سجل تجارى وبطاقة ضريبية ورخصة إستيراد

[amr011111]

السلام عليكم ورحمة الله وبركاته
محتاج أطلع سجل تجارى وبطاقة ضريبية ورخصة إستيراد. من فين بطلع الكلام ده وهل ينفع اعمل العنوان على عنوان سكنى. والحاجات ديه بعملها بنفسى ولا عن طريق محامى
وشكراً

[punisher]

يفضل انك تعمل توكيل لمحاسب قانوني وهو يعملك كل الاجراءات دي

السجل التجاري والبطاقه الضريبيه سهلين جدا وعادي لو هتعمل مقر العمل مكان السكن وهما هيبعتولك واحد من الضرائب يعمل معاينه للمكان عشان يتأكد انه مش مكان وهمي

البطاقه الاستيراديه بتاخد وقت شويه وبيدفعلها تأمين ف حدود ٤٠٠٠ تقريبا مش فاكر كام بالضبط

بعد كده هتسجل نفسك ف ضريبه المبيعات ، علما انك لازم تقدملهم صوره من بوليصه شحن الحاويه اللي هتكون جايه ف السكه وبردوا هيعملوا زياره للبيت

بعد كده تسجل نفسك ف المتعاملين مع الجمارك

بالتوفيق

[punisher]

لو الشقه تمليك ومش ملكك ، يفضل تخلي مثلا الوالد يعملك عقد ايجار ، عشان تخصم قيمه الايجار من الضرائب المستحقه عليك ، وطبعا فواتير المياه والكهرباء كله بيتخصم

[amr011111]

يفضل انك تعمل توكيل لمحاسب قانوني وهو يعملك كل الاجراءات دي

السجل التجاري والبطاقه الضريبيه سهلين جدا وعادي لو هتعمل مقر العمل مكان السكن وهما هيبعتولك واحد من الضرائب يعمل معاينه للمكان عشان يتأكد انه مش مكان وهمي

البطاقه الاستيراديه بتاخد وقت شويه وبيدفعلها تأمين ف حدود ٤٠٠٠ تقريبا مش فاكر كام بالضبط

بعد كده هتسجل نفسك ف ضريبه المبيعات ، علما انك لازم تقدملهم صوره من بوليصه شحن الحاويه اللي هتكون جايه ف السكه وبردوا هيعملوا زياره للبيت

بعد كده تسجل نفسك ف المتعاملين مع الجمارك

بالتوفيق

شكراً يا فندم عالرد والأهتمام. سؤال هى الجمارك اماكنها فين. يعنى لما بتيجى بضاعه بعرف انها هتيجى فى اسكندريه ولا سفاجا ولا فين بالظبط

وبالنسبه للتأمين بتاع البطاقة الاستيراديه هل بسترده ولا لاء.
وهل السعر ثابت لانى مش هستورد حاويات هستورد حاجات بسيطه. وهل لما بتعامل مع الجمارك بشوف مخلصين جمركيين أفضل أم ماذا

[punisher]

انا هتكلم بالنسبه لحاويات لان ده مجال شغلي

ميناء الوصول حضرتك اللي بتحدده وكل ميناء ف نصر بيكون ليه سعر مختلف عن التاني ، طبعا أنت بتختار الميناء علي اساس المخلص الجمركي بتاعك ، لان ممكن مخلص يقولك انا شغال اسكندريه القديم بس مش شغال الدخيله مثلا ، كل واحد بيكون ليه خبره ف ميناء معين

تأمين البطاقه الاستيراديه يسترد عند تسليمها.

سعر الشحن بيختلف ، ممكن يتغير كل شهر او مرتين ف الشهر وكل شركه شحن ليها سعر ، يعني مثلا ممكن الميرسك تبقي ب ٧٠٠$ والملاحه العربيه المتحده ب ٥٥٠$ ، حضرتك بتختار الأرخص بالنسبالي ، وممكن تكون رخيصه بس فتره الشحن طويله ، ف انت بتحدد هل انت مش مستعجل علي البضاعه ولا مستعجل وعلي استعداد تدفع تكاليف اكتر

بالنسبه للحاويات لو حضرتك مش هتستورد حاويه كامله FCL : full container load ,, في حاجه اسمها LCL : less than container load ، يعني اكتر من شخص مشتركين ف نفس الحاويه بس انا مجربتش الموضوع ده بس اللي يقدر يفيدك فيه هو شركه الشحن freight forwarder

يفضل ف الجمارك تتعامل مع مخلص جمركي بلاش تدخل نفسك ف الموضوع ، انت تقعد معاه وتقوله هتستورد ايه وهو اللي هيقولك الورق المطلوب اللي تخلي المصدر يبعتهولك

نصيحه اخويه لو هتجيب حاجات قليله ، في مكاتب بتعمل حاجه اسمها استيراد لحساب الغير وبياخد عموله منك طبعا ، بس هو بيكون مسئول عن كل حاجه وانت تبقي بعيد عن الجمارك والضرائب

[mk3]

مفيش اسهل من انك تطلع ورق الاستيراد بس نصيحه
شوف تسجيل المصانع ينطبق على شغلك ولا لا
شوف الفحص المسبق برضه
دول قرارين مصعبين الاستيراد جظا اليومين دول
احسب تكلفه على سعر دولار السوق وزود شويه كمان مش البنك
لازم تعرف ضرايب وجمارك الشغل كام من بوء مخلص قبل ما تجيب قشايه.
فى قرار لسه هينزل بتعديل تأمين البطاقه الاستيراديه ورفع رأس المال...ومهله 6 شهور للبطاقات القديمه فلو مش ناوى تكمل او مش هتجيب شغل كتيرفكر من دلوقتى.
واخيرا لو الكميه مش كبيره شوف حد يجبهالك ببطاقته

