سؤال لأهل اسكندريه منطقه باكوس

[mody1982]

يا جماعه انا في ناس جايبين لي عروسه من منطقه باكوس علي ما اسمع ان المنطقه دي شعبيه جدا حتي الناس اللي جايبينها كانوا و هما بيتكلموا عن العروسه بيقولوا ان في ناس كتير رفضت تشوفها علشان هي من باكوس
و بيقولوا انها من منطقه كويسه في باكوس و ان مش كل باكوس شعبي
صراحه انا الموضوع مقلقني خصوصا اني مش برتاح مع الناس الشعبيين
يقدر حد يفدني عن منطقه باكوس نظامها ايه و هي صحيح فيها مناطق مش شعبيه

[SoFiMaN]

ردي هيكون على المنطقة بس لكن الله اعلم العروسة او اهلها

باكوس شعبي و معظمها عبارة عن سوق .. خد بالك ممكن يكون باكوس من بعيد يعني منطقة فليمنج مثلا و دي عادية مش شعبي.

[mody1982]

ردي هيكون على المنطقة بس لكن الله اعلم العروسة او اهلها

باكوس شعبي و معظمها عبارة عن سوق .. خد بالك ممكن يكون باكوس من بعيد يعني منطقة فليمنج مثلا و دي عادية مش شعبي.

اه يا باشا انا عارف ان فليمينج منطقه عاديه بس هما قالوا باكوس لكن في حته كويسه اعتقد لو فيلمينج كانوا قالوا فيلمينج و خرجوا نفسهم من نقطه بعد الناس عنهم بسبب المنطقه

[punisher]

بوص حضرتك باكوس منطقه شعبيه مفيش نقاش في كده بس يفصل بينها وبين زيزينيا (( منطقه راقيه )) شريط الترام .. هنا دنيا وهناك دنيا تانيه ...

انا شايف انه مش عيب أن البنت تكون ساكنه ف باكوس .. ممكن دي قدرتهم الماديه مثلا .. يعني مجبورين يقعدوا فيها عشان مفيش امكانيه انهم يشتروا ف منطقه احسن

توكل علي الله وروح قابل الناس وانسي المنطقه ومتحكمش علي البنت عشان مكان سكنها

لو انت المظاهر تهمك .. يبقي متظلمش البنت معاك ، لانك ممكن ف يوم تعايرها مثلا انها مستواها اقل او انها كانت ساكنه ف حته مش كويسه ، او تقولها بوصي انا معيشك ازاي وابوكي كانت عيشته ازاي

وخلي بالك ناس كتير اوي معاهم فلوس وساكنين ف شقق بالملايين ومع احترامي يعني اخرهم يشتغلوا عربجيه

بالتوفيق وتنور اسكندريه

[samyyousef]

باكوس بحري الترام مش شعبية، لكن سوق السمك شعبي...هذا فيما يخص المنطقة
لكن - رايي الشخصي - هذا الامر ليس له علاقة بالعروسة
الكلام ده كان زمان
حاليا مفيش حاجة اسمها فلاحين او صعايدة او شعبيين...ليه؟ لان العالم كله اصبح قرية صغيرة...العالم كله اصبح منفتح على بعضه
زمان كان الفلاح فلاح ايام ما كانت الناس بتتواصل مع بعض عن طريق الجوابات

[hero]

بوص حضرتك باكوس منطقه شعبيه مفيش نقاش في كده بس يفصل بينها وبين زيزينيا (( منطقه راقيه )) شريط الترام .. هنا دنيا وهناك دنيا تانيه ...

انا شايف انه مش عيب أن البنت تكون ساكنه ف باكوس .. ممكن دي قدرتهم الماديه مثلا .. يعني مجبورين يقعدوا فيها عشان مفيش امكانيه انهم يشتروا ف منطقه احسن

توكل علي الله وروح قابل الناس وانسي المنطقه ومتحكمش علي البنت عشان مكان سكنها

لو انت المظاهر تهمك .. يبقي متظلمش البنت معاك ، لانك ممكن ف يوم تعايرها مثلا انها مستواها اقل او انها كانت ساكنه ف حته مش كويسه ، او تقولها بوصي انا معيشك ازاي وابوكي كانت عيشته ازاي

وخلي بالك ناس كتير اوي معاهم فلوس وساكنين ف شقق بالملايين ومع احترامي يعني اخرهم يشتغلوا عربجيه

بالتوفيق وتنور اسكندريه

كلام مظبوط جدااااا.....

بس نصيحة لوجة الله.... حاول تظبط المقابلة دي برة بيتها....
يارب حتي تعزمهم علي الغدا هي و اي حد من عيلتها في اي مكان عام....

لو في اي احتمال انك ما تكملش بلاش تدخل بيتها و تخرج و تكسر ها قدام اهلها و المنطقة بتاعتها....

الناس في الاحياء البسيطة بتبقي عارفة ان في عريس جاي و. كلهم عينهم علية...
فلو خرجت و ما كملتش ... هاتخلي شكلها وحش و هاتقلل من قيمتها...
صلي استخارة كثير و ايلي قلبك يرتاحلة كمل فية...
ربنا يوفقك لما فية الخير..

[ahmedwagdy03]

باكوس شعبية فعلا لكن فيه إختلافات كبيرة مثلا شارع الإذاعة ده فى باكوس بس راقى جدا و يعتبر جليم . الضاهرية حاجة كدة زي ترب الغفير أو الدويقة . سوق السمك حتة مش اللى هي . باقى باكوس عبارة عن سوق كبير .

أفضل رد هو الأستاذ punisher . متحكمش إلا لما تعرف و تشوف بنفسك . وارد جدا تكون العروسة من بيت كويس بس ظروفهم المعيشية إنهم يعيشوا فى باكوس نظرا لرخص الأسعار .

لو العروسة من شارع العقصة إنفد بجلدك من دلوقتى و أوعى حتى تروح تشوفها لو هي ملكة جمال.

[mody1982]

ارجو من الاداره غلق الموضوع شوفت صوره للعروسه و معجبتنيش اصلا و شكرا لكل الناس اللي ردت عليا









تم غلق الموضوع
م ع 7