل بها ابواب خلفيه و برامج اختراق لاجهزه المستخدمين ؟؟

بما فيها ويندوز و اندرويد .. و ابل لن تختلف عنهم

و طالما كلهم كده .. يبقى استخدم الاسهل بدون تعقيدات

لا معنديش شك حضرتك بس اقلهم ضرر نظام ابل يوم هيتجسس عليك بيجمع شوية احصائيات تافهه وفي قضية بين ال fbi وابل الاف بي اى طلب من ابل مساعدته في فتح واسترجاع بيانات ايفون ارهابي تم قتله واسترجاع البيانات وفتح الايفون هيوصلهم لعناصر اجرامية ومعلومات مهمه وكان ظابط ايفونه انه بعد ادخال كلمة مرور ١٠ مرات خطأ يقوم الايفون بحذف كافة البيانات اللي عليه بحيث يصبح جديد وطبعا شركة ابل رفضت وقالت ان لها نظام بتحترمه لا يمكن ان تتخطاه وهو احترام خصوصية مستخدميها والقاضي وافق على اقوال ابل لو شركة تانيه هتوافق وفي شركات بتبيع بياناتك لشركات الدعاية وغيره بل كان ممكن fbi يدفع لابل بدون لجوء للقضاء

باختصار شديد وتجربة سنين ابل اقل ضررا
نقطة مهمة الجيلبريك جميل مفيش كلام لكن بيضعف حماية الايفون جامد وبيكون الايفون عرضه للاختراق لذلك ابل بتحاربه

[imnotim]

انا كان عندي نفس المشكلة من فترة و لما عملت reset all settings الموضوع اتحل بعديها و مش عارف ايه السبب
حضرتك جرب تعمل كده و ان شاء الله مشكلتك تتحل بس اعتقد هتفقد كل الصور و البيانات اللي علي الموبايل.

شكرا لك جربت الطريقة حذف كل البيانات من جديد بحيث يصبح الايفون جديد وده كان في نظام ٨ عملتها مره واحده فقدت البيانات وللاسف متحلتش ومكنتش واخد نسخة احتياطية

[shoma]

مصيبة التليفونات الذكية

انا جربت النظامين ومليش مصلحة مع اي شركة لكن بقول الحقيقة الاندرويد نظام هش مع الوقت بيحصل تهنيج وملفات مؤقته وفيروسات وشكله الجمالي ونسبة الامن والاستقرار فيه رديئه نيجي بقى لبرامج الاندرويد والبلاي ستور مسخرة بمعنى الكلمة اي مطور ممكن يبرمج برنامج ويرفعه على البلاي ستور

في الايفون لازم البرنامج يمر على فريق امني في ابل لمراجعته لو طلع غير امن بيترفض وينطرد المطور للابد

لو جيت نزلت برنامج من بلاي ستور بتلاقي له صلاحيات كتير وانت بحسن نيه تنزل البرنامج بدون النظر للتصاريح والاوذونات اللي هتخترق جهازك بدون علمك

مثال على ذلك برنامج المصحف الكريم وظيفته معروفه قرأة القران الكريم وتتصفحه او تسمعه لكن تلاقي من ضمن صلاحيات البرنامج الوصول للكاميرا وتحديد موقعك والوصول للصور والمايكرفون وقراءة الرسائل فده ما يسمى دس السم في العسل

بمجرد تنزيله المبرمج من حقه فتح كاميرا هاتفك وتصويرك بدون علمك تشغيل المايك والاستماع لما يدور حولك معرفة موقعك سحب صورك او اضافة صور جديدة للالبوم وغيره المزيد من الاختراقات والناس مش واخده بالها ده ممكن يوصل لايميلك نفسه والباسوردات

الاجنبي تلاقيه ناصح جدا قبل تنزيل البرنامج يقرأ صلاحياته مره واتنين وبعدين يقرر اما احنا موافقه وتنزيل على طول

برنامج زي المصحف مثلا اقصى صلاحياته الوصول للسماعات عشان تسمع القاريء

الوصول للحساس عشان يستشعر دوران الهاتف

الاتصال بالانترنت وده عادي عشان لو هتنزل تلاوات جديدة

اكتر من كده صلاحيات يبقى تجسس واختراق

علاوه على ذلك وانا مش متعصب لابل اطلاقا لكني افضل الاقوى في الحماية والعتاد جهاز ابل قوي يستحمل صدمات ويعيش معاك كتير مستحيل ينهار النظام بعكس الاندرويد لكن ممكن تحصل لو عامل جيلبريك فوق كل ده لو بحثت في متجر ابل عن مضاد فيروسات مش هتلاقي لأن النظام امن تماما ومفيش برامج متفيرسه

اظن الوقت كلنا عرفنا اجهزة الايفون غالية ليه

انا معاك في كلامك و شوف الصلاحيات اللي بيطلبها برنامج زي انا فودافون (عايز كل حاجة مش ناقص غير ياخد الشاحن كمان) تخيل فودافون تقدر تعرف عنك ايه بالبرنامج اللي كل وظيفته انه يعرفك رصيدك كام او تشترك في باقة ليه ياخد كل الصلاحيات دي؟؟؟؟؟؟؟؟؟؟؟؟؟؟

