انا كنت عامل موضوع عن الدهب من قيمة شهر ونص

[moody_687]

انا كنت عامل موضوع عن شراء الذهب ٢١ وهو ب ٥٠٠ ج للجرام من شهر ونص واخذت اراء الاعضاء فالشراء للتخزين ولا لا
ف ناس قالت اشتري بس ف مخاطرة انه ينزل وف ناس قالت لا وحط فلوسك ف عقارات
حالياً عيار ٢١ بقى ب ٦٣٠ ج للجرام يعنى فرق ١٣٠ ج يعني لو كنت جيبت كان زمانى كسبان حالياً
دلوقتي سؤالي نشتري بقى ع السعر ده ونقوي قلبنا ولا السعرهينزل لو الجنيه تعوم وفلوس الدولارات بتاعة شركات الاتصالات وبتاعه صندوق النقد الدولي دخلت ف خزينة البنك المركزي وبالتالي الدولار سعره هينخفض ل ١٣ جمثلاً مما يستتبعه انخفاض ف سعر جرام الذهب
راي سيادتكم ايه

[borio1704]

الاستثمار في الذهب هو الأضمن على المدى الطويل... يعني لو عايز تشيل فلوسك بقيمتها لمدة 3-4 سنين مثلا.. يبقى أحسن حاجة الذهب... خصوصا مع حالة الاقتصاد المزرية اللي البلد فيها..


وحتى لو حال الاقتصاد كويس... طبيعة النظام المالي بتخلي قيمة العملة تنزل كل سنة بمقدار الفايدة بتاعت البنوك..

يعني إيه الكلام ده؟؟

يعني لو فرضنا إنك معاك 100 ألف جنيه مثلا وحطيتهم في البنك على أساس إنك تاخد فايدة 10% مثلا... ده مش معناه إن فلوسك زادت.... أبدا... ده معناه إن قيمة الجنيه نزلت بمقدار 10% والبنك بيعوضهالك.

ده اللي بيحصل في كل مكان في الدنيا...



لكن الذهب قيمته ثابتة.. إنما سعره متغير...

إزاي الكلام ده؟؟

يعني الحاجة اللي كنت بتشتريها من 50 سنة بجنيه ذهب هي نفسها اللي بتشتريها دلوقتي بجنيه ذهب... مفيش تغيير.


...

[rotanamasoud]

فى نقطه فى تفكيرى
ان فى سعر حقيقى وسعر مضاربه
مثلا سعر حقيقى للدولار 14 ومع مضاربه الناس وزياده الطلب يصل ل18 لاكن اصل الازمه 14 فبمجرد اشاعات او بدء البيع بغزاره يعود للسعر الحقيقى
فبتكون المخاطره فى الفرق ال4 واللى يفهم اصل السعرين هو اللى يعرف امتى يبيع وامتى يشترى باقل مخاطره

[mahmoudselim]

أشتري

[abdo gamil]

اصبر شويه لان الذهب هينزال بعد تحرير سعر الصرف بعد كده هيرفع ليصل اخر العام 800-850 الكلام ده مش كلامى ده كلام تاجر دهب

[hugan]

خلي بالك سعره ارتفع نعم
لكن التجار اليوم اوقفوا البيع والشراء رسميا

[eslamrace]

حضرتك السعر من امبارح للنهارده نزل من ٦٢٠ جنيه الي ٥٤٥ جنيه وكتير من محلات الصاغه قفلت بدري أنهارده لحين استقرار السعر وكل ده بسبب سعر الدولار الغير مستقر حالياً وده كان متوقع لان سعر الدهب أصلاً عالميا متغيرش بالشكل الهائل ده إنما الموضوع كله كان استغلال من تجار الدهب وده وضح جداً في حلقه عمرو أديب واللي كانت دعوه شديده للناس انها تشتري ولما تحاول تبيع كنت بتلاقي مقاومه شديده من التجار ان الانتظار مطلوب دلوقتى وبلاش تبيع بعكس الشراء وده لأنهم كانوا عارفين ان ده مش السعر الحقيقي للدهب دلوقتى

حضرتك استنى شويه لان المضاربه حاليا خلصت استنى لما السعر يستقر ويبدأ ياخد اتجاه صعودي مره تانيه ابدأ اشترى إنما لو حتشترى كمخزن للقيمة ومش حتبيع غير بعد مده طويله يبقي اشتري بأى سعر كده كده حتعوض اى نزول في السعر علي المدي الطويل
تحياتى.

