لاعضاء الاندية الاجتماعية والرياضية - ارجو الدخول

[buisnessman]

أنا حاليا غير مشترك في أي نادي اجتماعي
وحالياً الاولاد بيزنوا عليا علشان اشترك لهم في نادي زي اصحابهم وهما تحديدا عاوزين نادي الزمالك لان فيه معظم اصدقاؤهم وقريب من السكن
السؤال بقى
ايه مميزات الاشتراك في نادي زي نادي الزمالك أو اي نادي بصفة عامة بخلاف النشاط الاجتماعي والرياضي ؟ هل الاعضاء ليهم تخفيضات معينة على رحلات مثلا او مصايف او أي شيء آخر ؟
هل ممكن تقسيط ثمن العضوية ؟
هل ممكن بيع العضوية فيما بعد لشخص آخر ؟
هل الظروف الاقتصادية حاليا ينفع ان الواحد يلزم نفسه باقساط عضوية نادي ؟

ارجو المشاركو والرد

[svneleven]

طبعا النادي بينظم شوية رحلات و انشطه باسعار معقولة. ممكن تشترك في كل النشاطات الرياضية باسعار معقولة. النوادي الجديدة زي وادي دجلة مثلا بيقسط. ما اعتقدش الزمالك و الاهلي و الكللام القديم ده ليه في القسط. معظم النوادي ما ينفعش تبيع او تتنازل عن العضوية.

[Mohamed212]

ايه مميزات الاشتراك في نادي زي نادي الزمالك أو اي نادي بصفة عامة بخلاف النشاط الاجتماعي والرياضي ؟
للنادي مزايا كتير اهمها الانشطة الرياضية للاطفال والكبار والحياة الاجتماعية والانشطة المختلفة وانك بتوفر تغير جو وخروجات بعيد عن عدم الامان اللي بقي موجود في البلد
هل الاعضاء ليهم تخفيضات معينة على رحلات مثلا او مصايف او أي شيء آخر ؟
الرحلات والمصايف اللي بيقوم بيها النادي بتكون مقتصرة علي الاعضاء واشخاص تبع الاعضاء في بعض الاحيان فقط
هل ممكن تقسيط ثمن العضوية ؟
كل النوادي بتقوم بتقسط العضوية اما مع النادي ذاته مثل جميع النوادي الجديدة او مع احد البنوك مثل النادي الاهلي وباقي النوادي القديمة وبعض النوادي الحديثة
هل ممكن بيع العضوية فيما بعد لشخص آخر ؟
لا يمكن بيع العضوية بس هناك معلومة ان غالبا جميع النوادي تورث العضوية لابناء العضو الاصلي مع دفع نسبة من سعر العضوية عند انتقال العضوية لهم
هل الظروف الاقتصادية حاليا ينفع ان الواحد يلزم نفسه باقساط عضوية نادي ؟
اكيد ذلك يتوقف علي حضرتك وظروف حضرتك
بس نصحتي النادي هو الضلع الثالث لاحتيجات البيت
الشقة ثم العربية ثم النادي

http://www.nilemotors.net/Nile/490379-a.html

[الاسد المهاجر]

ونادي المقاولين بيقسط واغلب النوادي

[lena jo]

النادي مهم جدا و الرحلات ليست هي المهمة انما الاشتراك في الانشطة الرياضية في سن صغير مهم للصحة النفسية و البدنية . قضاء وقت الفراغ في النادي مع احيانا انشطة اخري كدروس دينية او فنية احيانا كالرسم او الاشغال الفنية. كمان هو زي الخروج يعني قضاء وقت بين الخضرة شئ يريح الاعصاب