الكرانيش وسرر السقف

[hi_nmr]

السلام عليكم ورحمه الله وبركاته



الاخوه الزملاء
لي استفسار بسيط عن سعر كرانيش السقف في الغرف لاني ملخبط خالص , الصنيعي بيقولي المتر ب 40 جنيه وعلي النت اعلي سعر لقيته 25 جنيه فلو حد يعرف ياريت يفهمني
استفسار اخر برضو عن سعر سرة السقف بتاعت النجف الصنيعي بيقول ب 400 جنيه وشايف علي النت الاسعار في حدود 30-40 جنيه

ياريت لو حد فاهم يفهمني فرق الاسعار الرهيب ده جاي منين لاني ملخبط جدا مع الوضع في الاعتبار اني بتكلم في منطقه شعبية

مع الشكر

[alrabeh]

السلام عليكم
أفضل كرانيش وصرر في رأيي من شركة betcom مصنعة من الجبس الماليزي المعالج
سعر متر الكرانيش من 12ج ل 35ج
بالاضافة الي سعر تركيبها 8ج للمتر شاملة مادة اللصق
الصرر تبدأ من 25ج ل 100ج حسب الحجم والشكل والحجم المعتاد بيكون في حدود 50ج

بيت النور ب 50ج للمتر بالاضافة ل 14ج تركيب للمتر

بالتوفيق

[EgyArmy]

متابعكم اوى

[hugan]

ركب فيوتك افضل
ولو حبيت تجديد الديكور سهل
التمشيات غاليه جدا

[khmshry]

متابع

[tamer777]

بص حضرتك انا لسه شارى كرانيش فيوتك من الرويعى المتر ب 22 ج وفيه ارخص من كده وفيه اغلى من كده حسب النقشه والعرض طبعا أنا سألت عليه فى دارى لقيته معدى ال35 ج وبيتباع عبوة اللاصق 3 كيلو ب 55 جنيه تلزق 30 متر ولزقتهم أنا شوفت الطريقة على النت ولزقتهم هى سهلة مفيهاش حاجة بس المهم تكون غاوى تشتغل بأيدك وشكلها فى منتهى الجمال ولو الحيطان بتاعة حضرتك متساوية مش هتتعبك فى اللزق ولو حضرتك مش عايز تلزقهم البايع قال لى عنده واحد يلزق المتر ب 5 جنيه اما السرر ففيه فيوتك تبدأ ب 45 جنية وفيه أغلى من كده