بلاى ستيشن ولا اكس بوكس

[egyboy]

السلام عليكم

عايز اجيب لاخويا الصغير 11 سنة

بس مبفهمش فى الجيمز الجديدة وكده

الاحسن بلاى ستيشن 4 ولا اكس بوكس ولا نينتدو ولا الوووى

الاختيار الاحسن علشان ؟

-- يبقى فى العاب كتير ومش كل شوية اشترى جيمز غالية

-- وكمان بينزله العاب جديدة وكويسة

[egyboy]

هل من مقترحات

[kemoelord]

بصراحه انا عاوز اشتري حاجة لنفسي وفعلا عاوز برضو حد يفيدنا

[eng.m7md.ali]

المتداول هنا اكتر كا العاب هو البلاي ستيشن سواء جديد ولا مستعمل .. بس طبعاً الالعاب غالية سواء هنا او هنا

[cheetos_892005]

العاب الps4 و ال xbox one الجداد غالية و مفيش منها منسوخ و بنحاول نحل الموضوع ده بتبديل اللعب و شراء المستعمل ...دي اول نقطة
تاني نفطة انا عندي ps4 اقدر اقولك ان معظم العابه بقت صعبة على سن ١١ سنه مارعدا ممكن مصارعة و الكورة بس بيميزه توافر الالعاب كتير و توافر المستعمل و التبديل
xbox one بيتميز بال kinect والعابه الحصرية للسن الصغير و ممكن الكبير و ال kinect لو مش عارفه هو لعب تفاعليه باستخدام جسم الاي بيلعب بدون اي دراع تحكم و ميزته بشوفها للاطفال انهم يعملو مجهود و مشاط ميقعدوش و يانتخو قدام اللعب و يتخنو

عايز تمسك العصاية من النص هات xbox 360 معدل و معاه ال kinect ده الجيل الاقدم من xbox one ميزته ان العابه منسوخه عادي و تنزل العاب كتير عالهارد ... بس عيبه انه سنتين ولا حاجه هيقدم مقابل ال xbox one

[Xander2010_Evo]

بص يا باشا .. أنا لسه جايب PS3 من حوالي 6 شهور مستعمل خفيف بـ3000 تقريبآ
رغم إن الـ PS4 بنفس السعر فالسعودية تقريبآ وجديد كمان .. لكن علشان لسه جديد ف مفيش ألعاب كتير نزلت ليه
والألعاب بتاعته غالية جدآ أقل لعبة بـ 450 جنيه ومش عارف موضوع النسخ متاح ولا لأ لسه
فـ جبت الـ PS3 هوا حلو وكل حاجة وألعاب كتير وممكن تنسخ وتنقل عادي جدآ بس طريقة النقل بالنسبالي مُرهقة
لإنه مش راضي يقرأ الهارد الخارجي رغم إنه 2 تيرا ف إكتشفت إنه لازم يكون متفرمط FAT32 ففرمطته وبردو نفس المشكلة .. جبت هارد تاني قديم عندي 80 جيجا بردو نفس المشكلة .. مقرأش الإ فلاشة 8 جيجا وواحدة 4 جيجا وطبعآ الألعاب مساحتها كبيرة أقل لعبة 9 جيجا مثلآ .. ف إضطريت أنقل عن طريق الواي فاي وشغل Server و Client هوا أينعم بطيء ويشل بس ملقتش حل تاني وكل أصحابي بيقوللي لأ بيقرأ هارد عادي ف تقريبآ فيه مشكلة فالسوفت وير عندي
هوا كإمكانيات الـ PS4 & XBox One طبعآ يتفوقوا علي إللي قبلهم كرامات وبروسيسور وكارت شاشة
أنا نفسي أجرب الكنيكيت علشان عاوز ألعب وأتحرك وأهوه يبقي شوية رياضة بدل الأنتخة إللي إحنا فيها دي

[khmshry]

متابع

[ahmed76]

متابع

[Rsarabia]

هات بلاى ستيشن 4 لان الفرى بتاعه بينزل كل شهر العاب معقولة مجانا عكس الاكس بوكس المجانى فيه اى كلام خالص
كمان بلاى ستيشن هنا متداول اكتر ممكن تبدل او تأجر اسطوانات بدل ما تشترى لانها غالية جدا
حصريات بلاى ستيشن رهيبة جدا مقارنة بحصريات الاكس بوكس
هارد وير بلاى ستيشن اقوى قليلا من الاكس بوكس

نصيحة استنى شوية هينزل بلاى ستشن الجديد هيدعم ال vr
و هاته من برة ارخص بكتير

[fepsceasar]

هات بلاى ستيشن 4 لان الفرى بتاعه بينزل كل شهر العاب معقولة مجانا عكس الاكس بوكس المجانى فيه اى كلام خالص
كمان بلاى ستيشن هنا متداول اكتر ممكن تبدل او تأجر اسطوانات بدل ما تشترى لانها غالية جدا
حصريات بلاى ستيشن رهيبة جدا مقارنة بحصريات الاكس بوكس
هارد وير بلاى ستيشن اقوى قليلا من الاكس بوكس

نصيحة استنى شوية هينزل بلاى ستشن الجديد هيدعم ال vr
و هاته من برة ارخص بكتير

ايه vr??

[Mohamed212]

ايه vr??

ادخل هنا