بعد زيادة الكهربا ...............هل من مفر واين المفر؟

[EgyArmy]

لا حضرتك عايش فيها و طافح كل مرارها و سيادتك خلطت اوراق كتير جوا بعض مفيش بلد مبتفرض ضرايب و جمارك و نسبتها متهمتنيش فى شىء حضرتك بتتكلم على الاستيراد الى انا فوق برضه كاتب ان دعمه حاجه تقرف زيها زى دعم الاستهلاك مرض و سم ماشى فى جسد البلد بيغلى علينا كل شىء و بيدمرنا حرفيا و انا و انت ممكن نجيبله الف مبرر بس عشان نتراح نفسيا رغم انه مش مريح اقتصاديا و لا بيورفلنا انا و انت جنيه واحد بالعكس بيطبعو الفلوس و نتبهدل احنا

مفهمتش حضرتك قصدك ايه بمبدا المساواه و العدل ايه علاقه مساواه و عدل بالدعم المريض فى كل شىء استهلاكى يا سيدى الغالى حان وقت وقف دعم الاستلاك و دعم الانتاج حضرتك عشان عايش فيها عارف كويس ان كل شى مدعم الناس بتستدخدمه باكثر من احتياجها ليه بمراحل صح و لا ده كلام ؟

حضرتك لما بدعم استهلاك بزود استهلاكه و بضغط على اقتصاد منهار الصح دعم انتاج دعم فلاح دعم مصدر

و فى النهايه انا عارف ان ردى صعب و قولت فى اول كلمه ليه مش هيعجبك عشان احنا اتربينا كده :) لو خدو الدعم هنموت كفايه غلا و اصلا الدعم احد اهم اسباب الغلا و هتفضل نطبع فلوس عشان نوصل دعم لناس لا تستحق انها تدعم بربع جنيه و نغلى كل اسعار كل شىء :)

و عاجلا ام اجلا هيتلغى الدعم اما عن قرار اقتصادى اجتماعى مدروس و ناخد الدوا المر و نبقى مسؤلين عن ديونا دى كلها او بعد متخرب مالطا و ميبقاش فى خزنه عشان تدعم و ساعتها هنقول يارتنا دعمنا المنتج و تظ فى الاستهلاك الى فى النهاياه كلنا قادرين نستغنى عنه

يا شباب ده راى و دى اخر مشاركه ليا فى الموضوع انا شاب عندى 30 سنه من منطقه عاديه جدا و عايش نفس الطحنه الى كلكم عايشنها و كمان داخل على جواز و بتسرق من كل حته بس لا يصح الا الصحيح و الاقتصاد مفيش فى مجاملات احتا انا و انت و محمد و حسين و مرقص بندمر نفسنا بنفسنا و مبنستدفش شىء غير راحه نفسيه اسمها انا باخد دعم و بتدفع اضعافه فى غلا الاسعار و انهيار الجنيه

على فكرة دة إلى بتكلم فيه حرفيا بس أختلافنا أن حضرتك فاكر لما الدعم فى بعض الحاجات يقل الدنيا هتبقى حلوة كأن إلى بيتحكموا فى أقتصاد مصر ناس عسل يعنى أنت مصدق أن الحكومة لما تقلل الدعم عن (س ) مثلا بحيث أن الأستهلاك يقل ميبقاش على الفاضى و المليان
هل وقتها الحكومة هتدعم حاجة تانيه زى الصحةأو التعليم أو الزراعة أو الصناعة ؟
طيب هل هتراقب الأسعار ؟
هل هتخفض الضرايب و الجمارك على الأستيراد ؟
طيب هتدعم منظومة الصحة بقرش حتى ؟
طيب الأولى فى الوقت الحالى المراقبة ثم تطبيق ألغاء الدعم بشرط نقل الدعم من شئ لأخر ولا ألغاء الدعم و ربنا يسهل فى المراقبة و الدعم الأخر ؟
طيب شعبنا بالكامل هيبقى اد المسؤولية الرقابيه و من بعدها القانونية فى حالة فرض قوانين و أحكام ؟

