جدوي الزواج بعد ال 35

[mody1982]

السلام عليكم
لو حد قرأ لي مواضيع قبل كده ممكن يعرف اني بقالي فتره طويله بدور علي عروسه و دخلت في عده محاولات فاشله للتعارف علي حد عن طريق الصالونات
انا عمري بقي فوق ال 35 بكام شهر و في خلال الكام شهر اللي فاتوا بدأت الاحظ حاجات غريبه منها مثلا انتشار الشعر الابيض في شعر الذقن و بشكل كبير و الكلام ده حصل في خلال 3 او 4 شهور
مش عارف هل دي علامه ان خلاص الواحد لازم ينسي موضوع الجواز ده و لا لأ
طيب لو فرضنا اتجوزت بكره مثلا هيبقي عندي قدره اني اربي اولادي ازاي و انا بدأت اعجز و سني يكبر
و برضه من القصص الغريبه ان ارتفاع الاسعار الجنوني في الفتره الاخيره هيخلي اي حسابات انا كنت عاملها لمهر او شبكه او خلافه تبوظ لأن نفس المبالغ اللي انا كنت حاسبها مش هتجيب حاجه دلوقت
في حد هنا اتجوز بعد ال 35 يقدر يفيدني

[bluemail]

عليكم السلام
انا هرد علي سؤالك بسؤال
ليه الناس اللي عندها 45 و 55 و 65 بتتجوز ومبتقولش زيك كده؟

انا اعرف واحد اتجوز من 5 سنين وهو معدي 60 سنه ودلوقتي عنده بنت وولد :)

والحمد لله عايش مبسوط

عندك كام شعره بيضاء ، كلنا عندنا ، انا اعرف ناس من ثانوي وهما شعرهم ابيض

اسمحلي ومن غير زعل احساس الكبر والعجز ده جواك فقط وياريت تطلعه لانه مش صحيح

يا اخي ربنا بيقول،، ( حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ ) الأحقاف/15 إلى آخر الآية الكريمه

فانت تيجي تقول انا عديت ال 35 فانا كبرت وعجزت ويلا حسن الختام ؟!

بص بالبلدي كده الشباب شباب القلب ، ناس عمرها ضعف عمرك لكن حاسه انها شباب وعايشه حياتها وبتتجوز

هقولك حاجه بسيطه، الناس اللي قدك او اكبر منك ب خمس سنين مثلا وعندهم طفل او طفلين تفتكر ليه بيجيبو طفل تالت ورابع ومبيقولوش زيك هو احنا هنلحق نربي العيال دي ؟

الاعمار بيد الله والارزاق بيد الله فانت اتوكل علي الله وشوف واحده بنت حلال وهتلاقي والله

ربنا يعينك علي الزواج

[Imhotep]

انا فاكر مواضيعك بتاعة الجواز
بس مش عارف ليه قصتك بتفكرنى بقانون الجهد المعكوس
اللى هو ببساطة انه احيانا حجم المجهود اللى بتبذله لتحقيق شئ يتناسب عكسيا مع امكانية تحققه

زى ما تبقى راكب عجلة و شايف طوبة قدامك و عايز تتفاداها..... فكل ما تركز اوى فى تفاديها ده بيزود إحتمال اصطدامك بيها لغاية ما فعلا تصطدم بها

اعتقد انك هتتجوز فعلا و نصيبك هيجيلك لغاية عندك..... بس لما تبدأ متركزش اوى فى الموضوع و تشيله من دماغك كهدف مركز اوى على تحقيقه

[volociximab]

و عليكم السلام و رحمة الله و بركاته
لما تكبر و كل واحد ممن حولك يروح لحاله ستصبح وحيدا لا يهتم بك احد
و مع ضعف صحتك ستسوء حالك لعدم وجود زوجة او ابن يهتم بك..انت الان بصحتك فمش فارقه معاك
انا ايضا ابتدأ الشعر الابيض ينتشر فى راسي فلما ذكرت لبعضهم أنى عجزت قرا قوله تعالى...حتى اذا بلغ اشده و بلغ اربعين سنة

