التجمع ولا اكتوبر

[Egymagic]

بفكر اخد شقة في كمبوند علشان بصراحة زهقت من المدن
وعايز مكان يكون راقي
ماونتن فيو عاملة مشاريع في اكتوبر وفي التجمع وعلي اقساط علي كذا سنه
بس محتار بين الاتنين خصوصا ان شغلي مش مربوط بمكان
انتوا ايه رأيكم ؟؟؟

[خالد]

التجمع أفضل بكتير عن أكتوبر
التجمع أرقى وفيه علية القوم والوزراء والمجلس العسكرى والقضاة وكبار رجال الدولة والإهتمام بيه أكتر
التجمع مش منطقة صناعية يعنى مفيش عمال بإستمرار زى أكتوبر مليانة مصانع
أكتوبر هتبقى متوسطة ثم شعبية فى خلال عشرين سنة ، التجمع مش قبل 50 سنة لما يبدأ يتراجع وتبدأ الناس اللى فيه تدور على مكان أهدى وأرقى

[Egymagic]

معاك ان التجمع في المجمل ارقي ولكن ماونتن فيو مشاريعها كلها نفس الجودة وكمان للاسف مش لاقي حاجة استلمها دلوقت او علي اقصي تقدير بعد سنه , اللي موجود حاليا المفروض استني ست سنين عقبال لما ا ستلمها وانا صعب اصبر 6 سنين
انما في اكتوبر في متاح استلام الان وفي كمان سنه

[hugan]

التجمع ياباشا
تغور اكتوبر بمحورها وزحمتها وتكاتكها
التجمع الخطوه فيه بعشره من اكتوبر
مداخل التجمع متعدده
معادي دائري مصر الجديده مدينه نصر
عبور وسط البلد
انما اكتوبر سجن تروحها ماتعرفش تروح مكان غيره

[autowahba]

انا واقع في نفس حيرتك دلوقتي بس بقولك مفكرتش في الهضبة الوسطى او زهراء المعادي

[foxhonda2008]

بوص يا باشا انت محكوم بالبادجت بتاعك لأن أسعار التجمع غير أسعار اكتوبر خالص إنما عايز تنجز انا اقدر أساعدك عشان دا شغلي و من غير اي عمولات
تقدر تحدد ايه افضل مشروع ليك من خلال meeting واحد و متقلقش احنا الشركه عندنا مش بتاخد commission لو حابب أساعدك انا تحت امرك و بالتوفيق

[svneleven]

بوص يا باشا انت محكوم بالبادجت بتاعك لأن أسعار التجمع غير أسعار اكتوبر خالص إنما عايز تنجز انا اقدر أساعدك عشان دا شغلي و من غير اي عمولات
تقدر تحدد ايه افضل مشروع ليك من خلال meeting واحد و متقلقش احنا الشركه عندنا مش بتاخد commission لو حابب أساعدك انا تحت امرك و بالتوفيق

'بما ان حضرتك خبرة في المجال ده. هل سمعت عن مشروع اسمه uphill residence تبع شركة تسويق اسمها B2B و المالك NILE SUN في اللوتس امام مونتين فيو في المربع الذهبي. هو كومبوند صغير حوالي 6 عمارات لكن مكانه جميل.

[Egymagic]

للاسف انا رحت التجمع واتصدمت من منظر شارع التسعين ,لقيت موقف ميكروباصات وكمان الشارع مش نضيف وكمان زحمه , بصراحة شوارع اكتوبر نضيفة جدا عنه واوسع كمان منه رغم انه اكتوبر برضوا فيها ميكروباصات , بس شوارعها الرئيسية انضف واجمل من شارع التسعين .
الصدمة التانية مشروع ماونتن فيو , المشروع في اخر العمران وكمان قبليه في كذا حته ارض فاضية , يعني مش قبل عشر سنين علشان المكان يكون في عمران وناس وامان في الدخول والخروج .
العمارات مردومة تراب ودا طبعا نتيجة ان المشروع في اخر العمران وحواليه رمله , والعمارات لازقه في بعضها
الصدمة الكبري الشقة الاي فيلا 300 متر ضيقة وتصميمها سئ ,مظنش اساسا انها 300 متر زي ما هو مكتوب
للاسف روحت من التجمع قرفان منه وفكرت في 6 اكتوبر او الشيخ زايد وحاجة تكون فيها سكان مش مشروع جديد .

