فلاتر المياة

[midoabdeen]

السلام عليكم ورحمة الله وبركاتة
عايز اجيب فلتر مياة
الميزانية لا تزيد عن 500 جم
المياة عندي مش بشم فيها ريحة و لا ليها طعم ولا لون
محتار بين فلتر تانك ال 3 مراحل و ال 5 مراحل
ناس كتير خوفتني من ال 5 مراحل علشان بيشيل الاملاح من المياة
ياريت اللي مجرب يقول تجربته

[smsmnet]

انا المايه عندي نضيفة بس فيها طعم المواسير

بستخدم فلتر باناسونيك بقالي 4 سنين مرحلة واحدة كربون بيشيل المواد العضوية والكيماوية والكلور والطعم والرائحة ، بصراحة المايه افضل من المعدنية اللي بتتباع والمايه مش هتشبع منها والمشروبات هيبقى طعمها افضل بكتير

الفلتر كان ب 350 اول ما اشتريته وطبعا سعره حاليا الضعف ، والشمعة بتتغير كل 6 شهور : سنة حسب استخدامك ب 150 جنيه

وجربت المياه من فلتر تانك التلات مراحل سيء جداً والمايه طعمها مش كويس، ممكن بيشيل الشوائب لكن الطعم بشع

اللي هيحدد الافضل هى حالة المايه في منطقتك ، يعني لو مشكلتك املاح زيادة هتحتاج مرحلة املاح، لو فيه شوائب كتير هتحتاج مرحلة ازالة شوائب

لكن الكربون مرحلة اساسية لا غنى عنها

[midoabdeen]

انا سمعت عن باناسونيك بس المشكله ان الشمعة غاليه
لو حد تاني جرب تانك يقولي ايه الاحسن

[smsmnet]

فلتر تانك عند جاري وعند ابن عمي وشربت من المايه عندهم محبتهاش ، فيها طعم برده

باناسونيك مش هيخلي للمايه طعم او ريحة او لون غير انه صناعة ياباني ويستاهل تمنه

مع الاستخدام المعتدل ل 4 افراد الشمعة هتقعد معاك 10 شهور او سنة وتستاهل تمنها صدقني

[rotanamasoud]

عندى تانك 3 مراحل وطعم الميه عادى
طعمها حيكون مر(عاطى على معقم)فى الاول عشان المرحله الكربونيه ومع الوقت بتصبح عاديه(لو حتغير جميع المراحل دورى حيفضل الطعم ده لو حتغير المرحله الاولى بتاعت الشوائب وتغسل المرحلتين التنيين مع كل تغييره حتحصل على مياه مفلتره من الشوائب وده اللى يهمنى بصراحه
احنا اهم مرحله الاولى لازاله الشوائب ده بالنسبه للفلاتر العاديه حتى 3 مرحله وده المطلوب بالنسبالى
ال5وال7 افضل ومرحله المزوده بمرحله التناضح العكسى فهى تنقى المياه بدون اى تاثر على الاملاح المهمه عكس المتداول ولو عايز تمشى زى الكتاب بتشترى قلم قياس الاملاح وده بيوضحلك كفائه الفلاتر ال5او7 مرحله ويوضح امتى تغير مرحله التناضح العكسى
الخلاصه
فلتر 3 مراحل كافى لفلتره المياه من الشوائب
فلتر 5 او 7 يؤمن بعد فلتره الشوائب ضبط نسب الاملاح فى الماء
اختار المناسب لك

[طارق _عبد السلام]

الخمس مراحل ملوش اى علاقه بالاملاح لانه بدون شمعه الميمبرين المخصصه للاملاح ودى لوحدها تعمل 300 جنيه

الافضل هات السبع مراحل..ولو خايف من موضوع الاملاح ..مع انك مش ممكن بستمد الاملاح لجسمك فقط من المياه..هات السبع مراحل وكل يوم قوم باأكل طمطمايه هتديلك الاملاح اللى انت عايزها لو خايف انها تنقص فى المياه............ مع ان الفلتر بيظبط الاملاح مش بيشيلها

[mk3]

الاملاح فى ميه مصر نسبتها عاليه
هات شركه تحلل فى دقيقه وغالبا هتختار الفلتر المتقدم ابو ممبرين واشرب كوبايه عصير