فاتورة الكهرباء

[amr100]

النهاردة جاتنللي فاتورة الكهرباء بسم الله ما شاء الله عن شهر 9 مبلغ و قدره 1037 جنيه وكن اكبر مبلغ بادفعه متوسطه 500 جنيه فيا ريت كل واحد من المنتدى يقول لي فاتورة الكهرباء بتاعته كام عن شهر 9 اللهم بارك في مسئولين الكهرباء و مسئولين مسئولين شركة الكهرباء و حسبنا الله ونعم الوكيل

[Karim Alaa]

هل الاستهلاك حقيقى يعنى حضرتك القرايه فى العداد مظبوطه ؟

[bluemail]

فعلا سؤال مهم، القرايه في العداد زي الوصل؟

[Amr_MO]

ماهو الوزير طلع وقال ان التسعيرة الجديدة لشرائح الكهرباء بدا تطبيقها بأثر رجعي من 1/7/2016
يعني المفروض على حسب كلامه ان الفاتورة الشهر ده هتيجي بأرقام فلكية عشان هياخدوها هياخوا التسعيرة الجديدة بأثر رجعي عن الشهور الي فاتت

[sherif_mahalla]

ممكن تدخل على موقع الوزارة و تكتب استهلاكك و هيقلك فاتورتك تبقى كام بالظبط
طبعا أكيد فيه فرق في القراية إما قديم و اتجمع أو وهمي و اتكتب عليك
لو القراية في الفاتورة غير العداد
روح للشركة و قلهم و هيعملولك حاجة اسمها اعادة تشريح و ينزلولك القراية اللي هتقول عليها

https://www.egypt.gov.eg/services/elecpub/electriccons.aspx

[Karim Alaa]

ماهو الوزير طلع وقال ان التسعيرة الجديدة لشرائح الكهرباء بدا تطبيقها بأثر رجعي من 1/7/2016
يعني المفروض على حسب كلامه ان الفاتورة الشهر ده هتيجي بأرقام فلكية عشان هياخدوها هياخوا التسعيرة الجديدة بأثر رجعي عن الشهور الي فاتت

الرجعى هيطبق بالتقسيط 10 فى الميه على كل فاتوره يعنى مش كله مره واحده ولا حاجه يبقى لازم نعرف الاستهلاك اد ايه و الشريحه الى هو داخل فيها زادت اد ايه

[khaledinside]

متوسط استهلاكك 500 جنية ازاى -- المبلغ دة لو على فرض ان الكيلو وات ب 0.5 جنية - يعنى حضرتك استهلكت 1000 كيلووات/ساعة -
هو دة خط تجارى ؟؟ - واية الاجهزة اللى انت بتشغلها اللى بتعمل 1000 كيلو فى الشهر ؟؟ - فية حاجة غلط

[Hussein_Ramdan]

شهر تسعه جيالى 1450 اكتر حاجه كنت دفعتها 1000 بتاعيت شهر 8
انا بعد كل يوم وانا مروح هعدى ادى فلوس شغل طول اليوم لشركه الكهرباء وهى تدينى المصروف

[4fun14]

احنا نفس الحوار..جت ب 1150 واعلى حاجه ف حياتنا كانت ب 650

[mahmoudselim]

مش إنت لواحدك ناس كتير حصلها نفس الحوار جالها ضعف اللي كانت بتتدفعه قبل كدا الكلام دا في العبور

[طارق _عبد السلام]

انا القارىء فضل منفضلى فتره والوصل كان بييجى 6 جنيه وكنت بعمل مشكله مع المحصل علشان القارىء لحد ماوصل ان العداد فيه 7000 كيلو ..رحت الشهر اللى فات الكهرباء الحق قبل الاسعار الجديده وشرحوا المبلغ ودفعونى 2100 جنيه واخدت وصل بيهم...........

الافضل كلنا ننزل قرائتنا على الموقع الالكترونى... ودايما نطابق قراءه العداد مع الوصلات...

[abokoko]

ممكن يكون الحل فى تغيير العداد بعداد مسبوق الدفع
وفى الحالة مش هيكون فى عدم انتظام القراءة بسبب كشاف النور
ومش هيخبط على بابك المحصل و انت نائم
عن نفسي ده اللى عاجبنى فيه


عيوبه ان الشحن عن طريق شركة الكهرباء نفسها
مفروض يتوسعوا فى طرق الشحن عن طريق فورى او مكن الatm

[khaledinside]

ممكن يكون الحل فى تغيير العداد بعداد مسبوق الدفع
وفى الحالة مش هيكون فى عدم انتظام القراءة بسبب كشاف النور
ومش هيخبط على بابك المحصل و انت نائم
عن نفسي ده اللى عاجبنى فيه


عيوبه ان الشحن عن طريق شركة الكهرباء نفسها
مفروض يتوسعوا فى طرق الشحن عن طريق فورى او مكن الatm

انا كان عندى مشاكل فى موضوع قراية العداد ومكنش حد بيجى وكان بيجى الوصل فية قراية اعلى من العداد- بس فية حل احسن بدل ما تروح تعمل عداد جديد - سجل القراية من على النت فى موقع شركة الكهرباء - انا شغال على الموضوع دة بقالى 9 شهور - والقراية اللى بسجلها هى اللى بتحاسب عليها ومبقتش محتاج للراجل اللى بيجى يقرا العداد - وفى مرة جة قولتلة متجيش تانى انا بسجلها من على النت ومن ساعتها وهو مبيجيش :)

دة الموقع - اعمل علية حساب وريح نفسك - وهيحددلك ميعاد تسجل فية القراية كل شهر
ﺟﻬﺎﺯ ﺗﻨﻈﻴﻢ ﻣﺮﻓﻖ ﺍﻟﻜﻬﺮﺑﺎﺀ وحماية المستهلم

[abokoko]

العداد ركب من البداية لانها شقة جديدة