مساعده ضروري بخصوص التجنيد

[a7med yusuf]

السلام عليكم
انا عديت من الكشف الطبي لائق أ مع اني ايدي بتعرق كتير جدا
وعندي كشف هيئه بعد 10 ايام في حلميه الزتون بس طبعا كشف الهيئه بيبقي الساعه 7 الصبح واحنا في الشتاء فبتبقي ايدي مش مبلوله فهل لما اكشف جلديه هناك الدكتور هيبص علي ايدي ولو لقاها مش مبلوله هيديني لائق ولا في فحص معين بيعمله عشان يتاكد ان ايدي بتعرق كتير

[Weesky]

ههههههههه والله حتي لو شهر ٨ الساعة ٢ الظهر
الف مبروك ومصر محتاجالك ياوحش

[a7med yusuf]

ههههههههه والله حتي لو شهر ٨ الساعة ٢ الظهر
الف مبروك ومصر محتاجالك ياوحش

هههههههههههههههه ليه كده طيب والله انا عرفت ان في ناس كتير طلعت بسبب الموضوع ده بس للاسف ان جه حظي في عز البرد

[Weesky]

هههههههههههههههه ليه كده طيب والله انا عرفت ان في ناس كتير طلعت بسبب الموضوع ده بس للاسف ان جه حظي في عز البرد

ان شاء الله حتنبسط معانا وحتقدي مدتك علي خير وتستفيد وتفيد بلدك اولا ونفسك ثانيا وكفاية ان حيبقة ليك شرف الخدمة مع خير اجناد الارض ولما تطلع يبقة ليك نظرة تانية عن مفهوم الرجولة و الشرف والاخلاص والتضحية
وبالنسبة بقه لموضوع ايدك دي حاجه بسيطة خالص وان شاء الله مش حتبقة مشكلة لأن كده كده لازم تتعب وتعرق في التدريب
(الكثير من العرق اثناء التدريب يمنع الكثير من الدماء وقت الحرب)
وفي انتظارك يا بطل

[No_Name_Is_Ftw]

مش عايز احبطك والله, بس متحطش أمل عالموضوع دة لأنى شفت بلاوى وناس مكسحة دخلت الجيش معايا فى مركز التدريب من شهر.

مرحبا بيك فى القوات المسلحة يا بطل.

[samyyousef]

لا يضيع حق وراءه مطالب
لو انت من حقك الاعفاء الطبي فيجب ان تسعى وراء حقك....طالما هو حقك
لمعلوماتك الكشف الطبي و العرض على اللجان لا يشترط ان يكون في توقيتات التقديم فقط...بمعنى انك لو دخلت و قضيت مركز التدريب و اتوزعت على الوحدة...مازال في امكانك طلب عرضك على اللجان الطبية

[hugan]

للاسف انسي
سانت كاترين شهر ديسمبر درجه الحراره تحت الصفر
من عشرين سنه
مجند زميل ايده بتجيب مياه
اتعرض لجنه
وسقط