عايزة أبيع الشاليه بتاعي في هاسيندا باي

[sweeta]

السلام عليكم

انا كنت عايزة استشارتكم

انا عندي شاليه في هاسيندا باي وكنت عايزة ابيعه، اعمل ايه ؟؟

انا عملت اعلان في أولكس هل ده كافي ولا محتاجه اعمل اعلان في حته تانية ؟ وزي ايه ؟؟؟

جزاكم الله خيرا :)

[عﻻء سالمان]

إعملى إعلانات على مبوبة مصراوى - عقار روم - عقار سيتى - منتدى الامارات الاقتصادى - منتدى المصريين العاملين بالكويت..

[drmsadek1979]

مواصفاته اي ولو ممكن لينك الاعلان؟

[sweeta]

انا مش عارفه ممكن احط لينك عادي ولا ايه

هو ده : https://olx.com.eg/ad/170-ID73BOO.html

شاليه دور ارضى 170م بحديقة خاصة
2 غرف نوم .. مطبخ... 3 حمام .. ريسيبشن 3 قطع
يمكن تقفيل قطعه من الرسيبشن ليصبح 3 نوم ورسيبشن قطعتين
التسليم : ديسمبر 2016
المقدم :950000
المتبقى : 1000000 علي اقساط ربع سنويه حتى 2020
ولو مشتري جاد ممكن نتكلم كمان في المقدم

[dongol123]

مشروعات بالم هيلز بتتأخر و ما اعتقدش هيسملوكي في شهر ديسمبر. انا حاجز معاهم شقة في القاهرة الجديدة من سنة 2010 و لسة ما استلمتش لغاية دلوقتي.

[sweeta]

لا هو خلاص اصلا خلصان مفاضلش غير السقف فيهم هناك اكيد هيخلصوه ده لسه قدامهم 4 شهور

كلامك غريب اوي دي شركة محترمة جدا احنا خدنا فيها على سمعتها زي اعمار وماونتن فيو

احنا كنا هناخد معاهم برضه في التجمع بس الكومباوند المباني كانت خلصانة فكان سعرها غالي ساعتها

اول مرة حد يشتكي مالشركة في التسليم

[dongol123]

مبروك لحضرتك مقدما بس انا بتكلم علي تجربة حصلت لي شخصياً. انا حاجز شقة في مشروع فيلدج جاردنز القطامية من سنة 2010 و كان المفروض استلم في شهر مايو 2014 و لغاية دلوقتي لسة ما استلمتش و اخر وعد ليهم اني هستلم في شهر نوفمبر اللي جاي و اديني مستني و يا رب يصدقوا في كلامهم.

[sweeta]

ربنا معاك ان شاء الله وييسر الحال للجميع