أفضل بنك فى مصر من حيث الأمان والشفافية؟

[ahmedmagdy123]

علشان مطولش عليكم دلوقتى انا بقالى فترة بفكر افتح حساب فى البنك وبادور على بنك كويس وفؤجئت بكمية الفساد اللى موجودة فى البنوك وخصوصا الحكومية .. انا مش عارف هل الانترنت بيأفور كل حاجة ولا هى ديه الحقيقة
مثال مثلا اللى حصل فى الفيديو ده (اقروا الوصف هو بيشرح كل حاجة)

https://www.youtube.com/watch?v=cGQzAzMkssE

فى رأيكم ايه افضل بنك ممكن اعمل فيه حساب بحيث اتفادى حدوث حاجة زى كده او على الاقل لو حصل حاجة زى كده-لا قدر الله- يكونوا متعاونين مش (الكاميرا بايظة!)
وشكرا

[غزلة]

Hsbc

[ahmedmagdy123]

hsbc

حضرتك بتتعامل معاهم ؟
وهل ممكن اسماء تانية بحيث برضه يبقى عندى اختيارات ولا هو ده الافضل ؟

[amro1965]

بنك فيصل الاسلامى

[megaarts]

من حيث الامان كل البنوك تتساوي لان الي بيضمن فلوسك البنك المركزي
من حيث التعامل انا اتعاملت مع الاهلي وسوستيه جينرال قبل ما يبقي qnb و hsbc وفيصل والعربي
وكان افضلهم hsbc وفيصل

[salam100100]

انا اتعاملت مع
بنك مصر
البنك الاهلى
cib
hsbc
كايرو بركليز

احسنهم كخدمه عملاء وتوفير للوقت ومعامله هى hsbc
لكن هو اسوء بنك فالفوائد- يعنى متحطش فيه ودائع او شهادات
خدمه الانترنت احسن واحد فيهم

الاهلى ومصر زحمه علطول واكثر وقت انتظار- لكن احسن نسبه فوائد
مصر اكتر سيسم بيقع- او هما بيدعوا انه بيقع
هما بردوا اسوء خدمه عملاء

من الاخر لو تعاملات فلوس جاريه hsbc
ادخار مصر او الاهلى

حاليا HSBC بيقلل تعاملات الدولار على كل عملائه- لسه الاسبوع دا وصلها 100 دولار فالشهر للكروت (يعنى ولا حاجه)
مش هتعرف تحجز للسفر بره مصر بالكروت بتاعته

[ahmedmagdy123]

طيب بالنسبة لبنك الكويت الوطنى .. ايه رأيكم فيه ؟