[amr011111]

انا هتكلم بالنسبه لحاويات لان ده مجال شغلي

ميناء الوصول حضرتك اللي بتحدده وكل ميناء ف نصر بيكون ليه سعر مختلف عن التاني ، طبعا أنت بتختار الميناء علي اساس المخلص الجمركي بتاعك ، لان ممكن مخلص يقولك انا شغال اسكندريه القديم بس مش شغال الدخيله مثلا ، كل واحد بيكون ليه خبره ف ميناء معين

تأمين البطاقه الاستيراديه يسترد عند تسليمها.

سعر الشحن بيختلف ، ممكن يتغير كل شهر او مرتين ف الشهر وكل شركه شحن ليها سعر ، يعني مثلا ممكن الميرسك تبقي ب ٧٠٠$ والملاحه العربيه المتحده ب ٥٥٠$ ، حضرتك بتختار الأرخص بالنسبالي ، وممكن تكون رخيصه بس فتره الشحن طويله ، ف انت بتحدد هل انت مش مستعجل علي البضاعه ولا مستعجل وعلي استعداد تدفع تكاليف اكتر

بالنسبه للحاويات لو حضرتك مش هتستورد حاويه كامله fcl : Full container load ,, في حاجه اسمها lcl : Less than container load ، يعني اكتر من شخص مشتركين ف نفس الحاويه بس انا مجربتش الموضوع ده بس اللي يقدر يفيدك فيه هو شركه الشحن freight forwarder

يفضل ف الجمارك تتعامل مع مخلص جمركي بلاش تدخل نفسك ف الموضوع ، انت تقعد معاه وتقوله هتستورد ايه وهو اللي هيقولك الورق المطلوب اللي تخلي المصدر يبعتهولك

نصيحه اخويه لو هتجيب حاجات قليله ، في مكاتب بتعمل حاجه اسمها استيراد لحساب الغير وبياخد عموله منك طبعا ، بس هو بيكون مسئول عن كل حاجه وانت تبقي بعيد عن الجمارك والضرائب

متشكر يا باشا على كمية المعلومات ديه. ياريت لو تعرف اى شركة بتستورد لحساب الخير تبعتلى اسمها عالخاص

بالنسبه للحاويات هل ساعتها بضطر اسافر للدوله اللى هستورد منها ولا ولا بشترى من النت وهما يبعتوها

[amr011111]

مفيش اسهل من انك تطلع ورق الاستيراد بس نصيحه
شوف تسجيل المصانع ينطبق على شغلك ولا لا
شوف الفحص المسبق برضه
دول قرارين مصعبين الاستيراد جظا اليومين دول
احسب تكلفه على سعر دولار السوق وزود شويه كمان مش البنك
لازم تعرف ضرايب وجمارك الشغل كام من بوء مخلص قبل ما تجيب قشايه.
فى قرار لسه هينزل بتعديل تأمين البطاقه الاستيراديه ورفع رأس المال...ومهله 6 شهور للبطاقات القديمه فلو مش ناوى تكمل او مش هتجيب شغل كتيرفكر من دلوقتى.
واخيرا لو الكميه مش كبيره شوف حد يجبهالك ببطاقته

شكرأ يا باشا على الرد بس سؤال
ما معنى تسجيل المصانع ينطبق على شغلى ام ولا ويعنى ايه والفحص المسبق وانا بشوف الحاجات ديه فين

[punisher]

والله لو كنت اعرف حد كنت قولتلك عليه ، بس لو دورت ف جوجل هتلاقي كتير ، وممكن ال freight forwarder نفسه يكون ليه ف الشغل ده

بالنسبه لتسجيل المصانع ف ده كان قرار اتاخد ف شهر مارس تقريبا أن سلع معينه عشان تستوردها لازم المصنع المصدر يكون مسجل عند هيئه الرقابه علي الواردات وكانت مكتوبه ومنشوره ف جريده الوقائع للمصريه

انا بالنسبالي مش مطلوبه بس مطلوب مني اوثق الفاتوره من الغرفه التجاريه والسفاره المصريه

حضرتك بس اكتب ف جوجل شركات استيراد لحساب الغير وهتلاقي كتير ، وابعد عن وجع الدماغ بتاع المستندات واعتبر العموله اللي هياخدوها انك اشتريت بيها نفسك عشان هو اللي هيكون متكفل بالضرائب وكل حاجه

[punisher]

للحاويات مش محتاج تسافر خالص عشان تشحنها
كل حاجه ممكن تخلص من مصر
عن نفسي لما بتعامل مع شركه لاول مره بسافر عشان اطمن علي البضاعه واكشف عليها بنفسي بس بعد كده كله عن طريق الموبايل

[amr011111]

طيب الشحن عن طريق البريد المصرى هل ممكن استورد 100 حاجه زى بعضها واستلمها هنا وانا مش معايا اوراق شركه ( يعنى مش معايا ولا سجل تجارى ولا بطاقة ضريبيه ولا بطاقة استيراديه ) هما بيسموه ddp ولا ساعتها الجمارك ممكن توقف الشحنه