مشكلة جراج العربية

[uzerat]

مشكلتي اني جبت عربية وزي اي واحد فينا تعبان في حاجتة خايف عليها من السرقة او الخبط وهي واقفة في الشارع وخصوصا اني في منطقة شعبية وخايف من العيال في الشارع حد بيلعب يخبطها او توكتوك كدا يعني

انا عندي محل عايز اركن العربية فيه هو تمام من حيث العرض لكن مشكلتة مرتفع عن الارض بمسافة كبيرة يعني ليه سلم او بسطة كدا لازم تطلع عليها عشان تطلع المحل

دلوقتي ايه العمل عشان اركن العربية في المحل هل في حل اقدر اطلع بيه العربية فوق خصوصا الشارع مش عريض اوي فلو عملت تدرج اسمنتي هياخد كتير من الشارع ودا مش من حقي فايه العمل دلوقتي ؟

[EgyArmy]

عندك حل بس غريب جدا ممكن اقولك عليه
عارف فى معارض العربيات بيبقى فيه مستوى متدرج حديد كدة بس دة بيبقى اتنين و رفيع و بما انك لسه شارى العربيه منصحكش بده عشان لاقدر الله لو طلعت بالعجل الى ادام ممكن تسقط بالعجل الى ورا فأنت حلك تعمل منه بعرض العربيه و اكتر و تطلع و تنزل بيه و لما تخلص تنزل تشيله فى المحل بس المشكله ان وزنه تقيل جدا

[mk3]

تدرج حديد فردتين زى بتاع المعارض
وبتعرف تسوق هتطلعه عادى جدا بس اعدل وشك

[amr011111]

او لو المحل طويل خلى الرامب من جوه المحل

[megaarts]

انا مع رأي استاذ عمرو انك تخلي المنحدر من داخل المحل نفسه لو مساحه المحل كافيه

[A_H_M_A_D]

انا معرفش ظروف المكان عندك ايه . بس لو امكن ان تنزل بمستوى ارضية المحل نفسه لقرب مستوى الشارع ده هايحل المشكلة . ده في حالة انه ينفع من الناحية الانشائية للعمارة

[uzerat]

الف شكر يا جماعة فعلا حيرة كبيرة بالنسبالي اجيب رامب بورتابل ولا اعمل المنزل من داخل المحل وياتري تكلفتة هتكون في حدود كام؟؟؟؟

انا معرفش ظروف المكان عندك ايه . بس لو امكن ان تنزل بمستوى ارضية المحل نفسه لقرب مستوى الشارع ده هايحل المشكلة . ده في حالة انه ينفع من الناحية الانشائية للعمارة

هي دي المشكلة هو المحل بلاط انا ممكن اسيب بتاع متر واكسر واعمل المنحدر دا بس هل دا ينفع ولا هلاقي ايه في الارضية تحت البلاط بعد مشيل الرمل هل خرسانة صح ولا هيبقا ايه ؟

[A.Saad]

المفروض يكون فيه ردم رمل فوق الخرسانة
حاول تشوف منسوب السلم او محل تانى علشان تقدر منه

[amr011111]

بنسبه كبيره هتلاقى المحل مرتفع عن الشارع عن طريق بناء طوب ويسمى قصية ردم. وبنسبه قليلة اوى ممكن يكون سمل خرسانه مقلوب هو اللى عامل ارتفاع المحل عن الشارع علشان تتأكد من الموضوع ده قبل ما تكسر هات شنيور عادى مش دقاق واخرم فى الحيطه لو خرم بسهوله يبقى طوب وطبعا هيبان من الرمل اللى نازل. او حل اخر بأجنة وشاكوش تكسر جزء بسيط من المحارة وتشوف ايه اللى تحته وبالتوفيق