[mahmoudselim]

لا ولا يهمك توكل علي الله ودور علي عروسه بقلب جامد وماتخليش الاحباط يوصلك علشان الفتره دي اصلا سن الحواز ارتفع عند الشباب واعرف ناس اتجوزت بعد التلاتين والحمدلله عندهم اولاد دلوقتي. واضح من كلامك انك عندك احباط وشويه يأس توكل علي الله بس واحنا حالنا كلنا زيك كمان لو حاسس ان ابتدت تظهر عندك اي مشاكل صحيه دي حلها بسيط ان شاء الله تتابع مع دكتور كويس يعملك كورس تأهيل زي الفل وبلو بتشرب سجاير قللها وكل اكل صحي دايما وارفع كدا من روحك المعنويه اوعي تفكر بالطريقه الانهزاميه دي. وبرضوا شوف عروسه من سوريا ممكن تستريح معاها اكلهم مفيش اطعم من كدا وعشرتهم خفيفه وجميله . ربنا يوفقك ان شاء الله

[mody1982]

عليكم السلام
انا هرد علي سؤالك بسؤال
ليه الناس اللي عندها 45 و 55 و 65 بتتجوز ومبتقولش زيك كده؟

انا اعرف واحد اتجوز من 5 سنين وهو معدي 60 سنه ودلوقتي عنده بنت وولد :)

والحمد لله عايش مبسوط

عندك كام شعره بيضاء ، كلنا عندنا ، انا اعرف ناس من ثانوي وهما شعرهم ابيض

اسمحلي ومن غير زعل احساس الكبر والعجز ده جواك فقط وياريت تطلعه لانه مش صحيح

يا اخي ربنا بيقول،، ( حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ ) الأحقاف/15 إلى آخر الآية الكريمه

فانت تيجي تقول انا عديت ال 35 فانا كبرت وعجزت ويلا حسن الختام ؟!

بص بالبلدي كده الشباب شباب القلب ، ناس عمرها ضعف عمرك لكن حاسه انها شباب وعايشه حياتها وبتتجوز

هقولك حاجه بسيطه، الناس اللي قدك او اكبر منك ب خمس سنين مثلا وعندهم طفل او طفلين تفتكر ليه بيجيبو طفل تالت ورابع ومبيقولوش زيك هو احنا هنلحق نربي العيال دي ؟

الاعمار بيد الله والارزاق بيد الله فانت اتوكل علي الله وشوف واحده بنت حلال وهتلاقي والله

ربنا يعينك علي الزواج

شكرا يا باشا علي الرد بس علي فكره الموضوع مش موضوع شعر ابيض زي ما هو موضوع انه deterioration سريع يعني انه حصل في وقت شهور قليله 3 او 4 بالكتير
لكن طبيعي يظهر شعر ابيض
فقول ما يمكن ده معاناه بدايه انهيار سريع و ده واقع و مش هنهرب منه ان الواحد بقي اقرب للعجز منه للشباب
المشكله ان انا مش متوقع اني حتي هلاقي اللي عايزه من الجواز لأني و انا اصغر معرفتش الاقي الشخص المناسب و فضلت انزل بمستوي المتطلبات و برضه مش لاقي حد
يعني و انا شاب اصغر مش عارف الاقي حد يعجبني و اعجبه و علي فكره اللي عجبوني في 20 واحده حوالي 3 و رفضوني من اول مقابله فما بالك بالوضع دلوقت
غالبا لو اتجوزت مش هتبقي واحده مش زي ما انا عايز و هتبقي جوازه و السلام لأن و انا اصغر معرفتش الاقي اللي ينفعني فما بالك لما بقت اكبر بقي الحال عامل ازاي

انا فاكر مواضيعك بتاعة الجواز
بس مش عارف ليه قصتك بتفكرنى بقانون الجهد المعكوس
اللى هو ببساطة انه احيانا حجم المجهود اللى بتبذله لتحقيق شئ يتناسب عكسيا مع امكانية تحققه