[foxhonda2008]

'بما ان حضرتك خبرة في المجال ده. هل سمعت عن مشروع اسمه uphill residence تبع شركة تسويق اسمها B2B و المالك NILE SUN في اللوتس امام مونتين فيو في المربع الذهبي. هو كومبوند صغير حوالي 6 عمارات لكن مكانه جميل.

شركه b2b شركه كويسه طبعا لكن انت هتسكن مع ال developer و انا بصراحه مسمعتش عن nile sun دي خالص .
ولو عايز حاجه بسعر حلو و معقول و كمبوند جامد هدخلك المرحله الجديده في la venir ده كمبوند تبع حسين صبور شركه الاهلي للتنميه العقاريه
ودا رقمي لو حبيت 01092224088

[Egymagic]

سبحان الله انا لسه بتكلم وكان من تلات ايام في وقفة احتجاجية لسكان القاهرة الجديدة

للاسف زمان كان شارع التسعين دا جميل جدا ونضيف وكان التجمع الخامس فعلا للمستويات الراقية , بالمنظر دا التجمع داخل في العشوائيات

بالصور.. وقفة لسكان مدينة القاهرة الجديدة للمطالبة بإقالة رئيس الجهاز - اليوم السابع

http://www.youm7.com/story/2016/8/20/%D8%A8%D8%A7%D9%84%D8%B5%D9%88%D8%B1-%D8%B3%D9%83%D8%A7%D9%86-%D8%A7%D9%84%D8%AA%D8%AC%D9%85%D8%B9-%D8%A7%D9%84%D8%AE%D8%A7%D9%85%D8%B3-%D9%8A%D8%B7%D8%A7%D9%84%D8%A8%D9%88%D9%86-%D8%A8%D8%A5%D9%82%D8%A7%D9%84%D8%A9-%D8%B1%D8%A6%D9%8A%D8%B3-%D8%A7%D9%84%D8%AC%D9%87%D8%A7%D8%B2/2850923

[Egymagic]

https://www.youtube.com/watch?v=p-TAU_K910g

[Hikayat]

وصلت لايه يا باشا ؟
لاني بدور علي شقه بالتقسيط في التجمع ومش مهم عندي قصه الاستلام الفوري قد ما مهم عندي تكون الشركه مضمونه

[Hikayat]

شركه b2b شركه كويسه طبعا لكن انت هتسكن مع ال developer و انا بصراحه مسمعتش عن nile sun دي خالص .
ولو عايز حاجه بسعر حلو و معقول و كمبوند جامد هدخلك المرحله الجديده في la venir ده كمبوند تبع حسين صبور شركه الاهلي للتنميه العقاريه
ودا رقمي لو حبيت 01092224088

ده سعر المتر فيه كام ؟ وتفاصيله ايه ؟

[svneleven]

ده سعر المتر فيه كام ؟ وتفاصيله ايه ؟

7500 و هو ميني كومبوند 6 او 7 عمارات عاملين مربع كده. مقفول طبعا و احلي حاجه فيه مكانه. علي ربوة عالية كده في وش هايد بارك.المساحات فيه اعتقد من 160 لفوق مش عارف لحد كام.

[Hikayat]

7500 و هو ميني كومبوند 6 او 7 عمارات عاملين مربع كده. مقفول طبعا و احلي حاجه فيه مكانه. علي ربوة عالية كده في وش هايد بارك.المساحات فيه اعتقد من 160 لفوق مش عارف لحد كام.

تمام يا باشا .. تسلم .. الف شكر

انا كنت بسال الاستاذ foxhonda2008 ع الكمبوند اللي بيقول حلو واسعاره معقوله