أحول الفلوس ولا لا

[dongol123]

الموضوع باختصار اني طالب المشورة

أعمل بالخليج و نازل اجازة علي اخر شهر 8 ان شاء الله و عايز اعرف هل احسن احول الفلوس اللي معايا لجنية و اعمل شهادات ب 12.5 في المية
و لا اخلي الفلوس في البلد الخليجي الذي اعمل به و ذلك حفاظاً عليها مع العلم ان بنوك الخليج تقريبا لا تعطي اي ارباح
شراء عقارات مش مطروح بالنسبة لي لاني شاري فعلا شقة و بدفع اقساطها حالياً

[khaled_sabry]

خلى فلوسك فى الخليج افضل - حتى لو مش عليها ارباح
لان اولا فيه حرمانية ارباح البنوك دى
ثانيا الجنيه نفسه قيمته بتنزل بمعدل اكبر من ال 12.5% دى يعنى فى ال 3 سنين اللى فاتو الجنيه قيمته قلت 50%

[dongol123]

خلى فلوسك فى الخليج افضل - حتى لو مش عليها ارباح
لان اولا فيه حرمانية ارباح البنوك دى
ثانيا الجنيه نفسه قيمته بتنزل بمعدل اكبر من ال 12.5% دى يعنى فى ال 3 سنين اللى فاتو الجنيه قيمته قلت 50%

شكرا علي ردك و لكن مع الاجراءات اللي الحكومة بتقول هتاخدها لتثبيت سعر الدولار مع القرض من البنك الدولي هل متوقع ان سعر الجنية علي الاقل يثبت خلال الثلاث سنين الجايين و لا برده هيفضل يزيد بمعدل اكثر من 12.5 في المية.

[volociximab]

و هى الدولة قادرة تثبت سعر الدولار؟
و ازاى تثبته و من شروط قرض صندوق النقد التعويييييييييييييييييم

[dongol123]

و هى الدولة قادرة تثبت سعر الدولار؟
و ازاى تثبته و من شروط قرض صندوق النقد التعويييييييييييييييييم

الدولار بعد ما عاطف عبيد عومة قعد حوالي 3 اولي اربع سنين ثابت علي خمسة و نص تقريبا. هو ده اللي كان قصدي بثبات سعر الدولار.

يعني هو في الحقيقة تم تعويمة لكن العرض و الطلب مخلي السعر ثابت.

[zangry]

غيرهم دولار وحولهم واعملهم شهادة بالدولار في مصر بتاخد ٣٪ وشوية في البنك الاهلي

[ahmedwagdy03]

خلى فلوسك فى الخليج أو حولهم دولارات و خليهم ( فى مكان أمين ) و بلاش تغيرهم دلوقتى لحد ما تشوف القرارات إيه

[mahmoudselim]

لو إنت متخيل إن السعر هيفضل ثابت ولا هيبقي في تحسن خلاص حولهم

[egyption2012]

حولهم دولار واحتفظ بيهم بعيدا عن البنك
حتى لو فيه قرارات غبية أدت ان الدولار سعره يقل بشكل مؤقت
فتأكد إن الدولار سعره بيزيد أمام الجنيه بشكل عام

[رحالة]

يا ابني انت لاقي فلوسك في الشارع؟
شهادات ايه بس
ولو تعرف تبيع شقتك بيعها

[dongol123]

انا ميال اني اخليهم دولارات و اعمل بيهم شهادة في مصر بس برضه خايف لا سعر الدولار ينزل و ابقي فوتت فرصة اني ممكن اغيرهم لجنية مصري بسعر عالي
علي العموم انا لسه قدامي شهر قبل ما انزل اجازة و هتكون الامور وضحت اكثر بعد القرارات اللي السيسي ناوي ياخدها

[tarekmomo]

حول فلوسك دولار وانساهم

[amdd]

انا ميال اني اخليهم دولارات و اعمل بيهم شهادة في مصر بس برضه خايف لا سعر الدولار ينزل و ابقي فوتت فرصة اني ممكن اغيرهم لجنية مصري بسعر عالي
علي العموم انا لسه قدامي شهر قبل ما انزل اجازة و هتكون الامور وضحت اكثر بعد القرارات اللي السيسي ناوي ياخدها

واضح انك مش بتقتنع بكلام اللى حواليك بسهولة وناوى تعمل اللى فى دماغك فى الاخر ....للأسف هتندم وخليك فى نية السيسى لما يخدها
اقولك......متخليش البيض كله فى سله واحده خلى جزء بسيط فى مصر وتابعه كويس

شوفتوا يا اخوانا وصلنا لفين للاسف بننصح الناس بره انها متدخلش فلوسهم جوه علشان خايفين عليهم من الهرتله اللى عايشين فيها... بدال منشجعهم على دخولها بلادنا...للاسف لما بنقول ان الحال حاليا حرج وواضح ان فى ازمه ومفيش حلول منطقيه حتى الان بيتقال خونه وعملاء وارهابيين