زى ما تبقى راكب عجلة و شايف طوبة قدامك و عايز تتفاداها..... فكل ما تركز اوى فى تفاديها ده بيزود إحتمال اصطدامك بيها لغاية ما فعلا تصطدم بها

اعتقد انك هتتجوز فعلا و نصيبك هيجيلك لغاية عندك..... بس لما تبدأ متركزش اوى فى الموضوع و تشيله من دماغك كهدف مركز اوى على تحقيقه

و الله مش مركز قوي و لا حاجه بس هو الطبيعي ان الانسان يتجوز و يمفضلش للسن ده كده لوحده خصوصا ان حياه الواحد في حاجات كتير فيها بترتبط بالجواز منها مثلا ان يبقي ليك بيتك و نظامك و حياتك الخاصه و متبقاش كل حاجه عندك مرتبطه بأهلك او ان صحابك يبقوا فاضيين لك

و عليكم السلام و رحمة الله و بركاته
لما تكبر و كل واحد ممن حولك يروح لحاله ستصبح وحيدا لا يهتم بك احد
و مع ضعف صحتك ستسوء حالك لعدم وجود زوجة او ابن يهتم بك..انت الان بصحتك فمش فارقه معاك
انا ايضا ابتدأ الشعر الابيض ينتشر فى راسي فلما ذكرت لبعضهم أنى عجزت قرا قوله تعالى...حتى اذا بلغ اشده و بلغ اربعين سنة

اكيد هي فارقه معايا مش العكس لكن ما باليد حيله

لا ولا يهمك توكل علي الله ودور علي عروسه بقلب جامد وماتخليش الاحباط يوصلك علشان الفتره دي اصلا سن الحواز ارتفع عند الشباب واعرف ناس اتجوزت بعد التلاتين والحمدلله عندهم اولاد دلوقتي. واضح من كلامك انك عندك احباط وشويه يأس توكل علي الله بس واحنا حالنا كلنا زيك كمان لو حاسس ان ابتدت تظهر عندك اي مشاكل صحيه دي حلها بسيط ان شاء الله تتابع مع دكتور كويس يعملك كورس تأهيل زي الفل وبلو بتشرب سجاير قللها وكل اكل صحي دايما وارفع كدا من روحك المعنويه اوعي تفكر بالطريقه الانهزاميه دي. وبرضوا شوف عروسه من سوريا ممكن تستريح معاها اكلهم مفيش اطعم من كدا وعشرتهم خفيفه وجميله . ربنا يوفقك ان شاء الله

و الله بدور بقالي اكثر من 6 سنين و مفيش فايده

[tasaka]

شكرا يا باشا علي الرد بس علي فكره الموضوع مش موضوع شعر ابيض زي ما هو موضوع انه deterioration سريع يعني انه حصل في وقت شهور قليله 3 او 4 بالكتير
لكن طبيعي يظهر شعر ابيض
فقول ما يمكن ده معاناه بدايه انهيار سريع و ده واقع و مش هنهرب منه ان الواحد بقي اقرب للعجز منه للشباب

كل ده من الضغوط النفسيه و التفكير المستمر

انت مشكلتك جواك .. و بتنعكس على اللى حولك .. بما فيهم اى واحده بتروح تشوفها لانها بتحس بيك و بتخاف من الارتباط

تفائلوا و لا تشائموا .. و اصدق الطيره الفأل

المشكله ان انا مش متوقع اني حتي هلاقي اللي عايزه من الجواز لأني و انا اصغر معرفتش الاقي الشخص المناسب و فضلت انزل بمستوي المتطلبات و برضه مش لاقي حد
يعني و انا شاب اصغر مش عارف الاقي حد يعجبني و اعجبه و علي فكره اللي عجبوني في 20 واحده حوالي 3 و رفضوني من اول مقابله فما بالك بالوضع دلوقت
غالبا لو اتجوزت مش هتبقي واحده مش زي ما انا عايز و هتبقي جوازه و السلام لأن و انا اصغر معرفتش الاقي اللي ينفعني فما بالك لما بقت اكبر بقي الحال عامل ازاي