[Dream_Man]

اشترى بس مش دلوقتى السعر هينزل اول مايتم تعويم الجنية . هتفضل الاسعار تنزل وبعدان هتثبت لفترة وهى دى الفترة اللى تشترى فيها . لان بعد كدة هيولع فعلا ويوصل ل 800 واكتر ومش هيزل تانى
لما يتم تعويم الجنية هيثبت على 12 ج تقريبا والدهب والدولار هينزل ودة كلة لفترة معينة زى ماقولت وهى دى اللى تشترى فيها
نصيحة هات دهب ودولارات مش دهب بس . لازم تنوع مصادر استثماراك

حاجة تانية .. انتا هتشترى مشغولات ولا جنيهات ولا سبايك ؟؟

[hilal]

رأيي المتواضع
لن يحدث التوازن إلا عندما تزيد الصادرات السلعية والخدمية عن الواردات أو تتعادل معها على الاقل

ما يحدث الآن هو مسكنات مؤقتة وليست حلول ...

ونصيحتي للجميع تختلف باختلاف الهدف الذي يسعى إليه

فإذا أردت أن تحافظ على أموالك فلابد أن تكون في شكل أصول مثل العملات الاجنبية المستقرة أو المعادن الثمينة أو العقارات

أما إذا كنت تسعى لتحقيق أرباح منخلال المضاربة ، فهي تحتاج إلى خبرة ، ودراسة ، والاهم من ذلك تحتاج إلى الموهبة

لأن زيادة أو انخفاض أسعار العملات أو الذهب لا تتم في شكل خط مستقيم ولكن في شكل خط متعرج

مثال بسيط للتوضيح
اذا كان سعر الذهب 100 ، وبدأت موجة الزيادة ،
ستجد سعر الذهب يزداد 20 ثم 30 ..ثم 40 ثم 50 . ليصبح سعره 240
وبعد ذلك تبدأ موجة الانخفاض .. فينخفض 20 .. ثم 10 ... ثم ... 5 ، ليصبح سعره 205
وتتكرر الدورة مرة أخرى

والشخص الذي يريد الشراء ينتظر دورة الانخفاض كاملة ، وعندما يبدأ السعر في الزيادة ... هي اللحظة المناسبة للشراء ... وعليه أن يشتري فورا بدون تأخير

أما الشخص الذي يريد البيع فينتظر دورة الارتفاع كاملة ، وعندما يبدأ السعر في الانخفاض .... هي اللحظة المناسبة للبيع وعليه أن يبيع فورا بدون تأخير

[moody_687]

اشترى بس مش دلوقتى السعر هينزل اول مايتم تعويم الجنية . هتفضل الاسعار تنزل وبعدان هتثبت لفترة وهى دى الفترة اللى تشترى فيها . لان بعد كدة هيولع فعلا ويوصل ل 800 واكتر ومش هيزل تانى
لما يتم تعويم الجنية هيثبت على 12 ج تقريبا والدهب والدولار هينزل ودة كلة لفترة معينة زى ماقولت وهى دى اللى تشترى فيها
نصيحة هات دهب ودولارات مش دهب بس . لازم تنوع مصادر استثماراك

حاجة تانية .. انتا هتشترى مشغولات ولا جنيهات ولا سبايك ؟؟

عايز اشتري سبايك سويسري بس للاسف مش موجوده عند اي حد

[karim fathy]

يا جماعه انا اشتريت جنيهات دهب يوم الاثنين من حظى كان العيار 21 ب 660 دلوقتى السعر عمال ينزل هل الخساره دى هتتعوض قدام مع الاعتبار انى شارى عشان الفلوس قيمتها بتقل و مش ناوى ابيع قبل سنه ونص هل هيرتفع ولا ايييه

[ganash]

يا جماعه انا اشتريت جنيهات دهب يوم الاثنين من حظى كان العيار 21 ب 660 دلوقتى السعر عمال ينزل هل الخساره دى هتتعوض قدام مع الاعتبار انى شارى عشان الفلوس قيمتها بتقل و مش ناوى ابيع قبل سنه ونص هل هيرتفع ولا ايييه

هيرفع

[hilal]

يا جماعه انا اشتريت جنيهات دهب يوم الاثنين من حظى كان العيار 21 ب 660 دلوقتى السعر عمال ينزل هل الخساره دى هتتعوض قدام مع الاعتبار انى شارى عشان الفلوس قيمتها بتقل و مش ناوى ابيع قبل سنه ونص هل هيرتفع ولا ايييه

طالما عاوز تحافظ على مدخراتك ، ماتخافش ... ده هيرتفع .. وهيرتفع جدا
اهم شيء لا تلتفت للمناورات والاشاعات التي يقوم بها كبار المضاربين

[abdo gamil]

ياريت نعرف هل الوقت مناسب للشراء

[sherif_mahalla]

اتقل شويه