و بالنسبه للعدل و المساواة يا سيدى الفاضل
فيه فرق كبير أوى أوى بين الأتنين
و دة الى الناس لسانها دلدل عشان الدعم يوصل لمستحقيه
يعنى مينفعش حضرتك تدعم رغيف العيش مثلا لعامة الشعب الفقير و نلاقى وزير بياكل باتيه بنفس السعر أو ببلاش

فى النهايه ركز فى كلامى هتلاقينى بتكلم صح و أنت بتتكلم صح
بس الفرق بين كلامى و كلامك
أنك فاكر أن الحكومة وقتها هتدعم الصح
و أنا معنديش أمل فى حكومة بتعترف كل يوم بفشلها و بعجز أقتصادها و أمكانيات البلد و أمكانياتها

[م أحمد]

وضعت فى الاعتبار سعر الوقود كيف يكون بعد انخفاض سعر البترول لاقل من 60 % من سعره والذى يستخدم لتوليد الكهرباء
وضعت فى الاعتبار دعم السعودية للمواد البترولية لمصر لمدة 5 سنين ؟

البترول (اساس توليد الكهرباء و اساس محطات البنزين و السولار) انخفض سعره حوالى 3 مرات ودعم الطاقة كما هو ..لم يزد 3 أضعاف...بل قل الدعم !!!!!!!!!؟؟؟؟؟؟؟؟

المصانع بتسرق بال 100 الف جنيه و زيادة كهربا شهريا و مفيش مانع او رقيب

دا غير مصانع المليارديرات المدعومة

[lonedoctor]

اذا عندك منتج اساسى يكلفك حتى يصل للمواطن 100 ج ولا يستطيع هذا المواطن ان يشترية بمئة جنيه فتضطر تدعمه ب 50جنيه ليكون سعره 50 ج
والان انخفض سعر المنتج الى 50 ج عالميا وكمان فيه دولة تانية بتديهولك شحاتة ببلاش
اين الدعم الذى تريد ان تسحبه او تخفضه والذى من اجله جعلت سعر المنتج يباع ب 130 ج؟

[dongol123]

اذا عندك منتج اساسى يكلفك حتى يصل للمواطن 100 ج ولا يستطيع هذا المواطن ان يشترية بمئة جنيه فتضطر تدعمه ب 50جنيه ليكون سعره 50 ج
والان انخفض سعر المنتج الى 50 ج عالميا وكمان فيه دولة تانية بتديهولك شحاتة ببلاش
اين الدعم الذى تريد ان تسحبه او تخفضه والذى من اجله جعلت سعر المنتج يباع ب 130 ج؟

مصاريف انتاج الكهرباء مش في ثمن البترول فقط و لكن هناك رواتب عمالة و قطع غيار و انشاء محطات لتواكب الزيادة في السكان.
يعني الحسبة غلط

[lonedoctor]

هو الكهرباء كان ليه مدعمة اصلا وكان الدعم فيها على اى صورة ؟ رواتب موظفين؟
انا اتحدث عن الشق المتعلق بالدعم فقط
وعلى اى الاحوال فى مشروع قانون انه هيتم تسريح 3 مليون موظف حكومة
اعتبر 300 الف منهم بتوع وزارة الطاقة

[lugo]

طالما هو فشل فى كل شىء لماذا لايتركها لغيره كما فعل وانقلب على من قبله
بسبب نفس الحجة وهى الفشل ؟

[Ahmed_selmy]

للاسف الدولة بتتبع نفس الفكر العقيم المتخلف .....وانها كل اما تتزنق تضغط على المواطن ......مفيش حلول بناءة .....مفيش مصانع بتتفتح ....مفيش انتاج
حيجى منين دخل من غير شغل ......حتيجى منين عملة صعبة من غير تصدير......
للاسف الدولة فشلة فشل زريع و ذلك بسبب توكيل الامور الى غير اهلها .....فساد ومحسوبيات بلا حدود
فمهما رفع فى دعم او زود ضرائب او رفع جمارك .....بردوا ستظل المشكلة قائمة

[amro1965]

مش هدفع لا مياه ولا تور
وهسرق كهرباء ومياه
لسبب بسيط
لاننا هنوصل او وصلنا الى الاتى
باقى معك 200 جنيه وعليك تدفع كهرباء ومياه ااو تدفعهم لاشباع عائلتك او علاج اولادك او تغليم اولادك
اختر انت
بالنسبه لى انا اخترت مش هدفع مش لانى مش عايز ادفع لا لانى الاولى فا الاولى اشباع غلاح

