اسلاك و مفاتيح الكهرباء

[سيد مختار]

انا بجدد شقتى و عايز اشترى سلك تمديد و فى السوق موجود سلك اسمه a z ايه رايكم فيه ؟؟ وبالنسبة لمفاتيح التكيف اجيب مفاتيح شانسى و لا باتشينو؟؟

[megaarts]

اهم حاجه في شغل الكهرباء الاسلاك حاول تجيب سلك محترم ايا كان سعره وانصحك تشوف السويدي او الفرنسيه
بس خد بالك من المضروب وبرضو اعمل حسابك انك هتكلف لان الكابلات ذادت في الشهر الي فات ده اكتر من 160%
بخصوص مفاتيح التكييف طبعا البتشينو محترم جدا والشانسي برضو كويس جدا مش فارقه اوي

[akmm]

افضل اسلاك كهرباء باقطارها المختلفه هي السويدى وأيضا شركه المتحده ... كلها معتمده ...... مفاتيه القواطع فعلا بتشينو وأيضا فينوس .

[ام حبيبة]

جبريل السويدى فى العتبة موثوق فيه

[salam100100]

اتلسعت كذا مره من المنتجات الصينى- حبيت اوفر فجبتها (مفاتيح)
الغالى ثمنه فيه
مقوله حقيقيه
البتشينو مصرى احسن من الصينى المستورد ابو لمبه زرقاء

هات الغالى وانسى
بالنسبه للاسلاك- بالتقريب الواحد ملى بيشيل 10 امبير
يعنى السلك ال2 مم بيشيل 20 امبير
بردو فى اسلاك مثلا 4 مم شعر او ضفيره
الشعر بيكون اسهل فالشد داخل الخراطيم عشان طرى

[سيد مختار]

يعنى اغير الاسلاك اصل انا اشتريتهاو اجيب السويدى ؟
ايه المشاكلة ال ممكن تحصل لو استخدمت az??

[HeMa_LanCeR]

لو هتستخدم نوع تاني مش معتمد
هتكبر الملي
يعني لو محتاج 2 ملي معتمد
هتشترية 3 ملي نوع تاني

[AHMED12345678]

يعنى اغير الاسلاك اصل انا اشتريتهاو اجيب السويدى ؟
ايه المشاكلة ال ممكن تحصل لو استخدمت az??

الفرق بين سلك السويدى والسلوك الاخرى هى ان سلوك السويدى من النحاس وطبعا دى بيغلى سعرها
اما السلوك الاتية هتلاقى نسبة النحاس اقل وبتختلف من سلك لسلك حسب نسبة النحاس فيه
وطبعا علشان النحاس موصل جيد للكهرباء فمع سلوك السويدى مش هتحتاج سلك الملى بتاعه اكبر
بمعنى لو هتجيب سلك سويدى مقاس 4 ملى فى الانواع التانية هتجيب سلك مقاس 6 او 7 ملى