كيف استثمر في البورصة ???

[WHATZUP]

عايز افهم موضوع البورصة ..يعني لو عايز استثمر مبلغ معين ..ايه الشركات اللي سمعتها كويسه .. اللي ممكن استثمر عن طريقها وازاي بالظبط...وهل بتدخل في شغلهم ولا اسيبلهم الفلوس وهما يتصرفوا براحتهم ... وهل الموضوع مربح بصفة عامه او بمعني اصح مضمون ...ولا له نسبة مخاطرة عالية ...وهل في حاجة معينه المضاربه عليها مضمونة زي سله عملات مثلا ...وهل ممكن استثمر في بورصة امريكا مثلا ..وانا في مصر ...ياريت حد يفيدني

[hilal]

شوف يا عزيزي
لا انصحك بالاستثمار في البورصة وخاصة البورصة المصرية
فهي تحت سيطرة مجموعة من الـ ..........
وسوف تخسر جميع أموالك لصالح هذه المجموعة التي تستطيع الحصول على المعلومات قبل أن تظهر للجمهور

وبعد أن تخسر أموالك سوف تعاني من أمراض الضغط والسكر
ابعد عن الشر وغني له

[subhimust]

هقولك انا كيف تستثمر في البورصة ؟؟؟؟
الاجابة والخطة الجهنمية للاستثمار في البورصة هي :

ابعد عن البورصة واجري ههه
بجد اي فلوس هتدخل بيها البورصة هتخسرها لصالح الجماعة اللي انت بتقعد تشتم فيهم كل يوم زي عز وووووو
دي الخلاصة و ياريت متسمعش كلام حد يفرشلك الارض ورد

[subhimust]

\11

[amro1965]

افضل بنك على الاطلاق ويعطيك عائد حلال
بنك فيصل الاسلامى
ولو احتجت فلوسك لمشروع ما تقدر تسحبهم
عصفور فى اليد خير من 10 على الشجرة
ده رأى

[homme49]

علشان تعرف جو البورصة و تعيشه
روح نادى المستثمرين
و هو موجود فى دور ثانى أو ثالث فى عمارة بجانب البورصة المصرية
لو سألت عليه هناك فى شارع الشريفين ألف من يدلك خاصة القهوجية الموجودين بالمنطقة
روح هناك و اقعد و راقب و انت قاعد تشرب الشاى بتاعك ( فى تادى المستثمرين مش القهوة )
عندما ذهبت هناك سمعتهم يتحدثون فى مواضيع كانت غائبة عن بالى تماما
و شعرت أننى فى جو سباق الخيل بتاع نادى الجزيرة أو نادى الشمس
أجمع معلومات عن أى مجال قبل أن تدخل فيه
إفرأ كتب عن الموضوع من مقررات و مناهج كلية التجارة القسم الإنجليزى
تابع موقع معلومات مباشر طوال فترة جلسة التداول بالبورصة
و إفرأ كل الأخبار و التعليقات التى ترد به و بعد ذلك قرر ما يناسبك مع إستعدادك لخسارة جزء من مالك حتى لا تصدم بالواقع

[محمد المصرى]

لا انصح بالبورصة
بلاش