[amdd]

انا مش معترض ان مفيش عدل فى كل حاجه فى البلد..انا بس عايز الظلم يتوزع علينا كلنا بالتساوى وانا ارتاح

[elrasy]

للاسف الادارة الحالية هتودينا فى داهية

[msa142]

طلع فردتين تيار من ورا العداد زى بقيه الشعب ومتقولش حرام عشان دا حق بيتسرق منك وانتا ساكت .. والحكومه عارفه ان نص الشعب بيسرق وعادى

[amro1965]

بدأت بشائر الزياده الفاحشة فى الكهرباء والمياه على الموظنين
فبدأت الدوله تعالج على حساب المواطن المطجون
بدأت رزاز عدم دفع المياه والكهرباء يصدر فى امبابه والهرم وفيصل
مثلما قلت سابقا
سوف ياتى اليوم على المواطن عدم الدفع
ليس اعتراضا على الدفع ولكن عدم وجود اموالا للدفع
فاغلب امواله يتم دفعها الى
ايجار الشقة والا الطرد
العلاح واما الموت لاحد افراد الاسرة
ثمن اقل الطعام واما الموت جوعا
ثمن الذهاب والعودة الى العمل واما الفصل
وعيرة من الضروريات
كل ماسبق اولى وبعده لم يتبقى شىء للمياه والكهرباء
القائم على اداره البلاد وقال مفيش
وجه الدور على المواطن ليقول مفيش
انا مش عايز ادفع لا انا عايز ادفع بس مفيش
المواطن دخل المعصرة اكثر من مره
حتى وصل للجفاف التام
لك الله يامصر
المواطن فيكى عند الفرح منسى
وعند الموت مدعوا
ومطالب منه ان ينقط
وعجبى

[رامي مصطفى]

حضرتكم ماينفعش اللي بتقولوه ده
ادفعوا الأول وبعدين اشتكوا

[ESO101]

فاتورة الكهرباء 6000ريال
رغم أنها كانت 3000 ريال
تضاعفت ولسه هيتم زيادتها تاني
دي مشكلة في دول كتير
حتى الدول النفطية الناس بتشتكي من مضاعفة الفواتير

[EgyArmy]

عايز اقولكم على كارثه فعلا حصلت عندنا
بما اننا عندنا بيت جديد فجالنا العداد الديجيتال ابو كارت
العداد ده شغال على نور شقة فيها تليفزيون و ريسيفر و تلاجة و ديب فريزر و غساله و شفاط و حوالى 3 مراوح و الاضاءة كلها موفرة بلا اسثناء
طبعا الحاجات دى مش شغاله 24 ساعة الا التلاجة و الديب فريزر و عندنا شحنوا ب200 و قولنا هيقعد معانا شهرين مثلا تخيلوا يستمر كام يوم بعد كدة يفصل ؟ اسبوعين بالظبط يعنى شحنا يوم السيت يوم السبت الى بعده تمام يوم السبت امبارح بخخخخخخ مفيش غير 2 جنيه و لما شحنا تانى ب200 بقى معانا 202 جنيه يعنى بيت مفيهوش تكييف ولا فى شتا فيه دفايه و سخان مطلوب منه يدفع 400 فى الشهر و البركة فى العداد الجديد بأمانه دولة محترمة يعنى عايزين 500 جنيه كهربا و مايا و انبوبة واحدة فى الشهر اقسم بالله العظيم دة استغلال و سرقة و نصب و حكومه فاشله و رئيس زيه زى الى قبله و شعب راضى انه يتحط رقبته تحت جزمتهم انا ببص للعداد لما بفتكر اننا هقدم على واحد شبهه بيبقى هاين عليا اعيط و المشكلة اننا بقول سرقة الكهربا حرام و نفس نظام ادفع و بعدين اشتكى زى نفذ الامر و بعدين اتظلم بس لا يا جماعة انا مسحبتش ب200 جنيه يعنى حاسس ان الى دفعته ده كتير اوى اوى على الاستخدام ده امال لو فيه تكييف او اتنين او دفايات او سخانات هيعملوا فينا ايه