عداد الكهرباء مش بيتغير

[mahmostus]

السلام عليكم,
عيد سعيد جميعا,

انا عندي عداد الكهرباء أخدت بالي انه مش بيتغير بقاله كام شهر كده و اللي خلانى أشك ان الفاتورة بتيجي 6 او 7 جم كل شهر ....السؤال اتصرف ازاي؟ ابلغ شركة الكهرباء؟

و هل ممكن يضربولي رقم فلكي علي الأشهر اللي فاتت ولا ايه انا خايف ليعملو الحركة دي


و جزاكم الله خيرا و شكرا مقدما

[khaledinside]

اعتقد ان لو فية تقدير لاستهلاك الاشهر السابقة هيكون بناء على استهلاك شهور سابقة عندك

يعنى مثلا لو متوسط استهلاكك فى الشهر كان 300 كيلو - هتتحاسب عليهم كدة - والله اعلم

بس روح شركة الكهرباء اسأل من غير ما تقدم اى بيانات عنك - استفسر وبعدها هتفهم كل حاجة وتقرر تعمل اية -- عادى

اصل سهل انك تقول ان مكنش فية حد فى الشقة المدة دى - انت ناسى انك مصرى ولا اية :)

[mahmostus]

اعتقد ان لو فية تقدير لاستهلاك الاشهر السابقة هيكون بناء على استهلاك شهور سابقة عندك

يعنى مثلا لو متوسط استهلاكك فى الشهر كان 300 كيلو - هتتحاسب عليهم كدة - والله اعلم

بس روح شركة الكهرباء اسأل من غير ما تقدم اى بيانات عنك - استفسر وبعدها هتفهم كل حاجة وتقرر تعمل اية -- عادى

اصل سهل انك تقول ان مكنش فية حد فى الشقة المدة دى - انت ناسى انك مصرى ولا اية :)

هى الشقة فعلا كانت مقفولة قبل ما نجددها و بعد ما جددناها ظهرت المشكلة دي...فصعب موضوع التقدير ده


يعنى اروح اقولهم لو العداد مش بيعد يبقى مثلا ايه السبب؟ منغير ما أقول العداد بتاعي مش بيعد؟

[Karim Alaa]

بلغهم و خد ايصال انك بلغتهم و اطمن بعد كده مش هيجو يبصو عليه غير بعد شهور و هيعملو تقدير جزافى للكام شهر دول عن طريق متوسط استهلاكك لنفس الشهور السنه الى قبليها لما كان شغال و لو عدادك قديم من الى فيه ترس بيلف هيجيلك عداد ديجيتال ارقام و بايصال برضه مش كارت شحن ولا حاجه