اسعار مولدات الكهرباء

[Mohamed_1414]

محتاج اشتري مولد قدرة 5 حصان...نوع رخيص مش غالي ...الاسعار دلوقتي اية ولو حد يعرف شركة او توكيل؟؟؟؟

[akmm]

مفيش شركه او توكيل للمولدات الرخيصه لانها غالبا بتكون صينيه الصنع ولكن ممكن تشوف أنواع عده منها في شارع الجمهوريه والاسعار تختلف من محل لاخر ............ عموما أسعارها كانت نزلت بعد انتظام الكهرباء ولكن بعد ارتفاع الدولار مش عارف الوضع ايه ...... وممكن تشوف بردو مولدات هوندا فهى مضمونه وقويه واستثمار في حاله اعاده بيعها ..... تحياتى .

[sherif_mahalla]

يعني تقريبا الخمسة حصان يعمل كام؟

[akmm]

ال 5 حصان دى يقصد بها القوه الميكانيكيه للموتور اللى راكب على المولد وده غير دينامو المولد وموتور بالقوه دى صغير نسبيا ...... ولكن كما قلت لك محدش هيقدر يحدد لك سعر ممكن تنزل وتشوف بنفسك المهم ان لفات الموتور تبقى نحاس مش الومنيوم ويكون نوعيه معروفه الى حد ما ...

[م/أحمد عبد الفتاح]

انت شوف احمالك كام كيلووات لان المولد بيبقى بالكيلووات - وعموما ال ٥ حصان بيدى تقريبا ٣,٥ كيلووات واتأكد برضه من المكتوب على المولد مش المكنة

[sherif_mahalla]

انت شوف احمالك كام كيلووات لان المولد بيبقى بالكيلووات - وعموما ال ٥ حصان بيدى تقريبا ٣,٥ كيلووات واتأكد برضه من المكتوب على المولد مش المكنة

٣ كيلو وات ممتاز
هو كام لمبة و المروحة و التلاجة
شكرا عالمعلومة

[akmm]

٣ كيلو وات ممتاز
هو كام لمبة و المروحة و التلاجة
شكرا عالمعلومة

الكيلو وات يساوى 1000 وات ............. وبالنسبه للمبات على حسب يعنى اللمبه الموفره العاديه من 15 وات الى 20 وات واللمبه الليد من 3 وات الى 12 وات والتلاجه وفق الحجم والسعه عموما في حدود 200 وات والمروحه من 100 الى 150 وات وتقدر تحسب وفق ذلك ومن المهم ان يتم التحميل الى نصف او ثلاثه ارباع قدره المولد يعنى لو هو 3000 وات هيديك 2500 خرج حقيقى وممكن تشتغل على 2000 وات من السعه .

[akmm]

محتاج اشتري مولد قدرة 5 حصان...نوع رخيص مش غالي ...الاسعار دلوقتي اية ولو حد يعرف شركة او توكيل؟؟؟؟

عملت ايه حضرتك نحب نطمئن عليك ..............

[akmm]

محتاج اشتري مولد قدرة 5 حصان...نوع رخيص مش غالي ...الاسعار دلوقتي اية ولو حد يعرف شركة او توكيل؟؟؟؟

يا باشا انت رحت فين ........................ عملت ايه وهل توصلت للشراء .