هاتجنن عما اشترى شاشة تليفزيون "مطلوب النصيحة"

[moonston]

السلام عليكم ورحمة الله وبركاته
الماساة كالتالى
بعد البحث على الانترنت وجدت ان شاشة lg الافضل بعد سونى وقررت اشتريها
نزلت واشتريتها بالعافية لانها بقت نادرة وغير متوفرة فالسوق ..على الاقل هنا فالمنصورة
الشاشه "كانت"43 بوصة بريسيفر داخلى وكانت حلوة
بعد 5 ايام بدات متستجيبش للريموت وطبعا ده معناه منعرفش نشغلها اصلا
كلمت الصيانه وبعد موال مكالمات مع ال جى والصيانة فالمنصورة وصل الفنى ولقاها محتاجة تغيير بوردة وهنطلب البوردة ومش عارفة ايه
كلمت التاجر اللى اشتريتها منه والراجل طلع زوق "او بيضحك عليا"الله اعلم وقالى خليهم يغيروا البوردة وانا ابدلهالك او اديلك فلوسك عادى خالص
وفعلا بعد ايام تم تغيير البوردة وتانى يوم رجعتها للتاجربهدلة ودوخة
المهم الحيرة الاكبر مش عارفه اشترى ايه بما ان ال جى مش متوفرة
هل سامسونج بديل كويس والصيانة بتاعتها كويسه ؟
هل اشترى توشيبا مثلا وخلاص؟
هل استنى توفر ال جى ؟
مع العلم انى لقيت الشاشة نفسها عند تاجر تانى لكن مزود سعرهل من 3500 الى 5100 مع انه من 3 اسابيع سالتع عليها قالى 3400 تقريبا
وسالت تاجر تانى قالى هتتوفر عنده على الاسبوع الجاى لكن على سعر 4500
يعنى زيادة 1000 عن سعرها اللى انا اشتريتهل عليه من اسبوعين
يعنى اسعار ال جى هتغلى جامد ومش عارفه بقى هى هتنزل تانى ولا الدولار ووقف الاستيراد هيخلوا اسعارها فالطالع علطول ...انا تعبت من الحيرة دى بجد اعمل ايه

[abokoko]

تابع عروض سبينس او كارفور
لانهم بيبدلوا خلال 14 يوم من تاريخ الشراء
وبدون مشاكل

العروض علشان وفر السعر والفاتورة علشان لو فى عيب ترجعها او تستبدلها


اعتقد سامسونج منتشرة وبدون مشاكل

[moonston]

نزلت سالت تانى فى بع المحلات لقيت سعر الشاشات تضاعف
اللى انا كنت جايباها من اسبوعين ب 3500 لقيتها ب 6000
ومش ال جى بس دا سامسونج وتوشيبا كماااان
انا مستحيل اشترى حاجه فى الحالة دى مضطرة استنى اشوف هيحصل ايه
الله المستعاااااااااااااااااان

[smsm2015]

شوف هيكون فى عروض على جوميا على التلفزيونات ادخل على صفحتهم وهتعرف كل حاجة قريب جدا وكذلك سوق كوم انا اشتريت ثلاجة توشيبا من سوق كوم ب 4100 ج والشحن مجانى قى حين ان سعرها بره 5500 ج تابعهم كويس وفى شارع عبد العزيز كمان

[moonston]

جزاكم الله خيرا
عموما هاتابع كده والله المستعان