و مبن قال لك انك لو لقيت الواحده اللى انت عايزها بالظبط .. ان حياتك حتبقى سعيده ؟؟ .. ده ممكن العكس يحصل

و حصل فعلا مع ناس تعبت لغايه ما وجدت فتاه الاحلام و بعد الزواج مشاكل لا تنتهى و طلاق





لازم و لابد انك تشيل التفكير السوداوى ده من دماغك .. بصراحه لو استمريت بالتفكير و الاحاسيس دى .. موش حتتزوج

البنات بتحس بمدى ثقتك بنفسك .. و مدى رضائك عن نفسك .. و ده معيار اساسى فى اختيارها لانه بيعطيها انطباع مبدئى عن مستقبل حيانها

و لو لم يصل اليها هذا الانطباع و الاحساس لن تقبل بك خوفا من الفشل او الحياه الكئيبه المتوقعه

و فى النهايه ادعو الله ان ييسر لك الامور و يرزقك بزوجه صالحه .. آمين

[فتح الباب]

انا لما اتجوزت وكان شنى ٣٦ شنه بعد سنه حسيت انى اتسرعت فى القرار ده وزعلت من نفسى جامد وقلت ساعتها كان لازم اعيش كمان سنتين ثلاته يعنى لو رجع بى الزمن للوراء لظللت لفتره بدون زواج ...........
ومع كل ذلك ربنا كرمنى بأولاد وبنات وعايش . انا مثال امامك وغيرى الكثير من الامثله فلماذا تحبط نفسك . ارجو ان تعيد تفكيرك . فقط كى تكون سعيدا وهذا يسعدنى . ارجو تقبل مرورى

[volociximab]

لا يوجد شيء اسمه فاته قطار الزواج...هناك ملايين للنساء لمختلف الاعمار و الاحوال مستحيل كلهن غير مناسب لك مهما كان سنك
ايام العزوبية سمعتها من شيخ و استاذ في كلية الطب...قال لنا المشكلة فيكم مش في البنات

[ahmed76]

يا باشا انزل العب رياضه او روح جيم كده وفرفش .... ايه اللى انت بتقوله ده ... ده معظم الرجاله اللى فى الاربعينات عايزين يتجوزوا تانى ... واللى مش راضيه شوف غيرها وبين البايع والشارى يفتح الله ... البلد مليانه ناس محترمه ومتدينين وبيرضوا بقليله بس انت بتدور فى المكان الخاطىء .

[Ahmed_selmy]

ياباشا شيل الهواجس دى من دماغك.....انا ابويا اتجوز وهو عندة 37 سنة فى وقت كان اللى اتاخر بيتجوزوا وهما 26 سنة
والحمد للة انا وا ختى كبرنا واتجوزنا وخلفنا وشاف احفادة وربنا يدية الصحة .
شيل من دماغك الافكار دى وركز فى انك تجد بنت الحلال.

[memoo305]

بص أن أتجوزت وانا في نفس سنك تقريبا . أنت ما تاخرتش ولا حاجة . بس المشكلة أنا ممكن يخلى بنات 19-:24 خارج أختيارتك لو كان السن ده أفضلية بالنسبة لك وعلى العموم دي موش قاعدة
مش هكدب عليك لو أنت من النوع الأنتيخ بتحس أنك بتطلع بره comfort zone بتاعتك .يعني أنت كنت عايش ملك ويجي شريك حياه عاوز يتفسح ومره واحدة مكشر أصل موده موش حلو بعد الـ 35 ممكن ماتتقبلش الحاجات دي في الأول وتحس بخنقة .
بس في العموم ده السن المناسب مش علشان الراجل لأء علشان لما تكون عندك 40:45 هتبقى اختيارتك نظرياً أخيارتك من 30 وانت طالع وده سن صعب بكل االأبعاد السلوكية ووووو.... في البنات