[imnotim]

انا معاك في كلامك و شوف الصلاحيات اللي بيطلبها برنامج زي انا فودافون (عايز كل حاجة مش ناقص غير ياخد الشاحن كمان) تخيل فودافون تقدر تعرف عنك ايه بالبرنامج اللي كل وظيفته انه يعرفك رصيدك كام او تشترك في باقة ليه ياخد كل الصلاحيات دي؟؟؟؟؟؟؟؟؟؟؟؟؟؟

انا مجربتش البرنامج لكنه متبرمج ايضا للايفون وموجود في المتجر انا اقدر انزله وانا مش خايف لسبب بسيط جدا عمر ابل ماهتسمح للبرنامج بالصلاحيات دي في متجرها والا هيتم طرد فودافون كمبرمج برامج للابد
نفسي اعرف برنامج فودافون عاوز يوصل للكاميرا ليه؟
عاوز يحدد هوية الجهاز ويطلع على مكالمتك ليه ؟

دي مهزله اكتبو تعليقات وقيموه بصفر ونبهوا الناس


مشكلة التحكم في الصلاحيات ع الاندرويد لها حل بس مش عملي في برنامج اسمه permission app

وظيفتة طبخ البرنامج من جديد بمعنى انت بتلغي الصلاحيات اللي ملهاش لازمه او الضاره ويتم انشاء البرنامج بالصلاحيات اللي انت اخترتها بس لكن مشكلته ساعات كتير اوي بعد تعديلك للصلاحيات تلاقي البرنامج مبيشتغلش

مثال تاني للانتهاك وسرقة رصيدك برنامج emo في بلاي ستور بعد ما تنزله بيبعت رسايل لكل جهات الاتصال عندك يدعوهم لتنزيل البرنامج وكله على حسابك وانت ولا حاسس وحصلت مع اخويا واقسم انه مبعتش ليا وشخص اخر بعت لي اقسم انه ميعرفش وقتها عرفت ان البرنامج استخدم صلاحياته وارسل من نفسه لان الرساله محتواها انجلش والشخص اللي اعرفه ميعرفش انجلش كويس

المهم ننتقل لنقطه مختلفه لكن مهمه ومشابهه برنامج شركة تي اي داتا اللي بيقولوا بيصلح مشاكل النت وهو كذب في كذب اقرأ اتفاقية استخدامه كده
بيجمع بيانات عنك من ايميلات وغيره ونسخة الوندوز ومعرفة عدد البرامج المكركه ونسخة الوندوز اصلية ام لا وغيره كتير ده اللي انا فاكره وياريت كلكم تنبهوا بعضكم

تبحثوا عن حلول في منتديات اندرويد او زيزوم للامن والحماية في فايروول ناسي اسمه ممكن يفيدكم بيراقب تصاريح كل برنامج وانت من حقك توافق او ترفض مثلا برنامج زي انا فودافون يريد الوصول للكاميرا تعطيه رفض وهكذا يا رب اكون افدتكم

[أبو صلاح]

زوجتى معاها 5s وبرضه نفس المشكلة
ومش عارف اوصل لحل

[imnotim]

زوجتى معاها 5s وبرضه نفس المشكلة
ومش عارف اوصل لحل

حضرتك هي في مصر ولا السعودية؟

شبكة الاتصال اسمها ايه؟

انا شاكك في شركة فودافون وهجرب اتصالات يمكن تنحل المشكلة وعموما لو وصلت لحل هبلغكوا

[tasaka]

اخويا معاه ايفون 6 .. و نفس الشكوى من الشبكه و الصوت

و برضه الماك موش بيشتغل معاه على usb فودافون للانترنت .. و فودافون معرفوش يظبطوا usb فودافون للانترنت مع الجهاز

الشبكه فودافون مصر

[أبو صلاح]

حضرتك هي في مصر ولا السعودية؟

شبكة الاتصال اسمها ايه؟

انا شاكك في شركة فودافون وهجرب اتصالات يمكن تنحل المشكلة وعموما لو وصلت لحل هبلغكوا

مصر شبكة فودافون

[a7medsh3rawi]

https://getsupport.apple.com/

حضرتك هتختار الايفون وتختار CELLULAR AND WIFI وهتحط رقم IMEI بتاع الايفون وهتلاقيه فى الاعدادات > عامه
وهيتصل عليك خدمه العملاء الخاص بابل وهيقولك حل المشكله

[tasaka]

على حد علمى

رقم imei لا تعطيه ابدا لاى شخص او برنامج

[a7medsh3rawi]

على حد علمى

رقم imei لا تعطيه ابدا لاى شخص او برنامج

لازم يعرفو الرقم علشان يتصل عليك خدمه العملاء ويحل المشكله وانا جربتهم قبل كده والمشكله اتحلت

[Egymagic]

العيب دا من الشريحة
معايا نوت 5 وبيعمل نفس المشكلة كل فترة كدا ولازم اعمل ريستارت علشان ترجع الشبكة

[tasaka]

لازم يعرفو الرقم علشان يتصل عليك خدمه العملاء ويحل المشكله وانا جربتهم قبل كده والمشكله اتحلت

اعطاء الرقم لاى حد لاى سبب .. غلط